ທ່ານເລຂາທິການໃຫຍ່, ປະທານປະເທດ ໂຕເລິມ ແລະ ທ່ານປະທານາທິບໍດີ ມົງໂກນ Ukhnaagiin Khurelsukh (ພາບ: TTXVN)

ຕອນບ່າຍວັນທີ 30 ກັນຍາ, ຕາມເວລາທ້ອງຖິ່ນ, ຢູ່ສະໜາມຫຼວງ Sukhbaatar, ນະຄອນຫຼວງ Ulan Bator, ມົງໂກນ, ພິທີຕ້ອນຮັບທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລິມ ໃນໂອກາດມາຢ້ຽມຢາມທາງລັດຖະກິດຢູ່ ມົງໂກນ ໃນລະຫວ່າງວັນທີ 30 ກັນຍາ -  1 ຕຸລາ ໄດ້ຈັດຂຶ້ນຢ່າງສົມກຽວຕາມພິທີການສູງສຸດ ທີ່ສະຫງວນໃຫ້ແກ່ປະມຸກລັດ. ພາຍຫຼັງພິທີຕ້ອນຮັບ, ທ່ານປະທານາທາບໍດີ ມົງໂກນ Ukhnaagiin Khurelsukh ໄດ້ໃຫ້ການຕ້ອນຮັບສະເພາະ ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລິມ ຕາມພິທີທີ່ເປັນປະເພນີຂອງຊາວມົງໂກນ. ພາຍຫຼັງການຕ້ອນຮັບ, ທ່ານເລຂາທິການໃຫຍ່, ປະທານປະເທດ ໂຕເລິມ ແລະ ທ່ານປະທານາທິບໍດີ ມົງໂກນ Ukhnaagiin Khurelsukh ດຳເນີນການເຈລະຈາ ແລະ ເປັນສັກຂີພິຍານ ພິທີລົງນາມເອກະສານຮ່ວມມືຫຼາຍສະບັບ.