ກອງປະຊຸມສຳມະນາດ້ວຍຫົວຂໍ້ວ່າ “ເວທີປາໄສ ແມ່ນ້ຳຂອງ - ລ້ານຊ້າງ ກ່ຽວກັບການພັດທະນາ ດ້ານເຕັກໂນໂລຢີຖະແຫຼງຂ່າວ ແລະ ການສື່ສານແບບຍືນຍົງ (ICT)”ໄດ້ໄຂຂຶ້ນຢູ່ ວຽງຈັນຢ່າງເປັນທາງການ (ພາບ: TTXVN)
ກ່າວຄຳເຫັນທີ່ພິທີເປີດໃນວັນທີ 27 ມິຖຸນາ, ທ່ານ ທອງໃສ ຊານໄຊຍະ ຮອງລັດຖະມົນຕີ ກະຊວງໄປສະນີ ໂທລະຄົມມະນາຄົມ ແລະ ການສື່ສານ ລາວ ຢັ້ງຢືນວ່າ: ດ້ວຍລະດັບການເຕີບໂຕຢ່າງໄວວາ ແລະ ໃນສະໄໝເສດຖະກິດ ດີຈີຕອນປັດຈຸບັນ, ICT ແລະ ເຕັກໂນໂລຢີຈະສວມບົດບາດສຳຄັນໃນການພັດທະນາເສດຖະກິດ - ສັງຄົມຢູ່ແຕ່ລະປະເທດ. ທ່ານ ທອງໃສ ຊານໄຊຍະ ໄດ້ສະແດງຄວາມຫວັງວ່າ ບັນດາປະເທດໃນພາກພື້ນຈະເພີ່ມທະວີການຮ່ວມມືໃນຂອບເຂດການຮ່ວມມື ແມ່ນ້ຳຂອງ - ລ້ານຊ້າງ ໃຫ້ຫຼາຍກ່ວາອີກເພື່ອບັນລຸໄດ້ບັນດາຜົນງານໃນການພັດທະນາແບບຍືນຍົງ, ຮອບດ້ານ ຢູ່ພາກພື້ນໃນຂົງເຂດ ICT, ປະກອບສ່ວນເຂົ້າໃນການພັດທະນາລວມຂອງປະເທດຊາດ.
ທີ່ກອງປະຊຸມສຳມະນາ, ບັນດານັກຊ່ຽວຊານ ແລະ ຜູ້ຕາງໜ້າບັນດາປະເທດໄດ້ແບ່ງປັນບັນດາບົດຮຽນໃນການສ້າງນະໂຍບາຍ, ຮ່າງກົດໝາຍວ່າດ້ວຍເຕັກໂນໂລຢີ, ໃນນັ້ນໄດ້ເຕື້ອງເຖິງວິທີການນຳໃຊ້ ICT ຢູ່ແຕ່ປະເທດ, ບັນດາແຜນການ ແລະ ການຊີ້ນຳຂອງແຕ່ລະປະເທດໃນບັນດາຂົງເຂດທີ່ກ່ຽວຂ້ອງເຖິງການພັດທະນາແບບຍືນຍົງ, ເສດຖະກິດດີຈີຕອນ ແລະ ການຫັນປ່ຽນເຕັກນິກດີຈີຕອນ.
(ແຫຼ່ງຄັດຈາກ VOV)
