ຂ່າວສານ

ປະທານ PVEP ຮັບດຳລົງຕຳແໜ່ງເລຂານຸການໃຫຍ່ ASCOPE

01/12/2019

ລາຍການເຄື່ອນໄຫວຂອງສະພາອາຍຸການ 2019 – 2024 ຈະເອົາໃຈໃສ່ເພີ່ມທະວີການພົວພັນແລກປ່ຽນ, ແບ່ງປັນບົດຮຽນ ແລະ ຊອກຫາກາລະໂອກາດຮ່ວມມື, ລົງທຶນກັບບັນດາປະເທດສະມາຊິກ

ພິທີມອບຮັບດຳລົງຕຳແໜ່ງເລຂານຸການໃຫຍ່ ASCOPE
(ພາບ: Petrovietnam.vn)

ຕອນຄ່ຳວັນທີ 29 ພະຈິກ, ຢູ່ຮ່າໂນ້ຍ, ໃນຂອບເຂດບັນດາການເຄື່ອນໄຫວຂອງກອງປະຊຸມຄັ້ງທີ 45 ສະພານ້ຳມັນອາຍແກັດບັນດາປະເທດອາຊີຕາເວັນອອກສ່ຽງໃຕ້ (ASCOPE), ໄດ້ດຳເນີນພິທີມອບຮັບດຳລົງຕຳແໜ່ງເລຂານຸການໃຫຍ່ ASCOPE ລະຫວ່າງບໍລິສັດນ້ຳມັນອາຍແກັດແຫ່ງຊາດໄທ (PTT) ແລະ ກຸ່ມບໍລິສັດນ້ຳມັນອາຍແກັດຫວຽດນາມ (Petro Vietnam). ທ່ານປະລິນຍາເອກ ເຈິ່ນຮົ່ງນາມ, ປະທານກຸ່ມບໍລິສັດໃຫຍ່ສຳຫຼວດ, ຂຸດຄົ້ນອາຍແກັດ (PVEP) ໄດ້ເປັນກຽດດຳລົງຕຳແໜ່ງເລຂານຸການໃຫຍ່ ASCOPE ອາຍຸການ 2019 – 2024.

ກ່າວຄຳເຫັນທີ່ເຫດການ, ທ່ານ ເຈິ່ນຮົ່ງນາມ, ເລຂານຸການໃຫຍ່ ASCOPE ໃຫ້ຮູ້ວ່າ, ລາຍການເຄື່ອນໄຫວຂອງສະພາອາຍຸການ 2019 – 2024 ຈະເອົາໃຈໃສ່ເພີ່ມທະວີການພົວພັນແລກປ່ຽນ, ແບ່ງປັນບົດຮຽນ ແລະ ຊອກຫາກາລະໂອກາດຮ່ວມມື, ລົງທຶນກັບບັນດາປະເທດສະມາຊິກໃນພາກພື້ນທີ່ມີລະດັບເຕີບໂຕຄວາມຕ້ອງການພະລັງງານຂຶ້ນເຖິງ 60% ໃນໄລຍະ 15 ປີຜ່ານມາ.

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.