ຂ່າວສານ

ປະທານສະພາແຫ່ງຊາດ ຫວຽດນາມ ອວຍພອນປີໃໝ່ປະຊາຊົນເຂດຊາຍແດນແຂວງ ຮ່າຢາງ

28/01/2018

ຕອນເຊົ້າວັນທີ 27 ມັງກອນ, ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ ໄດ້ເຂົ້າຮ່ວມພິທີເຄົາລົບທຸງຊາດທີ່ເສົົາທຸງ ຫລູງກູ໋, ຕາແສງ ຫລູງກູ໋ ເມືອງ ດົ່ງວັນ ແຂວງ ຮ່າຢາງ.

ທ່ານນາງປະທານສະພາແຫ່ງຊາດ ຫງວຽນທິກິມເງິນ ຢ້ຽມຢາມພະນັກງານ, ນັກຮົບປ້ອມປ້ອງກັນຊາຍແດນ ຫລູງກູ໋

ທີ່ປ້ອມປ້ອງກັນຊາຍແດນ ຫລູງກູ໋, ທ່ານນາງປະທານສະພາແຫ່ງຊາດ ຫງວຽນທິກິມເງິນ ໄດ້ມອບຂອງຂວັນປີໃໝ່ໃຫ້ພະນັກງານ, ນັກຮົບປ້ອມປ້ອງກັນຊາຍແດນ ຫລູງກູ໋ ແລະ ພໍ່ແມ່ປະຊາຊົນເມືອງ ດົ່ງວັນ.

ໃນການໂອ້ລົມກັບພະນັກງານ, ນັກຮົບປ້ອມປ້ອງກັນຊາຍແດນ ຫລູ໋ງກູ໋, ທ່ານນາງປະທານສະພາແຫ່ງຊາດ ຕີລາຄາສູງຄວາມມານະພະຍາຍາມຂອງໝູ່ຄະນະພັກ, ກອງບັນຊາການ ແລະ ພະນັກງານ, ນັກຮົບກົມກອງທັງໝົດ. ທ່ານນາງປະທານສະພາແຫ່ງຊາດຮຽກຮ້ອງກົມກອງສືບຕໍ່ເສີມຂະຫຍາຍບັນດາຜົນງານທີ່ບັນລຸໄດ້ໃນປີ 2017, ສຸມໃສ່ຜັນຂະຫຍາຍປະຕິບັດວຽກງານກຽມພ້ອມສູ້ຮົບຢ່າງເຂັ້ມງວດ, ຜັນຂະຫຍາຍບັນດາມາດຕະການວຽກງານປ້ອງກັນຊາຍແດນຢ່າງຄົບຊຸດ, ເປັນເຈົ້າການກຳແໜ້ນສະພາບການ, ປົກປັກຮັກສາອະທິປະໄຕຄວາມສະຫງົບປອດໄພຊາຍແດນໄວ້ຢ່າງໝັ້ນຄົງ.
ແລະກໍ່ໃນຕອນເຊົ້າ, ທ່ານນາງປະທານສະພາແຫ່ງຊາດໄດ້ມອບຂອງຂວັນປີໃໝ່ໃຫ້ຄອບຄົວທຸກຍາກຕາແສງ ມາແລ ແລະ ຕາແສງ ຫລູງກູ໋, ເມືອງ ດົ່ງວັນ.

(ແຫຼ່ງຄັດຈາກ VOV)

ສະຫາຍອເລຂາທິການໃຫຍ່ ໂຕເລີມ: ສຳນັກຂ່າວສານ ຫວຽດນາມ ສືບຕໍ່ຢືນຢັນບົດບາດເປັນອົງການຂ່າວສານຍຸດທະສາດ ແລະ ຄວາມໄວ້ເນື້ອເຊື່ອໃຈຂອງ ພັກ ແລະ ລັດ

14/09/2025
ຂ່າວສານ

ຕອນເຊົ້າວັນທີ 14 ກັນຍາ, ຢູ່ສູນສຳນັກຂ່າວແຫ່ງຊາດ, ເລກທີ 5 ຫຼີເຖື່ອງກຽດ, ຮ່າໂນ້ຍ, ສຳນັກຂ່າວສານຫວຽດນາມ (VNA) ໄດ້ຈັດພິທີມອບຫຼຽນໄຊ ໂຮ່ຈີມິນ (ເປັນຄັ້ງທີ 3) ແລະ ສະເຫຼີມສະຫຼອງ 80 ປີແຫ່ງວັນມູນເຊື້ອຂອງສຳນັກຂ່າວສານ ຫວຽດນາມ (ວັນທີ 15 ກັນຍາ 1945 - ວັນທີ 15 ກັນຍາ 2025). ສະຫາຍເລຂາທິການໃຫຍ່ ໂຕເລີມ ໄດ້ເຂົ້າຮ່ວມ ແລະ ກ່າວຄຳເຫັນທີ່ພິທີ. ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິງຈິ໋ງ, ປະທານສະພາແຫ່ງຊາດ ເຈີ່ນແທງເໝີ໊ນ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໂດ໊ວັນຈ໋ຽນ ໄດ້ສົ່ງກະຕ່າດອກໄມ້ ແລະ ຈົດໝາຍອວຍພອນເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນມູນເຊື້ອຂອງສຳນັກຂ່າວສານ ຫວຽດນາມ.