ຂ່າວສານ

ມີຜະລິດຕະພັນການກະເສດ ກ່ວາ 1.300 ໂຕນ ໄດ້ສົ່ງອອກຜ່ານດ່ານຊາຍແດນສາກົນ ລາວກາຍ ຍາມຕົ້ນປີໃໝ່

28/01/2020

ວັນທີ 26 ມັງກອນ (ກົງກັບວັນທີ 2 ບຸນເຕັດ), ທີ່ດ່ານຊາຍແດນສາກົນ ລາວກາຍ, ສາຂາພາສີອາກອນ ລາວກາຍ ໄດ້ປະຕິບັດລະບຽບການໃຫ້ແກ່ ໃບແຈ້ງພາສີ 11 ຊຸດ ແລະ ສົ່ງອອກ ຜະລິດຕະພັນການກະເສດ ກ່ວາ 1.300 ໂຕນ.

ລົດຂົນສົ່ງ ຜະລິດຕະພັນການກະເສດຜ່ານດ່ານຊາຍແດນ (ພາບ: TTXVN)

ນີ້ແມ່ນ ການສົ່ງສິນຄ້າບັນດາຖ້ຽວທຳອິດ ທີ່ໄດ້ຮັບການປະຕິບັດລະບຽບການສົ່ງອອກ - ນຳເຂົ້າ ຜ່ານດ່ານຊາຍແດນ ສາກົນ ລາວກາຍ ໃນປີ ໃໝ່ປີຊວດ 2020. ບັນດາກຳລັງທີ່ມີໜ້າທີ່ຮັບຜິດຊອບຢູ່ດ່ານຊາຍແດນສາກົນ ລາວກາຍ ໄດ້ສ້າງເງື່ອນໄຂສະດວກໃຫ້ແກ່ບັນດາວິສາຫະກິດໃນການປະຕິບັດລະບຽບການເພື່ອໃຫ້ສິນຄ້າສົ່ງອອກ - ນຳເຂົ້າໄດ້ຜ່ານແດນຢ່າງວອງໄວ. ຍອດມຸນຄ່າ ສິນຄ້າສົ່ງອອກ - ນຳເຂົ້າຜ່ານດ່ານຊາຍແດນມີປະມານກວ່າ 20 ຕື້ ດົ່ງ (ປະມານ 1 ລ້ານ USD). ບັນດາຜະລິດຕະພັນການກະເສດໄດ້ຮັບການນຳເຂົ້າສົ່ງອອກເປັນຕົ້ນແມ່ນ: ໝາກມັງກອນ, ໝາກມີ້, ໝາກໂມ, ໝາກມ່ວງ, ໝາກເງາະ.

(ແຫຼ່ງຄັດຈາກ VOV)

ນາຍົກລັດຖະມົນຕີ ກູເວດ ເປັນປະທານພິທີຕ້ອນຮັບທ່ານນາຍົກລັດຖະມົນຕີ ຟ້າມມິງຈິງ

18/11/2025
ຂ່າວສານ

ໃນການຢ້ຽມຢາມກູເວດຄັ້ງນີ້, ທ່ານນາຍົກລັດຖະມົນຕີ ຟ້າມມິງຈິງ ຈະເຂົ້າຮ່ວມການເຈລະຈາ, ພົບປະກັບ ກະສັດ, ນາຍົກລັດຖະມົນຕີ, ເຈົ້າຊາຍ ກູເວດ, ໄປຢ້ຽມຢາມບັນດາຮາກຖານດຳເນີນທຸລະກິດ, ເຮັດວຽກກັບບັນດາກຸ່ມບໍລິສັດເສດຖະກິດໃຫຍ່ ຂອງກູເວດ ແລະ ມີບົດກ່າວປາໄສນະໂຍບາຍຢູ່ສະຖາບັນການຕ່າງປະເທດ ກູເວດ.