ຂ່າວສານ

ສະເຫຼີມສະຫຼອງ 75 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມຢູ່ລາວ

15/12/2019

ທ່ານພັນເອກ ຕ່າວວັນທ໊າຍ ໄດ້ສະແດງຄວາມຂອບອົກຂອບໃຈຕໍ່ການສະໜັບສະໜູນຢ່າງໃຫຍ່ຫຼວງຈາກເພື່ອນມິດສາກົນ, ພິເສດແມ່ນການຊ່ວຍເຫຼືອຢ່າງສຸດຈິດສຸດໃຈຂອງພັກ, ລັດ ແລະ ກອງທັບປະຊາຊົນລາວ ສຳລັບການເຕີບໃຫຍ່ຂອງກອງທັບປະຊາຊົນຫວຽດນາມ

(ພິທີສະເຫຼີມສະຫຼອງ)

ຕອນຄ່ຳວັນທີ 13 ທັນວາ, ຢູ່ນະຄອນຫຼວງວຽງຈັນ, ປະເທດລາວ, ສະຖານທູດຫວຽດນາມ ປະຈຳລາວ ໄດ້ສົມທົບກັບອົງການທູດທະຫານ ຈັດຕັ້ງພິທີສະເຫຼີມສະຫຼອງ 75 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ ແລະ 30 ປີແຫ່ງວັນທົ່ວປະປວງຊົນປ້ອງກັນຊາດ. ກ່າວຄຳເຫັນທີ່ພິທີ, ທ່ານພັນເອກ ຕ່າວວັນທ໊າຍ, ທູດທະຫານຫວຽດນາມ ປະຈຳລາວ ຢືນຢັນວ່າ, 75 ປີຜ່ານມາ, ພາຍໃຕ້ການຊີ້ນຳນຳພາຂອງພັກກອມມູນິດຫວຽດນາມ ແລະ ປະທານໂຮ່ຈີມິນ, ກອງທັບຫວຽດນາມ ໄດ້ຮັບການພັດທະນາ ແລະ ເຕີບໃຫຍ່ຢ່າງບໍ່ຢຸດຢັ້ງ, ປົກປ້ອງຜົນສຳເລັດອຳນາດການປົກຄອງປະຕິວັດ ແລະ ດຳເນີນການຕໍ່ຕ້ານ 2 ຄັ້ງເພື່ອປົກປັກຮັກສາປະເທດຊາດຢ່າງສຳເລັດຜົນ.

ທ່ານພັນເອກ ຕ່າວວັນທ໊າຍ ໄດ້ສະແດງຄວາມຂອບອົກຂອບໃຈຕໍ່ການສະໜັບສະໜູນຢ່າງໃຫຍ່ຫຼວງຈາກເພື່ອນມິດສາກົນ, ພິເສດແມ່ນການຊ່ວຍເຫຼືອຢ່າງສຸດຈິດສຸດໃຈຂອງພັກ, ລັດ ແລະ ກອງທັບປະຊາຊົນລາວ ສຳລັບການເຕີບໃຫຍ່ຂອງກອງທັບປະຊາຊົນຫວຽດນາມ ກໍ່ຄືໃນກິດຈະການສ້າງສາ ແລະ ປົກປັກຮັກສາປະເທດສັງຄົມນິຍົມຫວຽດນາມ.

(ແຫຼ່ງຄັດຈາກ VOV)

ນາຍົກລັດຖະມົນຕີ ຟ້າມມິງຈິງ: ຍູ້ແຮງການຜັນຂະຫຍາຍບັນດານະໂຍບາຍ, ແຜນນະໂຍບາຍກ່ຽວກັບຄົນພິການຢ່າງມີປະສິດທິຜົນ

31/05/2023
ຂ່າວສານ

ຕອນບ່າຍວັນທີ 30 ພຶດສະພາ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ໄປຢ້ຽມຢາມ ແລະ ມອບຂອງຂວັນໃຫ້ແກ່ນັກຮຽນຢູ່ສູນຊ່ວຍເຫຼືອພັດທະນາການສຶກສາໃຫ້ເຊື່ອມຕົວເຂົ້າກັບວົງຄະນະຍາດ ສັງກັດວິທະຍາໄລສ້າງຄູສູນກາງ ແລະ ໂຮງຮຽນສາມັນເອກະຊົນ Hermann Gmeiner ຮ່າໂນ້ຍ.