• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ປະທານປະເທດເຂົ້າຮ່ວມວາລະປຶກສາຫາລືຂັ້ນສູງທາງໄກກ່ຽວກັບການຮ່ວມມືລະຫວ່າງສະຫະປະຊາຊາດແລະສະຫະພາບອາຟະລິກາ

      ທ່ານປະທານປະເທດ ຫງວຽນຊວັນຟຸກ ໄດ້ຍົກອອກບາງຂໍ້ສະເໜີຄື: ບັນດາປະເທດ ອາຟະລິກາ ຄວນສືບຕໍ່ເພີ່ມພູນຄູນສ້າງສາຍພົວພັນມິດຕະພາບ, ເປີດກວ້າງການຮ່ວມມື, ເຊື່ອມໂຍງ, ປັບປຸງລັດທິຫຼາຍຝ່າຍ
ທ່ານປະທານປະເທດ ຫວຽດນາມ ຫງວຽນຊວັນຟຸກ ໄດ້ເຂົ້າຮ່ວມວາລະປຶກສາຫາລືຂັ້ນສູງທາງໄກ
(ພາບ: TTXVN)
      ໂດຍໄດ້ຮັບຄຳເຊື້ອເຊີນຈາກທ່ານ Uhuru Kenyatta, ປະທານາທິບໍດີ Kenya, ປະທານໝູນວຽນຂອງສະພາຄວາມໝັ້ນຄົງສະຫະປະຊາຊາດ ເດືອນ ຕຸລາ 2021, ຕອນຄ່ຳວັນທີ 28 ຕຸລາ, ທ່ານປະທານປະເທດ ຫວຽດນາມ ຫງວຽນຊວັນຟຸກ ໄດ້ເຂົ້າຮ່ວມວາລະປຶກສາຫາລືຂັ້ນສູງທາງໄກກ່ຽວກັບການຮ່ວມມືລະຫວ່າງ ສະຫະປະຊາຊາດ ແລະ ສະຫະພາບ ອາຟະລິກາ ດ້ວຍຫົວຂໍ້ “ເພີ່ມທະວີຄວາມສາມັກຄີ ເພື່ອສັນຕິພາບ ແລະ ຄວາມໝັ້ນຄົງໃນສະພາບແວດລ້ອມແຫ່ງການປະທະກັນພວມປ່ຽນແປງ”.
        ກ່າວຄຳເຫັນທີ່ວາລະປຶກສາຫາລື, ທ່ານປະທານປະເທດ ຫງວຽນຊວັນຟຸກ ໄດ້ເຊີດຊູຜົນງານພົ້ນເດັ່ນເຊິ່ງບັນດາປະເທດ ອາຟະລິກາ ບັນລຸໄດ້ໃນໄລຍະຜ່ານມາ. ເຖິງຢ່າງໃດກໍ່ຕາມ, ທ່ານປະທານປະເທດໃຫ້ຂໍ້ສັງເກດວ່າ, ຫຼາຍປະເທດ ອາຟະລິກາ ຍັງຕົກຢູ່ໃນສະພາບເກີດຄວາມບໍ່ສະຫງົບ, ການປະທະກັນ, ອາດຊະຍາກຳຂ້າມຊາດ, ການປ່ຽນແປງຂອງດິນຟ້າອາກາດ… ເພື່ອໃຫ້ປະຊາຄົມສາກົນສາມາດຮ່ວມແຮງຮ່ວມໃຈໜູນຊ່ວຍບັນດາປະເທດ ອາຟະລິກາ ສ້າງຕັ້ງຄືນໃໝ່ ແລະ ພັດທະນາປະເທດຊາດ, ຮັບມື ແລະ ຟື້ນຟູພາຍຫຼັງໂລກລະບາດ, ທ່ານປະທານປະເທດ ຫງວຽນຊວັນຟຸກ ໄດ້ຍົກອອກບາງຂໍ້ສະເໜີຄື: ບັນດາປະເທດ ອາຟະລິກາ ຄວນສືບຕໍ່ເພີ່ມພູນຄູນສ້າງສາຍພົວພັນມິດຕະພາບ, ເປີດກວ້າງການຮ່ວມມື, ເຊື່ອມໂຍງ, ປັບປຸງລັດທິຫຼາຍຝ່າຍ; ສະຫະປະຊາຊາດ ແລະ ສະຫະພາບ ອາຟະລິກາ ຕ້ອງນຳໜ້າຮ່ວມມືປະຕິບັດຂໍ້ລິເລີ່ມຢຸດຕິສຽງປືນແຕກຢູ່ ອາຟະລິກາ ໃນປີ 2030, ໂຄງການດຳເນີນງານ 2030 ແລະ ໂຄງການດຳເນີນງານ 2063 ກ່ຽວກັບການພັດທະນາແບບຍືນຍົງຂອງ 2 ອົງການດັ່ງກ່າວ; ເພີ່ມທະວີການຄ້ຳປະກັນດ້ານສະບຽງອາຫານ ປະກອບສ່ວນຮັບປະກັນເສດຖະກິດ, ສັງຄົມໃຫ້ໝັ້ນຄົງ, ສ້າງພື້ນຖານສັນຕິພາບແບບຍືນຍົງ…
        ທ່ານປະທານປະເທດ ຫງວຽນຊວັນຟຸກ ເນັ້ນໜັກວ່າ, ຍາມໃດຫວຽດນາມ ກໍ່ຮຽງບ່າຮຽງໄຫຼ່ກັບບັນດາປະເທດ ອາຟະລິກາ ຜ່ານຜ່າຄວາມຫຍຸ້ງຍາກ, ເປີດກ້ວາງການຮ່ວມມືຢ່າງມີປະສິດທິຜົນ, ມຸ່ງໄປເຖິງສັນຕິພາບ ແລະ ການພັດທະນາ. ທ່ານປະທານປະເທດ ກໍ່ແບ່ງປັນຄວາມປາດຖະໜາວ່າ ຫວຽດນາມ ຈະກາຍເປັນນັກສັງເກດການຢູ່ສະຫະພາບ ອາຟະລິກາ ໂດຍໄວ.
(ແຫຼ່ງຄັດຈາກ VOV)

ທ່ານເລຂາທິການໃຫຍ່, ປະທານປະເທດ ໂຕເລິມ ເຂົ້າຮ່ວມລາຍການສະແດງສິລະປະພິເສດ ຄຳສັ່ງຂອງເພີ່ນ

ທ່ານເລຂາທິການໃຫຍ່, ປະທານປະເທດ ໂຕເລິມ ເຂົ້າຮ່ວມລາຍການສະແດງສິລະປະພິເສດ “ຄຳສັ່ງຂອງເພີ່ນ”

ລາຍການໄດ້ເພື່ອຫວນຄືນປະຫວັດສາດ, ພ້ອມທັງຢືນຢັນຄຸນຄ່າແກ່ນສານ ແລະ ບັນດາການປະກອບສ່ວນສຳຄັນຂອງຄຳພິໄນກຳປະທານ ໂຮ່ຈີມິນ ໃນໄຊຊະນະອັນຍິ່ງໃຫຍ່ຂອງການປະຕິວັດ ຫວຽດນາມ ໃນກວ່າເຄິ່ງສະຕະວັດຜ່ານມາ.

Top