ສະພາແຫ່ງຊາດ ປຶກສາຫາລືກ່ຽວກັບເສດຖະກິດ - ສັງຄົມ ແລະ ງົບປະມານແຫ່ງລັດ(ພາບ: quochoi.vn)
ຕໍ່ໜ້າຂໍ້ສະເໜີຂອງສະມາຊິກສະພາແຫ່ງຊາດບາງທ່ານກ່ຽວກັບເລື່ອງປະກາດສິ້ນສຸດໂລກລະບາດ, ມີສະມາຊິກສະພາແຫ່ງຊາດຫຼາຍທ່ານຖືວ່າ ເລື່ອງປະກາດສິ້ນສຸດໂລກລະບາດ ຕ້ອງອີງໃສ່່ບັນດາການໄຈ້ແຍກທີ່ມີພື້ນຖານວິທະຍາສາດ ແລະ ສະພາບການຕົວຈິງ. ທ່ານ ໂຕວັນຕ໊າມ, ສະມາຊິກສະພາແຫ່ງຊາດແຂວງ ກອນຕຸມ ສະເໜີວ່າ:
“ພວກເຮົາສ້າງສະພາບການປົກກະຕິໃໝ່ ທັງຍູ້ແຮງການພັດທະນາເສດຖະກິດສັງຄົມ ທັງປ້ອງກັນ ແລະ ສະກັດກັ້ນໂລກລະບາດຢ່າງມີປະສິດທິຜົນ. ຂ້າພະເຈົ້າຖືວ່າ ຈຸດຕົ້ນຕໍແມ່ນສືບຕໍ່ຍູ້ແຮງການປະຕິຮູບລະບອບລະບຽບການບໍລິຫານ, ປະຕິຮູບລະບອບລະບຽບການ, ຫວຽດນາມມີທ່າໄດ້ປຽບກ່ຽວກັບສະພາບແວດລ້ອມດໍາເນີນທຸລະກິດເປັນປົກກະຕິ, ການຄຸ້ມຄອງລັດພວມເຊື່ອມໂຍງເຂົ້າກັບພື້ນຖານເສດຖະກິດໂລກຕາມລວງເລິກໄດ້ເປັນຢ່າງດີ. ດັ່ງນັ້ນ, ຮຽກຮ້ອງໃຫ້ສືບຕໍ່ປະຕິຮູບລະບຽບການບໍລິຫານຢ່າງແຮງກວ່າອີກ ແລະ ແທດຈິງກວ່າອີກ”.
ເມື່ອອະພິປາຍກ່ຽວກັບບັນດາເນື້ອໃນ ເຊິ່ງສະມາຊິກສະພາແຫ່ງຊາດມີຄວາມສົນໃຈ, ທ່ານລັດຖະມົນຕີກະຊວງອຸດສາຫະກໍາ ແລະ ການຄ້າຫວຽດນາມ ເຈິ່ນຕວ໊ນແອັງ ໃຫ້ຮູ້ວ່າ:
“ກະຊວງອຸດສາຫະກໍາ ແລະ ການຄ້າ ໄດ້ເປັນເຈົ້າການສ້າງແຜນການດໍາເນີນງານ ແລະ ໄດ້ປະກາດໃຊ້ໃນວັນທີ 03 ມິຖຸນາ ແລ້ວ. ໃນນັ້ນ ໄດ້ສຸມໃສ່ 3 ກຸ່ມບັນຫາໃຫຍ່, ທີໜຶ່ງແມ່ນຕ້ອງປັບປຸງ ແລະ ຈັດຕັ້ງບັນດາລະບົບສະໜອງໃຫ້ແກ່ການຜະລິດອຸດສາຫະກໍາຄືນໃໝ່ ສ້າງຄວາມຍືນຍົງ ແຕ່ມີໄຫວພິບກວ່າ, ຫຼີກລ້ຽງການອາໄສແຕ່ຕະຫຼາດບາງແຫ່ງ ແລະ ສິ່ງນີ້ແມ່ນສໍາຄັນທີ່ສຸດ, ອັນໄດ້ພາໄປເຖິງການຫັນປ່ຽນ ແລະ ສ້າງໂຄງສ້າງບັນດາການເຄື່ອນໄຫວພັດທະນາເສດຖະກິດການຄ້າຂອງໂລກຄືນໃໝ່ ຜ່ານການເຄື່ອນໄຫວລົງທຶນ. ທີສອງແມ່ນສຸມໃສ່ການຊຸກຍູ້ການພັດທະນາການສົ່ງອອກ ແລະ ຍາດແຍ່ງກາລະໂອກາດຈາກສັນຍາການຄ້າເສລີ ທີ່ໄດ້ລົງນາມແລ້ວ ກໍຄືຂຸດຄົ້ນບັນດາຕະຫຼາດທີ່ມີຄວາມສະດວກ ແລະ ມີທ່າແຮງບົ່ມຊ້ອນ”.
(ແຫຼ່ງຄັດຈາກ VOV)
