ໃນຮອບເວລາ 24 ຊົ່ວໂມງຜ່ານມາ, ທົ່ວໂລກມີຜູ້ຕິດເຊື້ອໃໝ່ຕື່ມອີກ 1,52 ລ້ານຄົນ, ໃນນັ້ນ ສ.ເກົາຫຼີ ມີຜູ້ຕິດເຊື້ອລາຍໃໝ່ຫຼາຍທີ່ສຸດເກືອບ 328.000 ຄົນ.
ພາບປະກອບ
ຕາມເວັບໄຊສະຖິຕິ worldometers.info ແລ້ວ, ໄລ່ຮອດເວລາ 1 ໂມງຂອງວັນທີ 10 ມີນາ (ຕາມເວລາ UTC), ໂລກໄດ້ຢັ້ງຢືນມີຜູ້ຕິດເຊື້ອລວມທັງໝົດ 451 ລ້ານຄົນ, ໃນນັ້ນມີຜູ້ເສຍຊີວິດກ່ວາ 6 ລ້ານຄົນ. ອາເມລິກາຍັງແມ່ນປະເທດຖືກຜົນສະທ້ອນຢ່າງໜັກໜ່ວງທີ່ສຸດຈາກໂລກລະບາດໂຄວິດ - 19 ດ້ວຍຈຳນວນຜູ້ຕິດເຊື້ອ ກ່ວາ 81 ລ້ານຄົນ ແລະ ຜູ້ເສຍຊີວິດເກືອບ 988.000 ຄົນ. ຖັດຈາກນັ້ນແມ່ນ ອິນເດຍ ແລະ ບຣາຊິນ.
ໃນຮອບເວລາ 24 ຊົ່ວໂມງຜ່ານມາ, ທົ່ວໂລກມີຜູ້ຕິດເຊື້ອໃໝ່ຕື່ມອີກ 1,52 ລ້ານຄົນ, ໃນນັ້ນ ສ.ເກົາຫຼີ ມີຜູ້ຕິດເຊື້ອລາຍໃໝ່ຫຼາຍທີ່ສຸດເກືອບ 328.000 ຄົນ. ນີ້ແມ່ນວັນທີ 2 ຕິດຕໍ່ກັນທີ່ ສ.ເກົາຫຼີຢັ້ງຢືນມີຜູ້ຕິດເຊື້ອໃໝ່ຫຼາຍກ່ວາ 300.000 ຄົນຕໍ່ວັນ. ຍອດຜູ້ຕິດເຊື້ອໃໝ່ເພີ່ມຂຶ້ນສະນັ້ນຈຶ່ງເຮັດໃຫ້ມີຜູ້ເສຍຊີວິດ ແລະ ຜູ້ຕິດເຊື້ອມີອາການໜັກເພີ່ມຂຶ້ນ.
ສ່ວນຢູ່ຫວຽດນາມ, ນັບແຕ່ເວລາ 16 ໂມງຂອງວັນທີ 9 ມີນາ ຫາເວລາ 16 ໂມງຂອງວັນທີ 10 ມີນາ, ຫວຽດນາມ ມີຜູ້ເຊື້ອໃໝ່ຕື່ມອີກ 160.676 ຄົນ. ດັງນັ້ນມາຮອດປັດຈຸບັນ, ຫວຽດນາມມີຜູ້ຕິດເຊື້ອໂຄວິດ - 19 ລວມທັງໝົດ 5.260.495 ຄົນ, ໃນນັ້ນມີ 2.908.365 ຄົນໄດ້ຮັບການປິ່ນປົວຫາຍດີເປັນປົກກິຕິ.
(ແຫຼ່ງຄັດຈາກ VOV)
