ຂ່າວສານ

ປະທານາທິບໍດີອາເມລິກາຕອບຈົດໝາຍຂອງການນຳສປປ.ເກົາຫຼີ

06/08/2018

ວັນທີ 04 ສິງຫາ, ວົງການເຈົ້າໜ້າທີ່ອາເມລິກາ ໃຫ້ຮູ້ວ່າ ໄດ້ສົ່ງຈົດໝາຍຕອບກັບຂອງທ່ານປະທານາທິບໍດີອາເມລິກາ Donald Trump ທີ່ຝາກເຖິງການນຳສປປ.ເກົາຫຼີ Kim Jong un ແລ້ວ.

ທ່ານເອກອັກຄະລັດຖະທູດອາເມລິກາ ປະຈຳຟິລິບປິນ Sung Kim ໄດ້ມອບຈົດໝາຍໃຫ້ທ່ານລັດຖະມົນຕີການຕ່າງປະເທດສປປ.ເກົາຫຼີ
Ri Yong Ho ຢູ່ສິງກະໂປ .(ພາບປະກອບ: washingtonpost.com)

ກ່າວຄຳເຫັນຕໍ່ວົງການນັກຂ່າວ, ໂຄສົກກະຊວງການຕ່າງປະເທດອາເມລິກາ Heather Nauert ໃຫ້ຮູ້ວ່າ, ທ່ານເອກອັກຄະລັດຖະທູດອາເມລິກາ ປະຈຳຟິລິບປິນ Sung Kim, ເຈົ້າໜ້າທີ່ສວມບົດບາດສຳຄັນໃນບັນດາການເຈລະຈາລະຫວ່າງວໍຊິງຕັນ ແລະ ພຽງຢາງ, ໄດ້ມອບຈົດໝາຍໃຫ້ທ່ານລັດຖະມົນຕີການຕ່າງປະເທດສປປ.ເກົາຫຼີ Ri Yong Ho ຢູ່ສິງກະໂປ ເພື່ອສົ່ງເຖິງການນຳ Kim Jong un.

ກ່ອນໜ້ານັ້ນ, ວັນທີ 01 ສິງຫາ, ທ່ານປະທານາທິບໍດີອາເມລິກາ Donald Trump ໄດ້ຮັບຈົດໝາຍຂອງການນຳສປປ.ເກົາຫຼີ Kim Jong un ຕື່ມອີກ. ເນື້ອໃນຂອງຈົດໝາຍດັ່ງກ່າວຍັງບໍ່ທັນໄດ້ປະກາດເທື່ອ.

(ແຫຼ່ງຄັດຈາກ VOV)

ຖະແຫຼງຂ່າວໃຫ້ຕ່າງປະເທດແມ່ນໜຶ່ງໃນບັນດາປັດໄຈຍຸດທະສາດໃນພະລັງງານແຮງອ່ອນສັງລວມແຫ່ງຊາດ

14/12/2025
ຂ່າວສານ

ພິທີມອບລາງວັນແຫ່ງຊາດກ່ຽວກັບການຖະແຫຼງຂ່າວໃຫ້ຕ່າງປະເທດຄັ້ງທີ XI ປີ 2025 ໄດ້ດຳເນີນໃນຕອນຄ່ຳວັນທີ 12 ທັນວາ, ຢູ່ຮ່າໂນ້ຍ. ເມື່ອກ່າວຄຳເຫັນໃນເຫດການນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກວ່າ ວຽກງານຖະແຫຼງຂ່າວໃຫ້ຕ່າງປະເທດແມ່ນປັດໄຈຍຸດທະສາດໃນກຳລັງແຮງອ່ອນແຫ່ງຊາດ. ທ່ານກໍສະເໜີໃຫ້ສ້າງຖັນແຖວພະນັກງານເຮັດວຽກງານຖະແຫຼງຂ່າວຕ່າງປະເທດ ທີ່ມີຈັນຍາບັນ, ມີພູມປັນຍາຢ່າງຫຼັກແຫຼມ, ມີຫົວຄິດປະດິດສ້າງ, ມີຄວາມຮັບຜິດຊອບ, ມີຄວາມສຸດຈິດສຸດໃຈ, ມີວິໄສທັດ.