ຂ່າວສານ
ວິສາຫະກິດ ອາເມລິກາພ້ອມແລ້ວທີ່ຈະຮ່ວມມືກັບຫວຽດນາມ ແລະ ບັນດາປະເທດໃນພາກພື້ນໃນການປ້ອງກັນ, ສະກັດກັ້ນໂລກລະບາດ Covid – 19 ແລະ ຟື້ນຟູເສດຖະກິດ
ການໂອ້ລົມສົນທະນາທາງອອນລາຍ(ພາບ: TTXVN)
ເຂົ້າຮ່ວມການໂອ້ລົມສົນທະນາຍັງມີເອກອັກຄະລັດຖະທູດບັນດາປະເທດ ສິງກະໂປ, ມາເລເຊຍ, ອົດສະຕາລີ ແລະ ອັກຄະລັດຖະທູດອິນໂດເນເຊຍ ແລະ ຜູ້ຕາງໜ້າບັນດາວິສາຫະກິດໃຫຍ່ເກືອບ 50 ແຫ່ງຂອງ ອາເມລິກາໃນຂົງເຂດການເງິນ, ສາທາລະນະສຸກ, ການຢາ, ເຕັກໂນໂລຢີ, ພະລັງງານ…
ກ່າວຄຳເຫັນທີ່ການໂອ້ລົມສົນທະນາ, ທ່ານຮ່າກິມງັອກຖືວ່າ ເຖິງວ່າເກີດສິ່ງທ້າທາຍທີ່ບໍ່ເຄີຍມີມາກ່ອນກໍ່ຕາມ, ແຕ່ ໂລກລະບາດ Covid – 19 ກໍ່ແມ່ນກາລະໂອກາດເພື່ອເພີ່ມທະວີການພົວພັນຄູ່ຮ່ວມມື, ຊຸກຍູ້ການຮ່ວມມືສາກົນ, ພ້ອມກັນຮັບມືກັບບັນຫາຂ້າມຊາດ.ທ່ານກໍ່ເນັ້ນໜັກວ່າ ລັດຖະບານ ຫວຽດນາມເອົາໃຈໃສ່ທີ່ສຸດເຖິງການຮັກສາການເຄື່ອນໄຫວເປັນປົກກະຕິຂອງບັນດາວິສາຫະກິດ ແລະ ປາດຖະໜາຢາກໃຫ້ວິສາຫະກິດອາເມລິກາສືບຕໍ່ຮ່ວມເດີນທາງກັບລັດຖະບານ ແລະ ປະຊາຊົນ ຫວຽດນາມໃນບັ້ນຕໍ່ສູ້ກັບໂລກລະບາດ Covid -19 ແລະ ພັດທະນາເສດຖະກິດ - ສັງຄົມ, ສືບຕໍ່ລົງທຶນຢູ່ ຫວຽດນາມ ແລະ ພາກພື້ນເພື່ອພ້ອມກັນກຳໄດ້ກາລະໂອກາດຢ່າງກ້ວາງຂວາງເມື່ອ ຄວບຄຸມໂລກລະບາດໄດ້.
ຕໍ່ກັບຂໍ້ສະເໜີຂອງທ່ານ ຮ່າກິມງອັກກ່ຽວກັບເລື່ອງເພີ່ມທະວີການຮ່ວມມືໃນຂົງເຂດສາທາລະນະສຸກ - ການຢາ, ທ່ານ Patrick Kilbride ຮອງປະທານ USCC ຜູ້ຮັບຜິດຊອບສູນປະດິດຄິດສ້າງທົ່ວໂລກໃຫ້ຮູ້ວ່າ ບັນດາວິສາຫະກິດ ອາເມລິກາພ້ອມແລ້ວທີ່ຈະເຂົ້າຮ່ວມການພົວພັນຄູ່ຮ່ວມມືພາກລັດ - ເອກະຊົນ ກັບລັດຖະບານປະເທດຕ່າງໆໃນການເຄື່ອນໄຫວຜະລິດການຢາ, ບັນດາອຸປະກອນປ້ອງກັນ ກໍ່ຄືວຽກງານການສື່ສານກ່ຽວກັບໂລກລະບາດ Covid -19 ໃຫ້ແກ່ປະຊາຄົມ.
(ແຫຼ່ງຄັດຈາກ VOV)
