ທ່ານ ຫງວຽນນາມຕຽນ ເອກອັກຄະລັດຖະທູດ ຫວຽດນາມ ປະຈຳ ຕານຊານີ ກ່າວຄຳເຫັນທີ່ເວທີປາໄສ (ພາບ: TTXVN)  

ກ່າວຄຳເຫັນຢູ່ທີ່ນີ້, ທ່ານ ຫງວຽນນາມຕຽນ ເອກອັກຄະລັດຖະທູດ ຫວຽດນາມ ປະຈຳ ຕານຊານີ ຢັ້ງຢືນວ່າ ສອງປະເທດມີຄວາມສາມາດບົ່ມຊ້ອນຮ່ວມມື ແລະ ທ່າແຮງຫຼາຍຢ່າງ ສາມາດເພີ່ມເຕີມໃຫ້ກັນ ເພື່ອພ້ອມກັນພັດທະນາ. ຕານຊານີ ມີຄວາມສາມາດຕອບສະໜອງບັນດາຄວາມຕ້ອງການຂອງ ຫວຽດນາມ ກ່ຽວກັບແຫຼ່ງສະໜອງວັດຖຸດິບ, ເຊື້ອເພີງ, ຕະຫຼາດສົ່ງອອກສິນຄ້າ, ການບໍລິການ, ຊັບພະຍາກອນ ແລະ ການລົງທຶນຫຼາກຫຼາຍຮູບແບບ. ຕາມທ່ານເອກອັກຄະລັດຖະທູດແລ້ວ, ສອງຝ່າຍໄດ້ສ້າງນິຕິກຳໃຫ້ເປັນພື້ນຖານ; ຜ່ານເວທີປາໄສຄັ້ງນີ້, ວິສາຫະກິດສອງປະເທດຈະໝູນໃຊ້ກາລະໂອກາດ, ເສີມຂະຫຍາຍຈຸດດີ, ແກ້ໄຂທຸກຄວາມຫຍຸ້ງຍາກ, ສິ່ງທ້າທາຍ ເພື່ອເພີ່ມທະວີການແລກປ່ຽນ, ແນໃສ່ບັນລຸໄດ້ຫຼາຍໂຄງການຮ່ວມມືໃຫ້ມີປະສິດທິຜົນ ແລະ ແທດຈິງ.