ຂ່າວສານ

ລັດເຊຍ ແລະ ອີຢິບ ເນັ້ນໜັກເຖິງຄວາມຈຳເປັນເລີ່ມດຳເນີນການເຈລະຈາ ປາແລັດສະຕິນ - ອິດສະຣາແອັນ ຄືນໃໝ່ຍິ່ງໄວກໍຍິ່ງດີ

02/02/2023

ຈຳເປັນຕ້ອງເລີ່ມຟື້ນຟູການເຈລະຈາ ປາແລັດສະຕິນ - ອິດສະຣາແອັນ ຄືນໃໝ່ຍິ່ງໄວກໍຍິ່ງດີເພື່ອແກ້ໄຂບັນຫາຕົ້ນຕໍກ່ຽວກັບຖານະຂອງ ປາແລັດສະຕິນ ກໍຄືບັນລຸໄດ້ມາດຕະການຮອບດ້ານອີງໃສ່ກອບນິຕິກຳທີ່ໄດ້ຮັບການຮັບຮອງຈາກສາກົນ.

ຊາວ ປາແລັດສະຕິນ ແຫ່ຂະບວນປະທ້ວງຢູ່ ເຂດ Gaza (ພາບ: THX/TTXVN)

ນີ້ແມ່ນຄຳຢັ້ງຢືນຂອງທ່ານລັດຖະມົນຕີການຕ່າງປະເທດ ລັດເຊຍ Sergei Lavrov ແລະ ຄູ່ຕຳແໜ່ງ ອີຢິບ ທ່ານ Sameh Shoukry ໃນການເຈລະຈາທີ່ໄດ້ດຳເນີນໃນວັນທີ 31 ມັງກອນ ຢູ່ ມົດສະກູ, ສະຫະພັນ ລັດເຊຍ.

ທ່ານລັດຖະມົນຕີການຕ່າງປະເທດ ລັດເຊຍ Sergei Lavrov ໃຫ້ຮູ້ວ່າ ທັງ ມົດສະກູ ແລະ ກາຍໂຣ ລ້ວນແຕ່ມີຄວາມວິຕົກກັງວົນກ່ຽວກັບ “ກຳລັງດັນທີ່ບໍ່ດີ” ສຳລັບສະພາບການຢູ່ເຂດເກີດການປະທະກັນລະຫວ່າງ ປາແລັດສະຕິນ - ອິດສະຣາແອັນ. ລັດຖະມົນຕີການຕ່າງປະເທດ ລັດເຊຍ ກໍຢັ້ງຢືນວ່າ ຈຳເປັນຕ້ອງເຊື່ອມຕໍ່ວຽກງານຂອງກຸ່ມ 4 ຝ່າຍເປັນກາງໄກ່ເກ່ຍສາກົນ (ລວມມີ ອາເມລິກາ, ລັດເຊຍ, ສປຊ ແລະ ສະຫະພາບເອີຣົບ) ກໍຄື ສົມທົບກັນຢ່າງແໜ້ນແຟ້ນບໍ່ວ່າກັບປະເທດ ອາຣັບ ໃດທີ່ກ່ຽວຂ້ອງເຖິງວິວັດທະນາການສ້າງສັນຕິພາບຢູ່ພາກພື້ນຕາເວັນອອກກາງ.

(ແຫຼ່ງຄັດຈາກ VOV)

ຖະແຫຼງຂ່າວໃຫ້ຕ່າງປະເທດແມ່ນໜຶ່ງໃນບັນດາປັດໄຈຍຸດທະສາດໃນພະລັງງານແຮງອ່ອນສັງລວມແຫ່ງຊາດ

14/12/2025
ຂ່າວສານ

ພິທີມອບລາງວັນແຫ່ງຊາດກ່ຽວກັບການຖະແຫຼງຂ່າວໃຫ້ຕ່າງປະເທດຄັ້ງທີ XI ປີ 2025 ໄດ້ດຳເນີນໃນຕອນຄ່ຳວັນທີ 12 ທັນວາ, ຢູ່ຮ່າໂນ້ຍ. ເມື່ອກ່າວຄຳເຫັນໃນເຫດການນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກວ່າ ວຽກງານຖະແຫຼງຂ່າວໃຫ້ຕ່າງປະເທດແມ່ນປັດໄຈຍຸດທະສາດໃນກຳລັງແຮງອ່ອນແຫ່ງຊາດ. ທ່ານກໍສະເໜີໃຫ້ສ້າງຖັນແຖວພະນັກງານເຮັດວຽກງານຖະແຫຼງຂ່າວຕ່າງປະເທດ ທີ່ມີຈັນຍາບັນ, ມີພູມປັນຍາຢ່າງຫຼັກແຫຼມ, ມີຫົວຄິດປະດິດສ້າງ, ມີຄວາມຮັບຜິດຊອບ, ມີຄວາມສຸດຈິດສຸດໃຈ, ມີວິໄສທັດ.