ໃນປຶ້ມໄວ້ອາໄລເອເລັກໂຕນິກ, ຄະນະທຸຕານຸທູດຂອງບັນດາປະເທດ ໄດ້ສະແດງຄວາມເສົ້າສະຫຼົດໃຈຢ່າງສຸດຊື້ງມາຍັງລັດຖະບານ ແລະ ປະຊາຊົນຫວຽດນາມ ຕໍ່ການຈາກໄປຂອງ ທ່ານອະດີດເລຂາທິການໃຫຍ່ ເລຂ໋າຟຽວ, ຜູ້ທີ່ໄດ້ມີການອຸທິດສ່ວນຢ່າງຫຼວງຫຼາຍເຂົ້າໃນການສ້າງສາ ແລະ ພັດທະນາປະເທດຫວຽດນາມ.
ພິທີໄວ້ອາໄລ ທ່ານອະດີດເລຂາທິການໃຫຍ່ ເລຂ໋າຟຽວຢູ່ສະຖານທູດຫວຽດນາມ ປະຈໍາ ວໍຊີງຕັນ
ໃນວັນດຽວກັນ, ສະຖານທູດຫວຽດນາມ ປະຈໍາ ອາເມລິກາ ກໍໄດ້ຈັດພິທີໄວ້ອາໄລ ທ່ານອະດີດເລຂາທິການໃຫຍ່ ເລຂ໋າຟຽວ ຂຶ້ນຢ່າງສົມກຽດເຊັ່ນດຽວກັນ. ຜູ້ຕາງໜ້າບັນດາອົງການອໍານາດການປົກຄອງ, ສະພາແຫ່ງຊາດອາເມລິກາ ແລະ ບັນດາອົງການທຸຕານຸທູດ ປະຈໍາ ນະຄອນຫຼວງ ວໍຊີງຕັນ ໄດ້ຂຽນຄວາມໃນໃຈລົງໃນປຶ້ມໄວ້ອາໄລເອເລັກໂຕນິກ, ຝາກພວງມາລາມາໄວ້ອາໄລເພື່ອສະແດງຄວາມເສົ້າສະຫຼົດໃຈ, ໃນນັ້ນ ມີຜູ້ຊ່ວຍວຽກລັດຖະມົນຕີກະຊວງປ້ອງກັນປະເທດ; ສະມາຊິກສະພາຕໍ່າ, ເອກອັກຄະລັດຖະທູດບັນດາປະເທດ ລາວ, ມາເລເຊຍ, ມຽນມາ, ໄທ ແລະ ບັນດາປະເທດ ອາຊຽນອື່ນ ພ້ອມກັບບັນດາປະເທດ ຮຸງກາຣີ, ບັນດາປະເທດອາຟະລິກາ, ການນໍາພັກກອມມູນິດ ອາເມລິກາ, ບັນດາສະຫະສະມາຄົມວິສາຫະກິດ, ອົງການບໍ່ຂຶ້ນກັບລັດຖະບານ, ສະຖາບັນຄົ້ນຄວ້າ ແລະ ພໍ່ແມ່ພີ່ນ້ອງຊາວຫວຽດນາມ ທີ່ພວມດໍາລົງຊີວິດ, ເຮັດວຽກ ແລະ ຮໍ່າຮຽນຢູ່ ວໍຊີງຕັນ DC. ຕາງໜ້າກໍາມາທິການພົວພັນຕ່າງປະເທດ ສະພາຕໍໍ່າ ອາເມລິກາ ເນັ້ນໜັກວ່າ ທ່ານອະດີດເລຂາທິການໃຫຍ່ ເລຂ໋າຟຽວ ໄດ້ປະກອບສ່ວນສໍາຄັນເຂົ້າໃນວິວັດການເພີ່ມພູນຄູນສ້າງສາຍພົວພັນທາງການທູດ ຫວຽດນາມ - ອາເມລິກາ ພັດທະນາຢ່າງດີງາມຄືໃນປັດຈຸບັນ.
ໃນວັນດຽວກັນນີ້, ສະຖານທູດຫວຽດນາມຢູ່ຫຼາຍປະເທດໃນໂລກ ກໍໄດ້ຈັດພິທີໄວ້ອາໄລ ແລະ ເປີດປຶ້ມໄວ້ອາໄລ ທ່ານອະດີດເລຂາທິການໃຫຍ່ ເລຂ໋າຟຽວ ເຊັ່ນດຽວກັນ.
(ແຫຼ່ງຄັດຈາກ VOV)
