ພາບຢູ່ພາຍໃນໂຮງງານຜະລິດວັກຊິນ “Sputnik V”(ພາບ: Mos.ru)
ວັນທີ 11 ທັນວາ, ເຈົ້າຄອງນະຄອນ ມົດສະກູ Sergei Sobyanin ໄດ້ຖະແຫຼງວ່າ ຈະເປີດສະຫຼອງໂຮງງານຜະລິດວັກຊິນ “Sputnik V” ເຊິ່ງຕັ້ງຢູ່ນະຄອນຫຼວງ ແລະ ມີຂອບຂະໜາດໃຫຍ່ທີ່ສຸດຂອງປະເທດນີ້ໂດຍໄວ. ໂຮງງານດັ່ງກ່າວ ຈະຜະລິດປະມານ 10 ລ້ານຫຼອດຕໍ່ເດືອນ. ຕາມທ່ານເຈົ້າຄອງນະຄອນ ມົດສະກູ ແລ້ວ, ກຳລັງການຜະລິດຂອງໂຮງງານແຫ່ງນີ້ ຈະຮັບປະກັນປະລິມານວັກຊິນຢ່າງພຽງພໍເພື່ອສັກໃຫ້ປະຊາຊົນບໍ່ພຽງແຕ່ຢູ່ນະຄອນຫຼວງ ມົດສະກູ ເທົ່ານັ້ນ ຫາກຍັງສັກໃຫ້ປະຊາຊົນຫຼາຍເຂດອື່ນຂອງປະເທດນີ້ອີກດ້ວຍ.
ໃນວັນດຽວກັນ, ຫ້ອງວ່າການຮອງນາຍົກລັດຖະມົນຕີ ສະຫະພັນ ລັດເຊຍ Tatyana Golikova ໃຫ້ຮູ້ວ່າ ການສັກວັກຊິນ ກັນພະຍາດໂຄວິດ - 19 ຈະໄດ້ຮັບການຜັນຂະຫຍາຍຢູ່ທຸກເຂດ, ພາກໃນທົ່ວປະເທດໃນທ້າຍອາທິດນີ້. ນັບແຕ່ເດືອນທັນວາ ຫາທ້າຍເດືອນມັງກອນ ປີ 2021, ວັນຊິນ Sputnik V ປະມານ 6,9 ລ້ານ ຫຼອດ ຈະໄດ້ຮັບການຈຳໜ່າຍທາງພົນລະເຮືອນ.
(ແຫຼ່ງຄັດຈາກ VOV)
