ກ່າວຄຳເຫັນທີ່ພິທີ, ທ່ານປະທານປະເທດ ຫງວຽນຊວັນຟຸກ ລື້ມຄືນບັນດາເປົ້າໝາຍພັດທະນາທີ່ ຮ່າຢ່າງ ໄດ້ວາງອອກຄື: ສ້າງ ຮ່າຢ່າງ ໃຫ້ເປັນແຂວງພັດທະນາດ້ານການທ່ອງທ່ຽວ, ການຄ້າ, ການບໍລິການ ແລະ ກະສິກຳ ສິນຄ້າທີ່ເປັນເອກະລັກ; ຮອດປີ 2030 ໃຫ້ເປັນແຂວງທີ່ມີພື້ນຖານເສດຖະກິດ - ສັງຄົມພັດທະນາຢ່າງດີໃນເຂດພູດອຍທາງເໜືອ ຫວຽດນາມ; ຮອດປີ 2045 ເປັນແຂວງທີ່ ມີພື້ນຖານເສດຖະກິດ - ສັງຄົມພັດທະນາຢ່າງດີພໍສົມຄວນໃນທົວປະເທດ. ທ່ານປະທານປະເທດປາດຖະໜາຢາກໃຫ້ແຂວງ ຮ່າຢ່າງ ສູ້ຊົນໃຫ້ຫຼຸດພົ້ນອອກຈາກຄວາມທຸກຍາກ ແລະ ພັດທະນາເສດຖະກິດ - ສັງຄົມ.
ຢາກມີພື້ນຖານເສດຖະກິດທີ່ພັດທະນາ, ກ່ອນອື່ນໝົດກຳລັງຄວາມສາມາດຂອງຖັນແຖວພະນັກງານ, ລັດຖະກອນຕ້ອງໄດ້ຍົກສູງຂຶ້ນ. ສອງແມ່ນ, ສຳລັບແຂວງທີ່ມີເງື່ອນໄຂພິເສດຄື ຮ່າຢ່າງ, ຂັ້ນນະໂຍບາຍສັງຄົມມີບົດບາດສຳຄັນທີ່ສຸດ. ສະນັ້ນ, ທາງແຂວງຕ້ອງມີບັນດານະໂຍບາຍໜູນຊ່ວຍຊີວິດສັງຄົມ, ປະຕິບັດນະໂຍບາຍຫຼູດພົ້ນຄວາມທຸກຍາກ, ເພີ່ມທະວີການລົງທຶນໃຫ້ການສຶກສາ, ເບິ່ງແຍງສຸຂະພາບ, ສະໜອງສະຫວັດດີການໃຫ້ປະຊາຊົນໃຫ້ດີທີ່ສຸດ.ໃນຕອນເຊົ້າວັນດຽວກັນ, ທ່ານປະທານ ຫງວຽນຊວັນຟຸກ ໄດ້ໄປຈຸດທູບໃຕ້ທຽນອາໄລຫາບັນດາວິລະຊົນທີ່ເສຍສະຫຼະຊີວິດຢູ່ທີ່ສຸສານນັກຮົບເສຍສະຫຼະຊີວິດແຫ່ງຊາດ ວິຊວຽນ; ວາງພວງມາລາຢູ່ອະນຸສາວະລີທ່ານປະທານ ໂຮຈີມິນ ຢູ່ສຳນັກງານຄະນະພັກແຂວງ ຮ່າຢ່າງ.
ຫຼັງຈາກນັ້ນ, ຕອນບ່າຍວັນໃນວັນດຽວກັນ, ທ່ານປະທານປະເທດ ຫວຽດນາມ ຫງວຽນຊວັນຟຸກ ໄປຢ້ຽມຢາມ ແລະ ມອບຂອງຂວັນໃຫ້ຄອບຄົວຜູ້ມີຄຸນງາມຄວາມດີ, ນັກຮົບເກົ່າຜູ້ທຸກຍາກ, ຄອບຄົວທຸກຍາກໃນບໍລິເວນຕາແສງ ຫວຽດວິງ, ເມືອງ ບັກກວາງ, ແຂວງ ຮ່າຢາງ; ຢ້ຽມຢາມ ແລະ ເຮັດວຽກກັບ ຕຳຫຼວດແຂວງ ຮ່າຢ່າງ.
(ແຫຼ່ງຄັດຈາກ VOV)
