• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ປີ 2022 ຜັນຂະຫຍາຍການປະຕິບັດຄຳໝັ້ນສັນຍາຂອງ ຫວຽດນາມ ຢູ່ COP 26

      ໃນໄຕມາດທີ 1 ປີ 2022, ບັນດາກະຊວງ, ຂະແໜງການ ຕ້ອງເປັນເຈົ້າການສົມທົບກັນສ້າງລາຍການ, ແຜນການໃນຂົງເຂດຄຸ້ມຄອງເພື່ອຮັບມືກັບການປ່ຽນແປງຂອງດິນຟ້າອາກາດ.
ທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ ກ່າວຄຳເຫັນທີ່ COP 26
(ພາບ: TTXVN)
      ປີ 2022, ຄະນະຊີ້ນຳແຫ່ງຊາດກ່ຽວກັບການຜັນຂະຫຍາຍການປະຕິບັດຄຳໝັ້ນສັນຍາຂອງ ຫວຽດນາມ ທີ່ກອງປະຊຸມຄັ້ງທີ 26 ບັນດາຝ່າຍເຂົ້າຮ່ວມສົນທິສັນຍາແມ່ຂອງສະຫະປະຊາຊາດກ່ຽວກັບການປ່ຽນແປງຂອງດິນຟ້າອາກາດ (COP 26) ໄດ້ສ້າງແຜນຮ່າງຜັນຂະຫຍາຍຄຳໝັ້ນສັນຍາຂອງ ຫວຽດນາມ ທີ່ COP 26. ນີ້ກໍ່ແມ່ນເນື້ອໃນທີ່ສອດຄ່ອງກັບໂຄງການສ້າງໂຄງປະກອບພື້ນຖານເສດຖະກິດຂອງ ຫວຽດນາມ ຄືນໃໝ່ ກ່ຽວກັບການພັດທະນາເສດຖະກິດຂຽວ, ເສດຖະກິດໝູນວຽນ, ເສດຖະກິດດີຈີຕອນ.
        ຕາມຄຳຮຽກຮ້ອງຂອງທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ ແລ້ວ, ໃນໄຕມາດທີ 1 ປີ 2022, ບັນດາກະຊວງ, ຂະແໜງການ ຕ້ອງເປັນເຈົ້າການສົມທົບກັນສ້າງລາຍການ, ແຜນການໃນຂົງເຂດຄຸ້ມຄອງເພື່ອຮັບມືກັບການປ່ຽນແປງຂອງດິນຟ້າອາກາດ. ທ່ານສາດສະດາຈານ, ປະລິນຍາເອກ ເຈິ່ນທູກ, ຮອງປະທານສະພາທີ່ປຶກສາຂອງຄະນະກຳມະການແຫ່ງຊາດກ່ຽວກັບການປ່ຽນແປງຂອງດິນຟ້າອາກາດ ຫວຽດນາມ, ໃຫ້ຮູ້ວ່າ:
        “ທ່ານນາຍົກລັດຖະມົນຕີໄດ້ຖະແຫຼງວ່າ ຫວຽດນາມ ຕ້ອງບັນລຸການປ່ອຍອາຍພິດລົງໃຫ້ເທົ່າ 0 ໃນປີ 2050. ສະນັ້ນ, ໃນໄລຍະຈະມາເຖິງ ການຫັນປ່ຽນດ້ານພະລັງງານແມ່ນດຳເນີນໄປຢ່າງໄວ ແລະ ແຮງກວ່າ, ໃນປີ 2022 ນີ້. ເພື່ອປະຕິບັດການປ່ອຍອາຍພິດລົງໃຫ້ເທົ່າ 0 ໃນປີ 2050, ຂ້າພະເຈົ້າຄິດວ່າຕ້ອງມີການໂຄສະນາຢ່າງກວ້າງຂວາງ ເພື່ອສ້າງຄວາມເຫັນດີເຫັນພ້ອມຂອງປະຊາຊົນ, ອຳນາດການປົກຄອງທຸກຂັ້ນກ່ຽວກັບບັນຫານີ້”.
(ແຫຼ່ງຄັດຈາກ VOV)

ຖະແຫຼງການຮ່ວມ ຫວຽດນາມ - ສ.ເກົາຫຼີ ກ່ຽວກັບການພົວພັນຄູ່ຮ່ວມມືຍຸດທະສາດຮອບດ້ານ

ຖະແຫຼງການຮ່ວມ ຫວຽດນາມ - ສ.ເກົາຫຼີ ກ່ຽວກັບການພົວພັນຄູ່ຮ່ວມມືຍຸດທະສາດຮອບດ້ານ

ຖະແຫຼງການເນັ້ນໜັກວ່າ, ຫວຽດນາມ ແລະ ສ.ເກົາຫຼີ ແມ່ນຄູ່ຮ່ວມມືສຳຄັນແຖວໜ້າຂອງກັນໃນທຸກຂົງເຂດ; ເຫັນດີສືບຕໍ່ຮ່ວມມືກັນຢ່າງແໜ້ນແຟ້ນ ເພື່ອນຳມາເຊິ່ງຜົນປະໂຫຍດໃຫ້ແກ່ປະຊາຊົນ 2 ປະເທດ

Top