ຄະນະນັກກິລາ ຫວຽດນາມ ໄດ້ນຳໜ້າຕາຕະລາງຈັດອັນດັບ, ດ້ວຍຫຼຽນຄຳ 69 ຫຼຽນ, ຫຼຽນເງິນ 47 ຫຼຽນ ແລະ ຫຼຽນທອງ 44 ຫຼຽນ.

    

ໄລ່ຮອດເວລາ 14 ໂມງຂອງວັນທີ 16 ພຶດສະພາ, ຄະນະນັກກິລາ ຫວຽດນາມ ໄດ້ນຳໜ້າຕາຕະລາງຈັດອັນດັບ, ດ້ວຍຫຼຽນຄຳ 69 ຫຼຽນ, ຫຼຽນເງິນ 47 ຫຼຽນ ແລະ ຫຼຽນທອງ 44 ຫຼຽນ. ຢືນອັນດັບທີ 2 ແມ່ນ ໄທ, ດ້ວຍຫຼຽນຄຳ 28 ຫຼຽນ, ຫຼຽນເງິນ 25 ຫຼຽນ ແລະ ຫຼຽນທອງ 44 ຫຼຽນ. ຢືນອັນດັບທີ 3 ແມ່ນ ຟີລິບປິນ ດ້ວຍຫຼຽນຄຳ 21 ຫຼຽນ, ຫຼຽນເງິນ 27 ຫຼຽນ ແລະ ຫຼຽນທອງ 38 ຫຼຽນ

ກ່ອນໜ້ານັ້ນ, ວັນທີ 15 ພຶດສະພາ, ວັນແຂ່ງຂັນທີ 3 ຢ່າງເປັນທາງການຂອງງານມະຫາກຳກິລາ ອາຊີຕາເວັນອອກສ່ຽງໃຕ້ (ຊີເກມ 31), ເປັນວັນແຂ່ງຂັນທີ່ປະສົບຜົນສຳເລັດທີ່ສຸດຂອງຄະນະນັກກິລາ ຫວຽດນາມ ນັບແຕ່ເປີດການແຂ່ງຂັນຊີເກມມານີ້, ຂະນະທີ່ນັກກິລາຄວ້າໄດ້ຫຼຽນຄຳເຖິງ 29 ຫຼຽນ. ຊຶ່ງແມ່ນຫຼຽນຄຳຈຳນວນຫຼາຍທີ່ສຸດມາໃຫ້ ຫວຽດນາມ ໃນມື້ນີ້ ແມ່ນ ປະເພດ ວູຊູ ມີເຖິງ 7 ຫຼຽນຄຳ. ນັກມວຍ ຮວ່າງທີເຟືອງຢາງ ເປີດສາກດ້ວຍການຄວ້າຫຼຽນຄຳໃນຕອນເຊົ້າວັນທີ 15 ພຶດສະພາ. ຕອນບ່າຍ, ບັນດານັກມວຍ ວູຊູ ຍາດຫຼຽນຄຳມາໄດ້ອີກ 6 ຫຼຽນ.

        Dancesport, ແລ່ນ ແລະ ລານ ແຕ່ລະປະເພດກິລາຄວ້າໄດ້ 5 ຫຼຽນຄຳ. ກິລາເພາະກາຍ ກໍ່ຄວ້າໄດ້ 2 ຫຼຽນຄຳ… ໄລ່ຮອດວັນທີ 15 ພຶດສະພາ, ຫວຽດນາມ ຍາດໄດ້ຫຼຽນຄຳຕື່ມທັງໝົດ 29 ຫຼຽນ, ຢືນອັນດັບທີ 1 ໃນຕາລະລາງຈັດອັນດັບຫຼຽນລາງວັນ ດ້ວຍຫຼຽນຄຳ 68 ຫຼຽນ, ໄທ ຢືນອັນດັບທີ 2 ດ້ວຍ ຫຼຽນຄຳ 24 ຫຼຽນ; ຕໍ່ຈາກນັ້ນແມ່ນ ຟີລິບປິນ, ອິນໂດເນເຊຍ, ມາເລເຊຍ ແລະ ສິງກະໂປ.

(ແຫຼ່ງຄັດຈາກ VOV)