ຂ່າວສານ

ສະຖານທູດຫວຽດນາມປະຈຳມາເລເຊຍລົງພົບກັບຜູ້ຖືກສົງໄສຊາວຫວຽດນາມກ່ຽວຂ້ອງເຖິງເຫດສັງຫານພົນລະເມືອງ ສປປ.ເກົາຫຼີ

27/02/2017

ຜູ້ຖືກສົງໄສຊາວຫວຽດນາມ ດວ່ານທິເຮືອງ
(ພາບ: vietnamplus.vn)

ພາຍຫຼັງການພົບປະລະຫວ່າງທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບິ່ງມິງ ກັບທ່ານລັດຖະມົນຕີການຕ່າງປະເທດມາເລເຊຍ Anifah Aman ຢູ່ນອກກອງປະຊຸມວົງແຄບບັນດາລັດຖະມົນຕີການຕ່າງປະເທດອາຊຽນ ຜ່ານມາ, ວັນທີ 25/02, ມາເລເຊຍ ໄດ້ເຫັນດີເພື່ອໃຫ້ຜູ້ຕາງໜ້າສະຖານທູດຫວຽດນາມ ປະຈຳມາເລເຊຍ ລົງພົບ ແລະ ຢັ້ງຢືນຜູ້ຖືກສົງໄສຖືໜັງສືຜ່ານແດນຫວຽດນາມ ທີ່ກ່ຽວຂ້ອງເຖິງເຫດສັງຫານພົນລະເມືອງສປປ.ເກົາຫຼີ ຄົນໜຶ່ງ.
ວັນທີ 25/02, ຜູ້ຕາງໜ້າສະຖານທູດຫວຽດນາມ ປະຈຳມາເລເຊຍ ໄດ້ລົງພົບ ແລະ ຢັ້ງຢືນວ່າແມ່ນພົນລະເມືອງຫວຽດນາມ, ທີ່ມີຊື່ວ່າ ດວ່ານທິເຮືອງ, ເກີດປີ 1988 ຢູ່ແຂວງນາມດິ້ງ. ດວ່ານທິເຮືອງ ໃຫ້ຮູ້ວ່າຖືກສວຍໃຊ້ ແລະ ຄິດວ່າພວມເຂົ້າຮ່ວມການສະແດງຖ່າຍທຳວີດີໂອຕະລົກ. ກະຊວງການຕ່າງປະເທດໄດ້ຊີ້ນຳສະຖານທູດຫວຽດນາມ ປະຈຳມາເລເຊຍ ສະເໜີໃຫ້ຝ່າຍມາເລເຊຍ ແກ້ໄຂເຫດການຖືກຕາມກົດໝາຍຂອງມາເລເຊຍ, ກົດໝາຍ ແລະ ມາດຕະຖານສາກົນ. ກະຊວງການຕ່າງປະເທດ ແລະ ບັນດາອົງການທີ່ມີໜ້າທີ່ຫວຽດນາມ ຈະສົມທົບກັນຢ່າງແໜ້ນແຟ້ນກັບບັນດາອົງການທີ່ມີໜ້າທີ່ຂອງມາເລເຊຍ ໃນການສືບສວນເຫດການນີ້.

(ແຫຼ່ງຄັດຈາກ VOV)

ນຳວິທະຍາຄານປ້ອງກັນຊາດ ກາຍເປັນສູນເສນາທິການຍຸດທະສາດ ແຖວໜ້າກ່ຽວກັບການທະຫານ, ການປ້ອງກັນຊາດ

15/09/2026
ຂ່າວສານ

ທ່ານນາຍົກລັດຖະມົນຕີ ເລມິງຮຶງ ສະເໜີ ສະຖາບັນສ້າງບາດກ້າວບຸກທະລຸກ່ຽວກັບຄຸນນະພາບການບຳລຸງສ້າງພະນັກງານບັນດາຍຸດທະສາດ ແລະ ພະນັກງານຂັ້ນສູງຂອງພັກ, ລັດ, ກຳລັງປະກອບອາວຸດຕິດພັນກັບການຍົກສູງຄຸນນະພາບການຄົ້ນຄ້ວາວິທະຍສາດ.