ຂ່າວສານ

ບັນດາບໍລິສັດການບິນຂອງຫວຽດນາມສືບຕໍ່ປະຕິບັດບັນດາຖ້ຽວບິນພາຍໃນປະເທດຄືນໃຫມ່

13/04/2020

ບັນດາບໍລິສັດການບິນ ພວມມີແຜນການປະຕິບັດບັນດາຖ້ຽວບິນພາຍໃນປະເທດຄືນໃຫມ່ ນັບແຕ່ວັນທີ 16 ເມສາປີ 2020 ພ້ອມທັງສົ່ງເສີມຜູ້ໂດຍສານນຳໃຊ້ຊອບແວ check-in ແລະ ເຮັດລະບຽບການອອນລາຍຜ່ານເວັບໄຊ ເພື່ອປະຢັດເວລາຢູ່ສະຫນາມບິນ.

ພາບປະກອບ : TTXVN

ວັນທີ 11 ເມສາ ບໍລິສັດການບິນ Bamboo Airways ໄດ້ປະກາດວ່າຈະຜັນຂະຫຍາຍຖ້ຽວບິນພາຍໃນປະເທດ ນັບແຕ່ວັນທີ 16 ເມສາ ແລະເພີ່ມທະວີຖ້ຽວບິນໄປກັບລະຫວ່າງ ຮ່າໂນ້ຍ - ນະຄອນໂຮ່ຈີມິນ ໃຫ້ຂຶ້ນເປັນ 7 ຖ້ຽວ/ມື້, ກ້າວໄປເຖິງການປະຕິບັດບັນດາຖ້ຽວບິນເຊື່ອມຕໍ່ ຮ່າໂນ້ຍ ແລະ ນະຄອນໂຮ່ຈີມິນ ເຖິງທຸກສະຫນາມບິນໃນທົ່ວປະເທດຄືນໃຫມ່ ນັບແຕ່ວັນທີ 20 ເມສາ.

ກ່ອນຫນ້ານັ້ນ ບໍລິສັດການບິນ Vietjet Air ກໍ່ໄດ້ປະກາດວ່າ ຈະປະຕິບັດບັນດາຖ້ຽວບິນພາຍໃນຄືນໃຫມ່ ນັບແຕ່ວັນທີ 16 ເມສາ.

(ແຫຼ່ງຄັດຈາກ VOV)

ຖະແຫຼງຂ່າວໃຫ້ຕ່າງປະເທດແມ່ນໜຶ່ງໃນບັນດາປັດໄຈຍຸດທະສາດໃນພະລັງງານແຮງອ່ອນສັງລວມແຫ່ງຊາດ

14/12/2025
ຂ່າວສານ

ພິທີມອບລາງວັນແຫ່ງຊາດກ່ຽວກັບການຖະແຫຼງຂ່າວໃຫ້ຕ່າງປະເທດຄັ້ງທີ XI ປີ 2025 ໄດ້ດຳເນີນໃນຕອນຄ່ຳວັນທີ 12 ທັນວາ, ຢູ່ຮ່າໂນ້ຍ. ເມື່ອກ່າວຄຳເຫັນໃນເຫດການນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກວ່າ ວຽກງານຖະແຫຼງຂ່າວໃຫ້ຕ່າງປະເທດແມ່ນປັດໄຈຍຸດທະສາດໃນກຳລັງແຮງອ່ອນແຫ່ງຊາດ. ທ່ານກໍສະເໜີໃຫ້ສ້າງຖັນແຖວພະນັກງານເຮັດວຽກງານຖະແຫຼງຂ່າວຕ່າງປະເທດ ທີ່ມີຈັນຍາບັນ, ມີພູມປັນຍາຢ່າງຫຼັກແຫຼມ, ມີຫົວຄິດປະດິດສ້າງ, ມີຄວາມຮັບຜິດຊອບ, ມີຄວາມສຸດຈິດສຸດໃຈ, ມີວິໄສທັດ.