ທີ່ກອງປະຊຸມອອນລາຍຂອງຄະນະຊີ້ນຳການປ້ອງກັນ, ສະກັດກັ້ນໂລກລະບາດໂຄວິດ-19 ໂດຍນະຄອນ ໂຮ່ຈີມິນ ຈັດຕັ້ງໃນຕອນບ່າຍວັນທີ 13 ເມສາ, ທ່ານ ຫງວຽນທ້ຽນເຍິນ, ເລຂາຄະນະພັກນະຄອນ ໂຮ່ຈີມິນ ໄດ້ຮຽກຮ້ອງວ່າ ຈົ່ງສືບຕໍ່ປະຕິບັດບັນດາມາດຕະການປ້ອງກັນ, ສະກັດກັ້ນໂລກລະບາດຢ່າງເຂັ້ມງວດ, ບໍ່ປະໝາດ, ລະເລີຍ.
ສືບຕໍ່ປະຕິບັດບັນດາມາດຕະການປ້ອງກັນ, ສະກັດກັ້ນໂລກລະບາດໂຄວິດ-19 ຢ່າງເຂັ້ມງວດ
ແລະກໍ່ໃນວັນດຽວກັນ, ສູນຄວບຄຸມພະຍາດແຂວງ ກາວບັງ ກໍໄດ້ນຳຫ້ອງວິໄຈຊີວະວິທະຍາເຂົ້າເຄື່ອນໄຫວ ເພື່ອດຳເນີນການວິໄຈກວດພົບຜູ້ຕິດເຊື້ອໂຄວິດ-19. ແຂວງ ກາວບັງ ໄດ້ຕິດຕັ້ງເຄື່ອງວິໄຈ Real time PCR ເຊິ່ງແມ່ນເຄື່ອງວິໄຈໄວຣັດ SARS-CoV-2 ທີ່ມີລະດັບຄວາມຊັດເຈນເຖິງ 99,5%.
ທີ່ແຂວງ ທ໊າຍບີ່ງ, ທ່ານ ດັ້ງຈ້ອງທັງ ປະທານຄະນະກຳມະການປະຊາຊົນແຂວງ ທ໊າຍບີ່ງ ຫາກໍ່ມີເອກະສານທາງການຮຽກຮ້ອງບັນດາພະແນກ, ຂະແໜງການເພີ່ມທະວີກົດລະບຽບວິໄນ, ບໍ່ປະໝາດ, ລະເລີຍຢ່າງເດັດຂາດ; ຢຶດໝັ້ນບັນດາຫຼັກການປ້ອງກັນ, ສະກັດກັ້ນໂລກລະບາດ…ຮຽກຮ້ອງປະຊາຊົນໃຫ້ມີສະຕິຕື່ນຕົວຕໍ່ການປະຕິບັດບັນດາມາດຕະການປ້ອງກັນ, ສະກັດກັ້ນໂລກລະບາດໃຫ້ຖືກຕ້ອງຕາມການຊີ້ນຳຂອງນາຍົກລັດຖະມົນຕີ.
(ແຫຼ່ງຄັດຈາກ VOV)
