• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ປະ​ທານ​ສະ​ພາ​ແຫ່ງ​ຊາດ​ຫວຽດ​ນາມ ໃຫ້​ການ​ຕ້ອນ​ຮັບ​ເອກ​ອັກ​ຄະ​ລັດ​ຖະ​ທູດ​ຈີນ

ຕອນເຊົ້າວັນທີ 4 ກໍລະກົດ, ທ່ານນາງຫງວຽນທິກີມເງິນ, ປະທານສະພາແຫ່ງຊາດຫວຽດນາມ ໄດ້ໃຫ້ການຕ້ອນຮັບທ່ານຊູງປົວ ເອກອັກຄະລັດຖະທູດຈີນ ໃນຂະນະທີ່ທ່ານມາຮັບໜ້າທີ່ທາງການທູດຢູ່ຫວຽດນາມ.

(
ພາບ:  http://quochoi.vn)

ທ່ານນາງປະທານສະພາແຫ່ງຊາດຫວຽດນາມຫງວຽນທິກີມເງິນ ສະແດງຄວາມເຊື່ອໝັ້ນວ່າ: ດ້ວຍປະສົບການໃນການເຄື່ອນໄຫວທາງການທູດທີ່ມີມາແຕ່ດົນນນານ, ທ່ານເອກອັກຄະລັດຖະທູດຊູງປົວ ຈະສືບຕໍ່ເພີ່ມທະວີຄວາມເຂົ້າອົກເຂົາໃຈ, ຄວາມໄວ້ເນື້ອເຊື່ອໃຈ, ຊຸກຍູ້ການຮ່ວມມື, ເປີດກ້ວາງການພົບປະແລກປ່ຽນມິດຕະພາບລະຫວ່າງສອງພັກ, ສອງລັດ ແລະ ປະຊາຊົນສອງປະເທດເຂົ້າສູ່ລວງເລິກ, ມີປະສິດທິຜົນ, ປະກອບສ່ວນແທດຈິງເຂົ້າໃນພາລະກິດປັບປຸງ, ພັດທະນາການພົວພັນຄູ່ຮ່ວມມືຍຸດທະສາດຮອບດ້ານຫວຽດນາມ-ຈີນ.

  ເນື່ອງໃນໂອກາດສອງປະເທດກະກຽມຈັດພິທີສະເຫຼີມສະຫຼອງ 70 ປີແຫ່ງວັນສ້າງຕັ້ງສາຍພົວພັນທາງການທູດ (1949-2019), ທ່ານນາງປະທານສະພາແຫ່ງຊາດຫວຽດນາມຫງວຽນທິກີມເງິນ ປາດຖະໜາວ່າ ສອງຝ່າຍຈະສົມທົບກັນຈັດເຫດການສຳຄັນນີ້ໃຫ້ເປັນຢ່າງດີ.

  ໃນໄລຍະເວລາປະຕິບັດໜ້າທີ່ທາງການທູດຢູ່ຫວຽດນາມ, ທ່ານນາງປະທານສະພາແຫ່ງຊາດປາດຖະໜາຢາກໃຫ້ທ່ານເອກອັກຄະລັດຖະທູດຊູງປົວ ໄປຢ້ຽມຢາມທ້ອງຖິ່ນຕ່າງໆຂອງຫວຽດນາມ ເພື່ອອກຮູ້ປະເທດຊາດ ແລະ ຊາວຫວຽດນາມ ຕື່ມອີກ, ຜ່ານນັ້ນຈະເປີດໂອກາດການຮ່ວມມືໃໝ່ລະຫວ່າງບັນດາທ້ອງຖິ່ນຂອງສອງປະເທດ.

  ທ່ານເອກອັກຄະລັດຖະທູດຊູງປົວ ເຫັນດີກັບທັດສະນະຂອງທ່ານນາງປະທານສະພາແຫ່ງຊາດຫວຽດນາມຫງວຽນທິກີມເງິນ ກ່ຽວກັບການຊຸກຍູ້ການພົວພັນສອງປະເທດເຂົ້າສູ່ລວງເລິກ, ແທດຈິງ. ທ່ານເອກອັກຄະລັດຖະທູດຊູງປົວ ປາດຖະໜາວ່າຢາກໃຫ້ຄວາມຮັບຮູ້ລວມຂອງການນຳຂັ້ນສູງສອງປະເທດ ກໍ່ແມ່ນຄວາມຮັບຮູ້ຂອງປະຊາຊົນ ເພື່ອໃຫ້ປະຊາຊົນເຂົ້າໃຈ, ສະໜັບສະໜູນນະໂຍບາຍຂອງທັງສອງຝ່າຍ. ສະຖານທູດຈີນ ປະຈຳຫວຽດນາມ ຈະພະຍາຍາມຈົນສຸດຄວາມສາມາດຂອງຕົນເພື່ອປະຕິບັດສຳເລັດໜ້າທີ່ທີ່ໄດ້ຮັບການມອບໝາຍເປັນຢ່າງດີ, ສ່ວນທ່ານເອກອັກຄະລັດຖະທູດຊູງປົວ ເອງກໍ່ປາດຖະໜາຢາກໄດ້ຮັບການສະໜັບສະໜູນຂອງສະພາແຫ່ງຊາດ ໃນອາຍຸການເຮັດວຽກຢູ່ຫວຽດນາມ.

(ແຫຼ່ງຄັດຈາກ VOV)

ຫວຽດນາມ ສະໜັບສະໜູນອົງການຊ່ວຍບັນເທົາທຸກ ແລະ ວຽກເຮັດງານທຳໃຫ້ຊາວລີ້ໄພ ປາແລດສະຕິນ ຢູ່ເຂດຕາເວັນອອກໃກ້ ຂອງ ສປຊ

ຫວຽດນາມ ສະໜັບສະໜູນອົງການຊ່ວຍບັນເທົາທຸກ ແລະ ວຽກເຮັດງານທຳໃຫ້ຊາວລີ້ໄພ ປາແລດສະຕິນ ຢູ່ເຂດຕາເວັນອອກໃກ້ ຂອງ ສປຊ

ທ່ານເອກອັກຄະລັດຖະທູດ ດັ້ງຮ່ວາງຢາງ, ຫົວໜ້າຄະນະປະຕິບັດງານ ຫວຽດນາມ ປະຈຳ ສປຊ, ຢັ້ງຢືນຄືໃນນັ້ນ, ໃນວັນທີ 13 ເມສາ, ຢູ່ນິວຢອກ, ປະເທດ ອາເມລິກາ, ໃນການຕ້ອນຮັບທ່ານນາງ Greta Gunnarsdottir, ຜູ້ອຳນວຍການອົງການຊ່ວຍບັນເທົາທຸກ ແລະ ວຽກເຮັດງານທຳໃຫ້ຊາວລີ້ໄພ ປາແລດສະຕິນ ຢູ່ເຂດຕາເວັນອອກໃກ້ຂອງສປຊ (UNRWA).

Top