• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ມານະພະຍາຍາມນຳວົງເງິນການຄ້າ ຫວຽດນາມ - ມາເລເຊຍ ບັນລຸລະດັບ 15 ຕື້ USD/ປີໃນປີ 2020

ຫວຽດນາມ ແລະ ມາເລເຊຍ ຍັງມີຄວາມສາມາດບົ່ມຊ້ອນຫຼາຍຢ່າງໃນການຮ່ວມມືພັດທະນາ, ພ້ອມທັງເຊື່ອໝັ້ນວ່າ ໃນການເຈລະຈາຈັດຕັ້ງເມື່ອວັນທີ 26 ຕຸລາ.
ຕອນບ່າຍວັນທີ 25 ຕຸລາ, ທີ່ສຳນັກງານລັດຖະບານ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ໃຫ້ການຕ້ອນຮັບທ່ານນາງ Wan Azizah Wan Ismail, ຮອງນາຍົກລັດຖະມົນຕີ ມາເລເຊຍ, ເນື່ອງໃນໂອກາດມາຢ້ຽມຢາມ ຫວຽດນາມ ຢ່າງເປັນທາງການ ແລະ ເຂົ້າຮ່ວມກອງປະຊຸມລັດຖະມົນຕີຍິງ ອາຊຽນ ຄັ້ງທີ 3.

ທ່ານນາຍົກລັດຖະມົນຕີ ຫງວຽນຊວນຟຸກ ກ່າວຄໍາເຫັນທີ່ການເຈລະຈາ (ພາບ:baochinhphu.vn)

  ທ່ານນາຍົກລັດຖະມົນຕີ ຫງວຽນຊວນຟຸກ ຖືວ່າ: ຫວຽດນາມ ແລະ ມາເລເຊຍ ຍັງມີຄວາມສາມາດບົ່ມຊ້ອນຫຼາຍຢ່າງໃນການຮ່ວມມືພັດທະນາ, ພ້ອມທັງເຊື່ອໝັ້ນວ່າ ໃນການເຈລະຈາຈັດຕັ້ງເມື່ອວັນທີ 26 ຕຸລາ, ທ່ານນາງ Wan Azizah Wan Ismail ແລະ ທ່ານຮອງນາຍົກລັດຖະມົນຕີ  ຟ້າມບີ່ງມີງ ຈະປຶກສາຫາລືລາຍລະອຽດກ່ຽວກັບບັນດາມາດຕະການແທດຈິງເພື່ອຊຸກຍູ້ການຮ່ວມມື ການພົວພັນສອງປະເທດໃນໄລຍະຈະມາເຖິງ. ກໍ່ທີ່ການຕ້ອນຮັບ, ທ່ານນາຍົກລັດຖະມົນຕີ ຫງວຽນຊວນຟຸກ ສະເໜີໃຫ້ 2 ຝ່າຍສືບຕໍ່ມານະພະຍາຍາມນຳວົງເງິນການຄ້າສອງສົ້ນບັນລຸລະດັບ 15 ຕື້ USD/ປີ ຫຼື ສູງກ່ວາໃນປີ 2020.

ທ່ານນາຍົກລັດຖະມົນຕີ ຫງວຽນຊວນຟຸກ ເນັ້ນໜັກວ່າ ຫວຽດນາມ ແລະ ມາເລເຊຍ ແມ່ນສອງປະເທດຢູ່ແຄມທະເລຕາເວັນອອກ ແລະ ມີເຂດທະເລຊັບຊ້ອນກັນ, ດັ່ງນັ້ນ ສອງຝ່າຍສືບຕໍ່ຮ່ວມມືກັນຢ່າງແໜ້ນແຟ້ນ, ປະກອບສ່ວນເຂົ້າໃນການຮັກສາສັນຕິພາບ, ສະຖຽນລະພາບ, ຄວາມໝັ້ນຄົງ ແລະ ຄວາມປອດໄພໃນການເດີນເຮືອຢູ່ພາກພື້ນ; ຊຸກຍູ້ການຮ່ວມມືອາຊີບຫາປາ, ສ້າງເງື່ອນໄຂໃຫ້ຊາວປະມົງສອງປະເທດຫາປາຖືກຕ້ອງຕາມກົດໝາຍ, ປອດໄພ ແລະ ຍືນຍົງ. ໃນສະພາບທີ່ສະຖານະການທະເລຕາເວັນອອກ ສືບຕໍ່ຜັນແປຢ່າງສັບສົນນັ້ນ, ຫວຽດນາມ, ມາເລເຊຍ ແລະ ບັນດາປະເທດ ອາຊຽນ ອື່ນ ຄວນເພີ່ມທະວີການສົມທົບກັນ ແລະ ເປັນເອກະພາບຕໍ່ຫຼັກໝັ້ນລວມ.

(ແຫຼ່ງຄັດຈາກ VOV)


ປະ​ທາ​ນາ​ທິ​ບໍ​ດີ ແຟງ​ລັງ ເປັນ​ປະ​ທານ​ພິ​ທີ​ຕ້ອນ​ຮັບ​ທ່ານ​ເລ​ຂ​າ​ທິ​ການ​ໃຫຍ່ ໂຕ​ເລິມ ພ້ອມ​ດ້ວຍ​ພັນ​ລະ​ຍາ ແລະ ຄະ​ນະ​ຜູ້​ແທນ ຫວຽດ​ນາມ ຢ່າງ​ເປັນ​ທາງ​ການ

ປະ​ທາ​ນາ​ທິ​ບໍ​ດີ ແຟງ​ລັງ ເປັນ​ປະ​ທານ​ພິ​ທີ​ຕ້ອນ​ຮັບ​ທ່ານ​ເລ​ຂ​າ​ທິ​ການ​ໃຫຍ່ ໂຕ​ເລິມ ພ້ອມ​ດ້ວຍ​ພັນ​ລະ​ຍາ ແລະ ຄະ​ນະ​ຜູ້​ແທນ ຫວຽດ​ນາມ ຢ່າງ​ເປັນ​ທາງ​ການ

ຕອນເຊົ້າວັນທີ 21 ຕຸລາ (ຕາມເວລາທ້ອງຖິ່ນ, ກົງກັບຕອນບ່າຍຕາມເວລາ ຮ່າໂນ້ຍ), ຢູ່ທຳນຽບປະທານາທິບໍດີ ຢູ່ ນະຄອນຫຼວງ Helsinki, ທ່ານປະທານາທິບໍດີ ສ. ແຟງລັງ Alexander Stubb ແລະ ພັນລະຍາ ໄດ້ເປັນປະທານພິທີຕ້ອນຮັບທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ໂຕເລິມ ແລະ ພັນລະຍາ ພ້ອມດ້ວຍຄະນະຜູ້ແທນຂັ້ນສູງ ຫວຽດນາມ ມາຢ້ຽມຢາມ ແຟງລັງ ຢ່າງເປັນທາງການ ແຕ່ວັນທີ 20 – 22 ຕຸລາ.

Top