ສຳນັກຂ່າວສານຊິນຮວາ /ສຳນັກຂ່າວສານ ຫວຽດນາມ
ວັນທີ 27 ພະຈິກ, ບັນດາອົງການມີໜ້າທີ່ຮັບຜິດຊອບ ອິນໂດເນເຊຍ ໄດ້ຍົກລະດັບກ່າວເຕືອນໄພພິບັດທຳມະຊາດ ຢູ່ເກາະ Bali, ອິນໂດເນເຊຍ, ຂຶ້ນລະດັບສູງສຸດ ຍ້ອນບັນດາສັນຍານສະແດງໃຫ້ເຫັນວ່າ ພູເຂົາໄຟ Agung ພວມເຄື່ອນໄຫວຄືນໃໝ່. ກ່ອນໜ້ານັ້ນ, ສະຖານທູດ ຫວຽດນາມ ປະຈຳ ອິນໂດເນເຊຍ ກໍ່ໄດ້ກ່າວເຕືອນສຳລັບແຂກທ່ອງທ່ຽວ ຫວຽດນາມ ຢາກໄປທ່ອງທ່ຽວຢູ່ ບາລີ; ແຂກທ່ອງທ່ຽວພວມຢູ່ ບາລີ ຕ້ອງນຳໃຊ້ການບໍລິການຄົມມະນາຄົມທາງບົກໄປເຖິງທາງທິດຕາເວັນຕົກຂອງເກາະແຫ່ງນີ້, ໄປເຖິງນະຄອນ Surabaya ເພື່ອອອກຈາກເຂດນີ້ດ້ວຍເຮືອບິນ. ໃນກໍລະນີຕ້ອງການການໜູນຊ່ວຍ, ພົນລະເມືອງ ຫວຽດນາມ ອາດສາມາດຕິດຕໍ່ທາງໂທລະສັບສາຍດ່ວນຂອງສະຖານທູດ ຫວຽດນາມ ປະຈຳ ອິນໂດເນເຊຍ ຕາມເບີໂທ +62811161025.
ສະຖານທູດ ຫວຽດນາມ ໃຫ້ຮູ້ວ່າ: ມີນັກທ່ອງທ່ຽວ ຫວຽດນາມ ກຸ່ມໜຶ່ງພວມຖືກຄ້າງໄວ້ຢູ່ ບາລີ ຍ້ອນວ່າ ສະໜາມບິນ Depansar ຖືກປິດປະຕູ, ໄດ້ຕິດຕໍ່ພົວພັນກັບສະຖານທູດ ຫວຽດນາມ ຢາກໄດ້ຮັບການຊ່ວຍເຫຼືອ. ສະຖານທູດ ໄດ້ແນະນຳກຸ່ມນັກທ່ອງທ່ຽວດັ່ງກ່າວອອກຈາກເຂດຖືກຜົນສະທ້ອນດ້ວຍທາງບົກ ແລະ ໄປເຖິງນະຄອນ Surabaya ດ້ວຍເຮືອ, ຫຼັງຈາກນັ້ນຈຶ່ງຂີ່ເຮືອບິນເຖິງ ຈາກາກຕາ. ຮອດຕອນຄ່ຳວັນທີ 27 ພະຈິກ, ກຸ່ມນັກທ່ອງທ່ຽວດັ່ງກ່າວໄດ້ໄປຮອດ ຈາກາກຕາ ດ້ວຍຄວາມປອດໄພ.
(ແຫຼ່ງຄັດຈາກ VOV)
