ຂ່າວສານ

ສັນຍາ RCEP ຄາດວ່າຍັງຄົງໄດ້ຮັບການລົງນາມໃນປີນີ້

05/05/2020

ໃນບົດກ່າວປາໄສສະບັບໜຶ່ງໃນວັນທີ 3 ພຶດສະພາ, ທ່ານ Chan Chun Sing ລັດຖະມົນຕີກະຊວງການຄ້າ ແລະ ອຸດສາຫະກຳ ສິງກະໂປ ໄດ້ຢັ້ງຢືນວ່າ ສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP) ຍັງຄົງຢູ່ໃນໄລຍະເຊິ່ງຄາດວ່າຈະໄດ້ຮັບການລົງນາມໃນທ້າຍປີນີ້.

ບັນດາຜູ້ແທນເຂົ້າຮ່ວມກອງປະຊຸມຂັ້ນລັດຖະມົນຕີກ່ຽວກັບສັນຍາ RCEP (ພາບ: TTXVN)

ຕາມທ່ານ Chan Chun Sing ແລ້ວ, ບັນດາຝ່າຍເຂົ້າຮ່ວມການເຈລະຈາທັງໝົດລ້ວນແຕ່ເຫັນດີເປັນເອກະພາບວ່າ ການລົງນາມໃນ RCEP ໃນປີ 2020 ແມ່ນສຳຄັນທີ່ສຸດເພື່ອແນໃສ່ປັບປຸງ ແລະ ຊຸກຍູ້ຄວາມໄວ້ເນື້ອເຊື່ອໃຈຕໍ່ພື້ນຖານເສດຖະກິດທົ່ວໂລກ ກໍ່ຄືເສດຖະກິດໃນພາກພື້ນ, ພິເສດແມ່ນໃນສະພາບການປະສົບກັບຄວາມຫຍຸ້ງຍາກຍ້ອນໂລກລະບາດຄືໃນປັດຈຸບັນ.

ທ່ານ Chan Chun Sing ກໍ່ໃຫ້ຮູ້ວ່າ ບັນດາການປຶກສາຫາລື, ກອງປະຊຸມວິຊາການຕາມຮູບແບບອອນລາຍຂອງບັນດາຝ່າຍເຂົ້າຮ່ວມການເຈລະຈາ RCEP ໄດ້ ແລະ ພວມໄດ້ຮັບການດຳເນີນ, ພ້ອມທັງທ່ານກໍ່ໃຫ້ຮູ້ວ່າບໍ່ມີສັນຍານຮ້າຍແຮງທີ່ສະແດງໃຫ້ເຫັນຄວາມຊັກຊ້າ ຫຼືຕ້ອງໂຈະການລົງນາມໃນຂໍ້ຕົກລົງດັ່ງກ່າວ.

(ແຫຼ່ງຄັດຈາກ VOV)

ອິດສະຣາແອັນ ຂຶ້ນແຜນການສ້າງເຂດຕັ້ງຖິ່ນຖານທີ່ມີຂອບຂະໜາດໃຫຍ່ຢູ່ຝັ່ງຕາເວັນຕົກ

05/06/2026
ຂ່າວສານ

ຕາມຖະແຫຼງການຂອງທ່ານ Bezalel Smotrich ລັດຖະມົນຕີກະຊວງການເງິນ ອິດສະຣາແອັນ ໃນວັນທີ 03 ມິຖຸນາ, ບັນດາເຮືອນຫຼັງໃໝ່ຈະປັບປຸງສິດຄວບຄຸມຂອງ ອິດສະຣາແອັນ ສຳລັບເຂດດິນແດນນີ້, ເພີ່ມທະວີຄວາມໝັ້ນຄົງຂອງ ອິດສະຣາແອັນ ແນໃສ່ສະກັດກັ້ນການສ້າງຕັ້ງລັດກໍ່ການຮ້າຍຢູ່ໃຈກາງປະເທດນີ້.