ຕອນແລງວັນທີ 28ຕຸລາ 2011ທີ່ນະຄອນຫຼວງວຽງຈັນ, ບໍລິສັດຮ່ວມ ທຸລະກິດ ປະກັນໄພ ລາວ-ຫວຽດ (LVI)ແລະ ບໍລິສັດການບິນລາວ (Lao Airlines) ໄດ້ເຊັນສັນຍາປະກັນເຮືອບິນ Airbus A320 ສອງລຳ,ດ້ວຍລະດັບຄວາມຮັບຜິດຊອບປະກັນໄພມູນຄ່າ850ລ້ານໂດ ລາສະຫະລັດ,ໃນນັ້ນປະກັນໃຫ້ແກ່ເຮືອບິນ,ຜູ້ໂດຍສານ,ຜູ້ທີສາມ,ເຄື່ອງ ສຳພາລະ,ສິນຄ້າ.ໂດຍໃຫ້ກຽດເຂົ້າຮ່ວມຂອງທ່ານ ຢາກົວ ລໍ່ປາງຂາວ (YakuaLopangkhao), ຫົວໜ້າກົມການບິນລາວ, ຜູ້ຕາງໜ້າ ທະນາຄານແຫ່ງລັດ,ກະຊວງການເງິນ, ທະນາຄານການຄ້າຕ່າງປະເທດ ລາວ(BCEL),ທະນາຄານຮ່ວມທຸລະກິດລາວ-ຫວຽດ(LVB). ທ່ານ ຫວູມິງຫາຍ,ຜູ້ອຳນວຍການໃຫຍ່ LVI ໃຫ້ຮູ້ວ່າ: ນອກຈາກການຊ່ວຍ ເຫຼືອຂອງ BCELແລະ ຄວາມໄວ້ວາງໃຈຂອງ LaoAirlines, ເພື່ອ ປະກັນໄພໃຫ້ແກ່ການບໍລິການດັ່ງກ່າວ, LVIໄດ້ສົມທົບກັບWillis Li mited ຜູ້ເປັນສື່ກາງປະກັນໄພເປັນຄັ້ງໃໝ່ ຢູ່ລອນດອນ-ອັງກິດ, ເພື່ອ ຮ່ວມກັນຮັບປະກັນ ດ້ານການບໍລິການ ຄວາມປອດໄພທາ ງດ້ານການ ເງິນ. ນອກຈາກນັ້ນ LVI ຍັງໄດ້ມີການພົວພັນກັບ ບໍລິສັດສັນນະສູດAirclaimsເພື່ອພ້ອມທີ່ຈະປະສົມປະສານແກ້ໄຂຜົນເສຍຫາຍ ເມື່ອມີ ອຸບັດຕິເຫດເກີດຂຶ້ນ.
ບໍລິສັດຮ່ວມທຸລະກິດປະກັນໄພລາວ-ຫວຽດ (LVI)ໄດ້ຮັບການສ້າງຕັ້ງ ຂຶ້ນ ແລະເປີດການເຄື່ອນໄຫວ ມາແຕ່ເດືອນມິຖຸນາ 2008,ໂດຍອີງໃສ່ ພື້ນຖານແຫ່ງຄວາມເປັນມິດຕະພາບແບບພິເສດ ຂອງສອງປະເທດລາວ ແລະຫວຽດນາມ,ດ້ວຍສະມາຊິກທີ່ຖືກຕັ້ງຂຶ້ນເປັນຄັ້ງທຳອິດ ແມ່ນສະຫະບໍລິສັດຫຸ້ນສ່ວນປະກັນໄພຂອງທະນາຄານການລົງທຶນ ແລະພັດທະນາ ຫວຽດນາມ (BIC),ທະນາຄານການຄ້າຕ່າງປະເທດລາວ(BCEL)ແລະ ທະນາຄານຮ່ວມທຸລະກິດ ລາວ-ຫວຽດ (LVB). ຫຼັງຈາກທີ່ເປີດ ການເຄື່ອນໄຫວມາໄດ້ 3 ປີ, LVI ໄດ້ກ້າວຂຶ້ນອັນດັບ 2 ໃນ 6 ບໍລິສັດປະກັນໄພຢູ່ ສປປ ລາວ ໂດຍມີລາຍຮັບບໍ່ຕໍ່າກວ່າ 200% ຕໍ່ປີ. ການຮັບປະກັນໄພ ເຮືອບິນ AirbusA320ສອງລຳທຳອິດ ໃຫ້ແກ່ບໍລິສັດການບິນລາວນັ້ນ ໄດ້ເຮັດໃຫ້ LVIກາຍເປັນບໍລິສັດນຳໜ້າໃນການ ປະກັນໄພດ້ານການບິນຢູ່ລາວ,ເປັນຂີດໝາຍການຈະເລີນເຕີບໂຕຂອງເຄື່ອງໝາຍການຄ້າ ແລະ ຊື່ສຽງຂອງ LVIເວົ້າສະເພາະ ແລະ ເວົ້າລວມ ແມ່ນບັນດາທຸລະກິດຫວຽດນາມ ທີ່ຮ່ວມມືລົງທຶນ ຢູ່ ສປປ. ລາວ…

ໂດຍ: ຮວ່າງເຈືອງ (ວຽນຈັນ)