ຂ່າວສານ

ສູນກາງຄະນະຊາວໜຸ່ມກອມມູນິດ ໂຮ່ຈີມິນ ເປີດຕົວ ແຜນທີ່ບັນດາສະຖານທີ່ສັກວັກຊິນກັນໂຄວິດ - 19 ໃນທົ່ວປະເທດ

20/08/2021

ສູນກາງຄະນະຊາວໜຸ່ມ ໄດ້ສ້າງ ແລະ ເປີດຕົວແຜນທີ່ບັນດາສະຖານທີ່ສັກວັກຊິນກັນໂຄວິດ - 19 ໃນທົ່ວປະເທດ ຢູ່ ເວັບໄຊ: bandotiemchung.doanthanhnien.vn. ນີ້ແມ່ນເຄື່ອງມືທີ່ຊ່ວຍໃຫ້ປະຊາຊົນຊອກຫາ ແລະ ຄັດເລືອກໄດ້ສະຖານທີ່ສັກວັກຊິນທີ່ເໝາະສົມ.

ພາບປະກອບ: tienphong.vn

ໃນແຜນທີ່, ປະຊາຊົນສາມາດຊອກຫາບັນດາສະຖານທີ່ສັກວັກຊິນທີ່ໃກ້ກັບບ່ອນຢູ່ຂອງຕົນໄດ້ຢ່າງງ່າຍດາຍ. ແຜນທີ່ຍັງສະຖິຕິບັນດາສະຖານທີ່ທີ່ມີຄົນຫຼາຍ, ມີຄົນໜ້ອຍ ເພື່ອຊ່ວຍໃຫ້ປະຊາຊົນຄັດເລືອກສະຖານທີ່ສັກວັກຊິນທີ່ເໝາະສົມ.

ເພື່ອໜູນຊ່ວຍໃຫ້ແກ່ຍຸດທະສາດສັກວັກຊິນກັນໂຄວິດ - 19 ໃນທົ່ວປະເທດ, ຄະນະເລຂາສູນການຄະນະຊາວໜຸ່ມ ໄດ້ປະກາດໃຊ້ ແຜນການ “ຈັດຕັ້ງການໜູນຊ່ວຍຍຸດທະສາດສັກວັກຊິນກັນໂຄວິດ - 19 ປີ 2021 - 2022”.
ມາຮອດປັດຈຸບັນ, ຄະນະຊາວໜຸ່ມທຸກຂັ້ນໃນທົ່ວປະເທດ ໄດ້ສ້າງຕັ້ງກ່ວາ 4.700 ກຸ່ມໄປເຜີຍແຜ່ໂຄສະນາ, ຂົນຂວາຍປະຊາຊົນ ຕິດຕັ້ງ ແລະ ນຳໃຊ້ “ປຶ້ມຄູ່ມືສຸຂະພາບເອເລັກໂຕນິກ” ເພື່ອຄຸ້ມຄອງການເຄື່ອນໄຫວສັກວັກຊິນສ່ວນຕົວ, ມີກ່ວາ 2.200 ກຸ່ມໜູນຊ່ວຍການສັກວັກຊິນກັນໂຄວິດ - 19. ວຽກງານລະດົມແຫຼ່ງກຳລັງໜູນຊ່ວຍໃຫ້ແກ່ຍຸດທະສາດພວມໄດ້ບັນດາຫົວໜ່ວຍເປັນເຈົ້າການໃນການຜັນຂະຫຍາຍຢ່າງມີປະສິດທິຜົນດ້ວຍຍອດມຸນຄ່າຫຼາຍກ່ວາ 23 ຕື້ດົ່ງ, ໃນນັ້ນມີບັນດາອຸປະກອນການແພດ.

(ແຫຼ່ງຄັດຈາກ VOV)

ເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອແບບພິເສດ ລະຫວ່າງ ຫວຽດນາມ - ກຸຍບາຢ່າງບໍ່ຢຸດຢັ້ງ

28/09/2023
ຂ່າວສານ

ທ່ານປະທານສະພາແຫ່ງຊາດ ກຸຍບາ Esteban Lazo Hermandez ໄດ້ມາຢ້ຽມຢາມ ຫວຽດນາມ ໃນລະຫວ່າງວັນທີ 24 - 28 ກັນຍາ ແລະ ເຂົ້າຮ່ວມພິທີສະເຫຼີມສະຫຼອງ 50 ປີແຫ່ງວັນທ່ານປະທານ Fidel Castro ມາຢ້ຽມຢາມເຂດປົດປ່ອຍ ພາກໃຕ້ ຫວຽດນາມ (9/1973-9/2023). ນີ້ແມ່ນໂອກາດເພື່ອໃຫ້ປະຊາຊົນສອງປະເທດ, ພິເສດແມ່ນໄວໜຸ່ມ, ເພີ່ມທະວີຄວາມຮູ້ຄວາມເຂົ້າໃຈກ່ຽວກັບປະຫວັດສາດ ແລະ ຄວາມໝາຍຂອງການພົວພັນແບບພິເສດ ລະຫວ່າງ ຫວຽດນາມ - ກຸຍບາ ໂດຍທ່ານປະທານ ໂຮ່ຈີມິນ ແລະ ທ່ານປະທານ Fidel Castro ໄດ້ເພີ່ມພູນຄູນສ້າງຂຶ້ນ. ພ້ອມທັງ, ສະແດງໃຫ້ເຫັນຄວາມຕັດສິນໃຈຂອງສອງຝ່າຍໃນການສືບທອດ ແລະ ເສີມຂະຫຍາຍກຳລັງແຮງມູນເຊື້ອອັນດີງາມ, ປະກອບສ່ວນເຂົ້າໃນການຮັດແໜ້ນການພົວພັນສາມັກຄີລະຫວ່າງ ຫວຽດນາມ - ກຸຍບາ.