ຂ່າວສານ

ສ້າງເຄື່ອງໝາຍການຄ້າເຂົ້າສານ ກາເມົາ

04/05/2017

ກາເມົາ ພວມສຸມໃສ່ສ້າງເຄື່ອງໝາຍການຄ້າເຂົ້າສານພິເສດສະເພາະຂອງທ້ອງຖິ່ນ; ພ້ອມທັງເອົາໃຈໃສ່ສົ່ງເສີມການຄ້າ, ໂຄສະນາ, ແນະນຳບັນດາຜະລິດຕະພັນ

(ພາບປະກອບ)

ທີ່ມີເຄື່ອງໝາຍການຄ້າເຂົ້າສານ ກາເມົາ ຢ່າງກ້ວາງຂວາງ ພາຍຫລັງໄດ້ຮັບການຢັ້ງຢືນບັນລຸມາດຕະຖານຄຸນນະພາບສູງຕໍ່ຕະຫລາດພາຍໃນປະເທດ ແລະ ຕ່າງປະເທດ. ແຂວງ ກາເມົາ ພວມເອົາໃຈໃສ່ປະຕິບັດແຜນນະໂຍບາຍສ້າງໂຄງປະກອບຂະແໜງຜະລິດເຂົ້າເປັນສິນຄ້າຄຸນນະພາບສູງເປັນຢ່າງດີ, ຍູ້ແຮງການສົ່ງເສີມກໍ່ສ້າງເຄື່ອງໝາຍການຄ້າເຂົ້າສານ ກາເມົາ. ທາງແຂວງກໍ່ເອົາໃຈໃສ່ເຊື່ອມຕໍ່ກັບວິສາຫະກິດ ເພື່ອໂຄສະນາ, ແນະນຳກ້ວາງຂວາງບັນດາຜະລິດຕະພັນເຂົ້າສານພິເສດທີ່ມີເຄື່ອງໝາຍການຄ້າ ກາເມົາ ຢູ່ບັນດາສາຂາ, ຮ້ານຄ້າ, ຮ້ານຊັບພະສິນຄ້າພາຍໃນ ແລະ ຕ່າງແຂວງ. ປະຈຸບັນ ພະແນກກະສິກຳ ແລະ ພັດທະນາຊົນນະບົດແຂວງ ມີແຜນການປະຕິບັດສ້າງໂຄງປະກອບຂະແໜງຜະລິດເຂົ້າເປັນສິນຄ້າຄຸນນະພາບສູງຄືນໃໝ່ໃນປີ 2020.

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.