ຂ່າວສານ

ປະທານສະພາແຫ່ງຊາດ ຫວຽດນາມ ຕ້ອນຮັບຄະນະຜູ້ແທນແຂວງ Gunma, ຍີ່ປຸ່ນ

07/11/2019

ຕອນບ່າຍວັນທີ 5 ພະຈິກ, ຢູ່ຫໍສະພາແຫ່ງຊາດ, ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ ໄດ້ໃຫ້ການຕ້ອນຮັບຄະນະຜູ້ແທນແຂວງ Gunma, ຍີ່ປຸ່ນ, ໂດຍທ່ານຜູ້ວ່າການ Yamamoto Ichita ນຳໜ້າ ພວມມີການຢ້ຽມຢາມ ແລະ ເຮັດວຽກຢູ່ ຫວຽດນາມ.

ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນໃຫ້ການຕ້ອນຮັບ ທ່ານ Yamamoto Ichita ຜຸ້ວ່າການແຂວງ Gunma (ພາບ: TTXVN)

ນະທີ່ນີ້, ທ່ານ Yamamoto Ichita ໃຫ້ຮູ້ວ່າ ປັດຈຸບັນ, ຊາວ ຫວຽດນາມພວມດຳລົງຊີວິດ ແລະ ເຮັດວຽກຢູ່ແຂວງ Gunma ມີຈຳນວນຫຼວງຫຼາຍ, ເຂົາເຈົ້າໄດ້ປະກອບສ່ວນຊຸກຍູ້ການພົວພັນຮ່ວມມືລະຫວ່າງ Gunma ແລະ ຫວຽດນາມ ກໍ່ຄືປະກອບສ່ວນເຂົ້າໃນການພັດທະນາເສດຖະກິດ - ສັງຄົມຂອງ ທ້ອງຖິ່ນ. ທ່ານ ຜູ້ວ່າການ Yamamoto Ichita ປາດຖະໜາຢາກຈັດສົ່ງຄະນະວິສາຫະກິດຂະໜາດໃຫຍ່ມາຍັງ ຫວຽດນາມໃນໄລຍະເວລາໄວ້ໆນີ້ ແລະ ທາງແຂວງ Gunma ກໍ່ມີຄວາມປາດຖະໜາຢາກພັດທະນາການພົວພັນຮ່ວມມືກັບ ຫວຽດນາມ.

ສ່ວນທ່ານນາງ ຫງວຽນທິກິມເງິນ ມີຄວາມປາດຖະໜາຢາກໃຫ້ ຜູ້ວ່າການ ແລະ ອຳນາດການປົກຄອງ ແຂວງ Gunma ສົ່ງເສີມ, ສ້າງເງື່ອນໄຂໃຫ້ແກ່ບັນດາວິສາຫະກິດແຂວງ Gunma ມາເຄື່ອນໄຫວຢູ່ ຫວຽດນາມ.

(ແຫຼ່ງຄັດຈາກ VOV)

ໜ້າປະຫວັດສາດໃໝ່ໃນການພົວພັນ ຫວຽດນາມ ບຣາຊິນ

27/03/2025
ຂ່າວສານ

ໂດຍໄດ້ຮັບຄຳເຊື້ອເຊີນຂອງທ່ານປະທານປະເທດ ຫວຽດນາມ ເລືອງເກືອງ, ທ່ານປະທານາທິບໍດີ ບຣາຊິນ Luiz Inácio Lula da Silva ຈະມີການຢ້ຽມຢາມທາງລັດຖະກິດ ຫວຽດນາມໃນລະຫວ່າງວັນທີ 27 ມີນາ ຫາວັນທີ 29 ມີນາ. ການຢ້ຽມຢາມຢັ້ງຢືນແຜນນະໂຍບາຍສະເໝີຕົ້ນສະເໝີປາຍຂອງ ຫວຽດນາມ ຍາມໃດກໍ່ຖືເປັນສຳຄັນການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືໃນຫຼາຍດ້ານ ກັບບຣາຊິນ ໃນການພົວພັນຄູ່ຮ່ວມມືຍຸດທະສາດ ແລະ ການຮ່ວມມືຮອບດ້ານກັບ ອາເມລິກາລາຕິນ, ເຮັດໃຫ້ເລິກເຊິ່ງກ່ວາ ແລະ ເປີດຫຼາຍໂອກາດຮ່ວມມືໃໝ່.