ຂ່າວສານ

ມອບຂອງຂວັນຂອງປະທານສະພາແຫ່ງຊາດໃຫ້ບັນດາຄອບຄົວເປົ້າໝາຍນະໂຍບາຍ, ຄອບຄົວທຸກຍາກຢູ່ ທາຍງວຽນ

29/01/2022

ຄະນະປະຕິບັດງານຫ້ອງວ່າການສະພາແຫ່ງຊາດ ໄດ້ໄປຖະຫວາຍທູບທຽນ, ດອກໄມ້ປະທານ ໂຮ່ຈີມິນ ຢູ່ເຮືອນອາໄລຫາ ເພິ່ນ, ຢູ່ຕາງແສງ ຝູດິ່ງ, ຂຶ້ນກັບເຂດປູຊະນີຍະສະຖານປະຫວັດສາດ - ຊີວະພາບ ATK ດິ້ງຮວາ.

ທ່ານນາງເລຂາພັກແຂວງ ທາຍງວຽນ ຫງວຽນຫງວ້ຽນແທັງຫາຍ ມອບຂອງຂວັນໃຫ້ບັນດາຄອບຄົວເປົ້າໝາຍນະໂຍບາຍ, ຄອບຄົວທຸກຍາກ. (ພາບ: TTXVN)

ວັນທີ 28 ມັງກອນ, ຢູ່ເຂດປູຊະນີຍະສະຖານປະຫວັດສາດ - ຊີວະພາບ ATK ດິ້ງຮວາ, ເມືອງ ດິ້ງຮວາ, ແຂວງ ທາຍງວຽນ, ຄະນະປະຕິບັດງານຫ້ອງວ່າການສະພາແຫ່ງຊາດ ໄດ້ໄປຖະຫວາຍທູບທຽນ, ດອກໄມ້ປະທານ ໂຮ່ຈີມິນ ຢູ່ເຮືອນອາໄລຫາ ເພິ່ນ, ຢູ່ຕາງແສງ ຝູດິ່ງ, ຂຶ້ນກັບເຂດປູຊະນີຍະສະຖານປະຫວັດສາດ - ຊີວະພາບ ATK ດິ້ງຮວາ. ເນື່ອງໃນໂອກາດນີ້, ທ່ານນາງເລຂາພັກແຂວງ ທາຍງວຽນ ຫງວຽນຫງວ້ຽນແທັງຫາຍ ແລະ ທ່ານຮອງຫົວໜ້າຫ້ອງວ່າການສະພາແຫ່ງຊາດ ໄດ້ມອບຂອງຂວັນ 500 ພູດໃຫ້ບັນດາຄອບຄົວເປົ້າໝາຍນະໂຍບາຍ, ຄອບຄົວທຸກຍາກໃນບໍລິເວນເມືອງ ດິ້ງຮວາ. ຢູ່ແຂວງ ທາຍງວຽນ, “ສັບປະດາເຄື່ອນໄຫວບຸນເຕັດເພື່ອຄົນທຸກຍາກປີ 2022” ໂດຍຄະນະພັກແຂວງ ທາຍງວຽນ ປຸກລະດົມໄດ້ຮັບເງິນກວ່າ 34 ຕື້ດົ່ງ ໂດຍບັນດາຜູ້ໃຈບຸນໃຈກຸສົນ, ຫົວໜ່ວຍ, ອົງການຈັດຕັ້ງສະໜັບສະໜູນ. ແຫຼ່ງການເງິນດັ່ງກ່າວໄດ້ປະກອບສ່ວນລະດົມກຳລັງໃຈໃຫ້ບັນດາຄອບຄົວຜູ້ມີຄຸນງາມຄວາມດີ, ຜູ້ທຸກຍາກມີເງື່ອນໄຂໄດ້ຕ້ອນຮັບບຸນເຕັດປີຂານ 2022.

(ແຫຼ່ງຄັດຈາກ VOV)

ຫວຽດນາມ ມີຜູ້ພິພາກສາ ຢູ່ສານກົດໝາຍທະເລສາກົນ ເປັນຄັ້ງທຳອິດ

19/06/2026
ຂ່າວສານ

ວັນທີ 18 ມິຖຸນາ, ໃນຂອບເຂດກອງປະຊຸມຄັ້ງທີ 36 ຂອງ ບັນດາປະເທດພາຄີ ສົນທິສັນຍາອົງການສະຫະປະຊາຊາດ ກ່ຽວກັບກົດໝາຍທະເລ (UNCLOS) ທີ່ສຳນັກງານໃຫຍ່ ອົງການສະຫະປະຊາຊາດ (ສປຊ) ຢູ່ ນິວຢອກ (ສ ອາເມລິກາ), ທ່ານນາງ ຮສຈ. ປອ ຫງວຽນທິລານແອັງ, ຮອງຜູ້ນຳນວຍການ ສະຖາບັນການຕ່າງປະເທດ, ຜູ້ສະໝັກຮັບເລືອກຕັ້ງ ຂອງ ຫວຽດນາມ ໄດ້ຮັບເລືອກຕັ້ງ ເຂົ້າໃນຕຳແໜ່ງ ຜູ້ພິພາກສາ ສານກົດໝາຍທະເລສາກົນ (ITLOS) ອາຍຸການ 2026-2035 ດ້ວຍຄະແນນສຽງສູງສຸດ ໃນພາກພື້ນ ອາຊີ - ປາຊີຟິກ.