ພື້ນຖານເສດຖະກິດທົ່ວໂລກ ຄາດວ່າຈະບັນລຸການເຕີບໂຕ 4% ໃນປີ 2022, ຕ່ຳກວ່າເມື່ອທຽບໃສ່ລະດັບ 5,5% ຂອງປີ 2021 ແລະ ຮອດປີ 2023 ຈະຫຼຸດລົງເຫຼືອພຽງ 3,5% ໃນສະພາບການຕິດເຊື້ອພະຍາດໂຄວິດ-19 ພວມແຜ່ລະບາດ ບວກກັບສິ່ງທ້າທາຍກ່ຽວກັບຕະຫຼາດແຮງງານ, ລະບົບສະໜອງ ແລະ ໄພເງິນເຟີ້ເພີ່ມຂຶ້ນສູງ.
ໃນບົດລາຍງານແງ່ຫວັງ ແລະ ສະພາບການພັດທະນາເສດຖະກິດໂລກ 2022 ເຊິ່ງໄດ້ຍົກອອກມາໃນວັນທີ 13 ມັງກອນ, ສະຫະປະຊາຊາດ ຖືວ່າ ກຳລັງໜູນເຕີບໂຕທີ່ບັນລຸໄດ້ໃນປີ 2021 ພວມເລີ່ມຊັກຊ້າລົງນັບແຕ່ທ້າຍປີກ່ອນ, ອາດເຫັນໄດ້ວ່າ ຢູ່ບັນດາພື້ນຖານເສດຖະກິດໃຫຍ່ຄື: ຈີນ, ສະຫະພາບເອີລົບ (ອີຢູ) ແລະ ອາເມລິກາ ຍ້ອນບັນດາມາດຕະການກະຕຸ້ນເງິນຕາ, ການເງິນຄ່ອຍໆເລີ່ມຫຼຸດລົງ ແລະ ສະພາບລະບົບສະໜອງຖືກຂາດວັກຂາດຕອນພວມປະກົດຂຶ້ນ
ບົດລາຍງານກໍ່ຊີ້ແຈ້ງວ່າ ພ້ອມກັບສະພາບໂລກລະບາດພວມຜັນແປນັ້ນ, ຄວາມກົດດັນໄພເງິນເຟີ້ນັບມື້ນັບສູງຂຶ້ນຢູ່ບັນດາພື້ນຖານເສດຖະກິດພັດທະນາ ແລະ ບາງພື້ນຖານເສດຖະກິດພວມພັດທະນາ ອັນໄດ້ກໍ່ຄວາມສ່ຽງເຖິງວິວັດທະນາການຟື້ນຟູທົ່ວໂລກ. ບົດລາຍງານກໍ່ກ່າວເຕືອນຜົນສະທ້ອນທີ່ຍາວນານຂອງໂລກລະບາດ ຈະພາໄປເຖິງການຂາດຄວາມສະເໝີພາບລະຫວ່າງບັນດາປະເທດນັບມື້ນັບເພີ່ມຂຶ້ນ.
(ແຫຼ່ງຄັດຈາກ VOV)
