ທ່ານນາງປະທານສະພາແຫ່ງຊາດ ຫງວຽນທິກິມເງິນ ເຮັດວຽກຢູ່ນະຄອນເກີນເທີ
ທ່ານນາງປະທານສະພາແຫ່ງຊາດ ຫງວຽນທິກິມເງິນ ແລະ ບັນດາສະມາຊິກສະພາແຫ່ງຊາດທີ່ຂຶ້ນກັບຫົວໜ່ວຍເລືອກຕັ້ງເລກ 1, ນະຄອນ ເກິ່ນເທີ, ມີການພົບປະກັບຜູ້ມີສິດເລືອກຕັ້ງໃນວັນທີ 27/4 ເພື່ອແຈ້ງຮ່າງເນື້ອໃນລາຍການກອງປະຊຸມສະໄໝສາມັນເທື່ອທີ 3 ສະພາແຫ່ງຊາດຊຸດທີ 14. ທ່ານນາງປະທານສະພາແຫ່ງຊາດໃຫ້ຮູ້ວ່າ ທີ່ກອງປະຊຸມສະໄໝສາມັນເທື່ອທີ 3, ສະພາແຫ່ງຊາດຄາດຄະເນວ່າຈະຮັບຮອງເອົາຮ່າງກົດໝາຍ 13 ສະບັບ ເຊິ່ງໄດ້ຮັບເອົາຄວາມເຫັນຄັ້ງທຳອິດແລ້ວ; ຮັບຮອງເອົາຮ່າງມະຕິ 5 ສະບັບ; ປະກອບຄວາມເຫັນໃຫ້ຮ່າງກົດໝາຍ 4 ສະບັບຄັ້ງທຳອິດ; ຈະດຳເນີນການຕິດຕາມກວດກາສູງສຸດຫົວເລື່ອງສະເພາະກ່ຽວກັບຄວາມປອດໄພດ້ານອາຫານ, ເຂົ້າຮ່ວມການຕົກລົງບັນດາບົດລາຍງານຂອງລັດຖະບານກ່ຽວກັບການກໍ່ສ້າງບັນດາກິດຈະກຳຈຸດສຸມ…ທີ່ການພົບປະກັບຜູ້ມີສິດເລືອກຕັ້ງ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ໄດ້ຮັບຮອງບັນດາຄວາມເຫັນ ແລະ ຖືວ່ານີ້ແມ່ນບັນດາບັນຫາໃຫຍ່, ເຊິ່ງພັກ, ລັດ, ສະພາແຫ່ງຊາດເອົາໃຈໃສ່ທີ່ສຸດ; ພ້ອມທັງສະເໜີບັນດາອົງການກ່ຽວຂ້ອງຂອງເກິ່ນເທີຮັບເອົາບັນດາຄວາມເຫັນຂອງຜູ້ມີສິດເລືອກຕັ້ງ, ໃນນັ້ນພິຈາລະນາ, ແກ້ໄຂບັນຫາປະຕິບັດປະກັນສຸຂະພາບ, ເພື່ອແນໃສ່ຕອບສະໜອງຄວາມປາຖະໜາຂອງປະຊາຊົນໃຫ້ດີກວ່າກົ່າ ແລະ ປະຕິບັດປະກັນສຸຂະພາບຖືກຕ້ອງຕາມກົດໝາຍ.
(ແຫຼ່ງຄັດຈາກ VOV)
