ຂ່າວສານ

ສອງເດືອນຕົ້ນປີນີ້, ຫວຽດນາມ ສົ່ງອອກເກີນດຸນ ກວ່າ 2,8 ຕື້ ໂດລາສະຫະລັດ

01/03/2023

ໃນສອງເດືອນຕົ້ນປີນີ້, ຍອດວົງເງິນສົ່ງອອກ, ນຳເຂົ້າສິນຄ້າຂອງ ຫວຽດນາມ ຄາດວ່າຈະບັນລຸກວ່າ 96 ຕື້ ໂດລາສະຫະລັດ, ດຸນການຄ້າຄາດວ່າຈະສົ່ງອອກເກີນດຸນກວ່າ 2,8 ຕື້ ໂດລາສະຫະລັດ.

ການນຳເຂົ້າສົ່ງອອກຂອງ ຫວຽດນາມ ໃນ 2 ເດືອນຕົ້ນປີ 2023 (ພາບ: ກົມໃຫຍ່ສະຖິຕິ)

ຕອນເຊົ້າວັນທີ 28 ກຸມພາ, ກົມໃຫຍ່ສະຖິຕິ, ກະຊວງການເງິນ ຫວຽດນາມ, ໃຫ້ຮູ້ວ່າ ໃນສອງເດືອນຕົ້ນປີນີ້, ຍອດວົງເງິນສົ່ງອອກ, ນຳເຂົ້າສິນຄ້າຂອງ ຫວຽດນາມ ຄາດວ່າຈະບັນລຸກວ່າ 96 ຕື້ ໂດລາສະຫະລັດ, ດຸນການຄ້າຄາດວ່າຈະສົ່ງອອກເກີນດຸນກວ່າ 2,8 ຕື້ ໂດລາສະຫະລັດ.

ສອງເດືອນຕົ້ນປີ, ວົງເງິນສົ່ງອອກຂອງ ຫວຽດນາມ ໄປຍັງ ສະຫະລັດອາເມລິກາ ແມ່ນຫຼາຍທີ່ສຸດ, ຄາດວ່າຈະບັນລຸກວ່າ 13 ຕື້ ໂດລາສະຫາລັດ. ຫວຽດນາມ ນຳເຂົ້າຈາກ ຈີນ ຫຼາຍທີ່ສຸດ ດ້ວຍວົງເງິນ ຄາດວ່າຈະບັນລຸ 14,6 ຕື້ ໂດລາສະຫະລັດ.

(ແຫຼ່ງຄັດຈາກ VOV)

ເອກອັກຄະລັດຖະທູດ ຫງວຽນນາມເຢືອງ ຍື່ນສານຕາຕັ້ງມາຍັງທ່ານປະທານາທິບໍດີ ປາແລັດສະຕິນ

19/02/2026
ຂ່າວສານ

ວັນທີ 17 ກຸມພາ, ທ່ານ ຫງວຽນນາມເຢືອງ ເອກອັກຄະລັດຖະທູດຜູ້ມີອຳນາດເຕັມແຫ່ງ ສສ. ຫວຽດນາມ ປະຈຳ ສ. ອາຣັບ ອີຢິບ ແລະ ລັດ ປາແລັດສະຕິນ ໄດ້ຍື່ນສານຕາຕັ້ງຂອງທ່ານ ເລືອງເກື່ອງ ປະທານປະເທດ ຫວຽດນາມ ມາຍັງທ່ານປະທານາທິບໍດີ ປາແລັດສະຕິນ Mahmoud Abbas, ກາຍເປັນເອກອັກຄະລັດຖະທູດຜູ້ມີອຳນາດເຕັມບໍ່ປະຈຳຂອງ ຫວຽດນາມ ຢູ່ ລັດ ປາແລັດສະຕິນ ຢ່າງເປັນທາງການ.