ຂ່າວສານ

ວຽກງານການຕ່າງປະເທດຂອງສະພາແຫ່ງຊາດນັບມື້ນັບເປັນມືອາຊີບ, ທັນສະໄໝ

28/07/2021

ກຳມາທິການການຕ່າງປະເທດສະພາແຫ່ງຊາດຊຸດທີ XV ໄດ້ຈັດວາລະປະຊຸມຄັ້ງປະຖົມມະລຶກ ເພື່ອຜັນຂະຫຍາຍວຽກງານຈັດຕັ້ງ, ບຸກຄະລາກອນ ແລະ ແລກປ່ຽນບັນດາການກຳນົດທິດໃຫຍ່ໃຫ້ແກ່ການຜັນຂະຫຍາຍບັນດາໜ້າທີ່ໃນສະໄຫມຂອງກຳມາທິການ.

ວາລະປະຊຸມຄັ້ງປະຖົມມະລຶກ. (ພາບ: TTXVN)

ຕອນບ່າຍວັນທີ 26 ກໍລະກົດ, ກຳມາທິການການຕ່າງປະເທດສະພາແຫ່ງຊາດຊຸດທີ XV ໄດ້ຈັດວາລະປະຊຸມຄັ້ງປະຖົມມະລຶກ ເພື່ອຜັນຂະຫຍາຍວຽກງານຈັດຕັ້ງ, ບຸກຄະລາກອນ ແລະ ແລກປ່ຽນບັນດາການກຳນົດທິດໃຫຍ່ໃຫ້ແກ່ການຜັນຂະຫຍາຍບັນດາໜ້າທີ່ໃນສະໄຫມຂອງກຳມາທິການ, ກໍຄືບາງວຽກງານນັບແຕ່ນີ້ຮອດສະໄໝກອງປະຊຸມຄັ້ງທີ 2 ຂອງສະພາແຫ່ງຊາດ. ກ່າວຄຳເຫັນຢູ່ທີ່ນີ້, ທ່ານຮອງປະທານສະພາແຫ່ງຊາດຫວຽດນາມ ເຈິນແທັງເໝີນ ສະເໜີໃຫ້ກຳມາທິການສະພາແຫ່ງຊາດຊຸດທີ XV ສືບຕໍ່ຜັນຂະຫຍາຍບັນດາແຜນນະໂຍບາຍໃຫຍ່ຂອງພັກ ກ່ຽວກັບການເສີມຂະຫຍາຍບົດບາດປະຈັນບານຂອງວຽກງານການຕ່າງປະເທດ, ສ້າງພື້ນຖານການທູດຢ່າງຮອບດ້ານ, ທັນສະໄໝ ດ້ວຍ 3 ເສົ້າຄ້ຳແມ່ນ ການຕ່າງປະເທດພັກ, ການຕ່າງປະເທດລັດ ແລະ ການທູດປະຊາຊົນ; ນຳວຽກງານການຕ່າງປະເທດຂອງສະພາແຫ່ງຊາດໃຫ້ຂຶ້ນສູ່ລະດັບສູງໃໝ່, ເປັນມືອາຊີບ, ທັນສະໄໝ, ມີປະສິດທິຜົນ ແລະ ແທດຈິງກວ່າ. ກຳມາທິການຄວນສືບຕໍ່ຍົກສູງຄຸນນະພາບການຄົ້ນຄວ້າ, ເປັນເສນາທິການໃຫ້ແກ່ສະພາແຫ່ງຊາດ, ຄະນະປະຈຳສະພາແຫ່ງຊາດ ສ້າງລະບົບກົດໝາຍໃຫ້ສົມບູນແບບ ເພື່ອຮັບໃຊ້ວຽກງານການຕ່າງປະເທດ ແລະ ການເຊື່ອມໂຍງເຂົ້າກັບສາກົນ ກໍຄືການຕັດສິນບັນດາບັນຫາສຳຄັນກ່ຽວກັບການທູດ, ເອົາໃຈໃສ່ຕິດຕາມກວດກາການປະຕິບັດຄຳໝັ້ນສັນຍາສາກົນ.

(ແຫຼ່ງຄັດຈາກ VOV)

ເປີດສະຫຼອງສູນອາວະກາດ ຫວຽດນາມ: ພັດທະນາວິທະຍາສາດເຕັກໂນໂລຢີຈັກກະວານອາວະກາດ

14/03/2026
ຂ່າວສານ

ຕອນເຊົ້າວັນທີ 13 ມີນາ, ຢູ່ເຂດອຸດສາຫະກຳສູງ ຮວ່າລາກ, ຮ່າໂນ້ຍ, ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ແລະ ບັນດາຜູ້ແທນໄດ້ຕັດແຖບຜ້າເປີດສະຫຼອງກິດຈະກຳສູນອາວະກາດ ຫວຽດນາມ. ນີ້ແມ່ນພື້ນຖານໂຄງລ່າງທີ່ທັນສະໄໝ, ມີຂອບຂະໜາດ ແລະ ລະດັບເຕັກໂນໂລຢີນອນໃນກຸ່ມກ້າວໜ້າໃນພາກພື້ນອາຊີຕາເວັນອອກສ່ຽງໃຕ້, ໄດ້ຜັນຂະຫຍາຍດ້ວຍແຫຼ່ງທຶນຊ່ວຍເຫຼືອຫຼ້າ (ODA) ຂອງລັດຖະບານ ຍີ່ປຸ່ນ ລວມມູນຄ່າລົງທຶນກວ່າ 7.000 ຕື້ດົ່ງ (280 ລ້ານ USD).