ຕາມຂໍ້ກຳນົດແລ້ວ, ມະຕິຈະຕ້ອງການໄດ້ຮັບການສະໜັບສະໜູນຂອງພຽງແຕ່ 9 ໃນຈຳນວນ 15 ປະເທດກຳມະການຂອງສະພາຄວາມໝັ້ນຄົງ ສປຊ ເພື່ອຮັບຮອງເອົາ ແລະ ບໍ່ມີປະເທດກຳມະການຖາວອນໃດມີສິດປະຕິເສດ ການໂຮມກອງປະຊຸມພິເສດຂອງ ສະມັດຊາໃຫຍ່. ຄາດວ່າ, ກອງປະຊຸມສະພາຄວາມໝັ້ນຄົງ ສປຊ ຈະດຳເນີນໃນຕອນເວລາ 3 ໂມງແລງຂອງວັນທີ 27 ກຸມພາ, ຕາມຄຳຮຽກຮ້ອງຂອງ ອາເມລິກາ ແລະ ອານບານີ. ຖ້າຫາກວ່າ ສະພາຄວາມໝັ້ນຄົງ ສປຊ ຮັບຮອງເອົາມະຕິສະບັບນີ້, ຕາມຂໍ້ກຳນົດ, ກອງປະຊຸມສະມັດຊາໃຫຍ່ ສປຊ ຈະຕ້ອງຈັດຂຶ້ນໃນຮອບເວລາ 24 ຊົ່ວໂມງ.