• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ສະພາແຫ່ງຊາດພົ້ນຕຳແໜ່ງປະທານປະເທດ ຫງວຽນຝູຈ້ອງ

      ເຖິງວ່າໜ້າທີ່ແມ່ນໜັກໜ່ວງທີ່ສຸດ, ແຕ່ດ້ວຍໜ້າທີ່ຄວາມຮັບຜິດຊອບອັນສູງສົ່ງຕໍ່ພັກ, ຕໍ່ປະຊາຊົນ, ທ່ານເລຂາທິການໃຫຍ່ ຫງວຽນຝູຈ້ອງ ໄດ້ສຸມຈິດສຸມໃຈໃຫ້ແກ່ການພັດທະນາປະເທດຊາດ, ປະຕິບັດສຳເລັດໜ້າທີ່ໃນຖານະຕຳແໜ່ງປະທານປະເທດແຫ່ງສສ.ຫວຽດນາມ.
ສະພາແຫ່ງຊາດໄດ້ດຳເນີນການພົ້ນຕຳແໜ່ງປະທານປະເທດດ້ວຍການປ່ອນບັດລັບ
(ພາບ: VGP)
      ໂດຍສືບຕໍ່ກອງປະຊຸມສະໄໝສາມັນເທື່ອທີ 11, ສະພາແຫ່ງຊາດຫວຽດນາມ ຊຸດທີ 14, ຕອນບ່າຍວັນທີ 02 ເມສາ, ພາຍໃຕ້ການບໍລິຫານຂອງທ່ານປະທານສະພາແຫ່ງຊາດຫວຽດນາມ ເວືອງດິ່ງເຫ້ວ, ສະພາແຫ່ງຊາດໄດ້ດຳເນີນການພົ້ນຕຳແໜ່ງປະທານປະເທດດ້ວຍການປ່ອນບັດລັບ. ກ່າວຄຳເຫັນພາຍຫຼັງສະພາແຫ່ງຊາດຮັບຮອງເອົາມະຕິກ່ຽວກັບການພົ້ນຕຳແໜ່ງທ່ານປະທານປະເທດຫງວຽນຝູຈ້ອງ, ທ່ານປະທານສະພາແຫ່ງຊາດ ເວືອງດິ່ງເຫ້ວ, ເນັ້ນໜັກວ່າ.
        “2 ກວ່າປີຜ່ານມາ, ໃນເງື່ອນໄຂລະອຽດ, ທ່ານເລຂາທິການໃຫຍ່ ຫງວຽນຝູຈ້ອງ ໄດ້ຮັບດຳລົງຕຳແໜ່ງປະທານປະເທດຕື່ມອີກ. ເຖິງວ່າໜ້າທີ່ແມ່ນໜັກໜ່ວງທີ່ສຸດ, ແຕ່ດ້ວຍໜ້າທີ່ຄວາມຮັບຜິດຊອບອັນສູງສົ່ງຕໍ່ພັກ, ຕໍ່ປະຊາຊົນ, ທ່ານເລຂາທິການໃຫຍ່ ຫງວຽນຝູຈ້ອງ ໄດ້ສຸມຈິດສຸມໃຈໃຫ້ແກ່ການພັດທະນາປະເທດຊາດ, ປະຕິບັດສຳເລັດໜ້າທີ່ໃນຖານະຕຳແໜ່ງປະທານປະເທດແຫ່ງສສ.ຫວຽດນາມ. ໂດຍຕາງໜ້າໃຫ້ສະພາແຫ່ງຊາດ, ຂໍຂອບໃຈ ແລະ ຂໍອວຍພອນໃຫ້ທ່ານເລຂາທິການໃຫຍ່ ຫງວຽນຝູຈ້ອງ ຈົ່ງມີສຸຂະພາບເຂັ້ມແຂງ, ພ້ອມກັບກົມການເມືອງ, ຄະນະເລຂາ, ຄະນະບໍລິຫານງານສູນກາງພັກ, ນຳພາພັກ, ນຳພາປະຊາຊົນ ແລະ ນຳປະເທດຫວຽດນາມ ໃຫ້ນັບມື້ນັບພັດທະນາຢ່າງໄວ ແລະ ໝັ້ນຄົງ”.
        ທ່ານເລຂາທິການໃຫຍ່ ຫງວຽນຝູຈ້ອງ ໄດ້ຮັບຄວາມໄວ້ວາງໃຈເລືອກຕັ້ງດຳລົງຕຳແໜ່ງປະທານປະເທດໃນວັນທີ 23 ຕຸລາ 2018 ທີ່ກອງປະຊຸມສະໄໝສາມັນເມື່ອທີ 6, ສະພາແຫ່ງຊາດຫວຽດນາມ ຊຸດທີ 14.
(ແຫຼ່ງຄັດຈາກ VOV)

ຫວຽດ​ນາມ ຢືດ​ໝັ້ນ​ປະ​ຕິ​ບັດ​ນະ​ໂຍ​ບາຍ ຈີນ​ດຽວ

ຫວຽດ​ນາມ ຢືດ​ໝັ້ນ​ປະ​ຕິ​ບັດ​ນະ​ໂຍ​ບາຍ “ຈີນ​ດຽວ”

ບົນພື້ນຖານຢືດໝັ້ນປະຕິບັດນະໂຍບາຍ “ຈີນ ດຽວ” ຮັບຮູ້ ໄຕ້ຫວັນ ແມ່ນພາກສ່ວນໜຶ່ງທີ່ບໍ່ອາດຕັດແຍກອອກຈາກຈີນ, ຫວຽດນາມ ຮັກສາ ແລະ ພັດທະນາການພົວພັນທີ່ເປັນມູນເຊື້ອ, ພົວພັນແບບປອດລັດຖະບານກັບ ໄຕ້ຫວັນ ໃນບັນດາຂົງເຂດເສດຖະກິດ - ການຄ້າ, ການລົງທຶນ, ວິທະຍາສາດ - ເຕັກໂນໂລຊີ, ວັດທະນະທຳ, ການສຶກສາ…, ບໍ່ຂະຫຍາຍການພົວພັນຂັ້ນລັດກັບ ໄຕ້ຫວັນ ບໍ່ວ່າການພົວພັນໃດ.

Top