ກ່າວຄຳເຫັນທີ່ພິທີ, ທ່ານປະທານປະເທດຫວຽດນາມ ເຈີນດ້າຍກວາງໄດ້ສະເໜີ ຖັນແຖວສາດສະດາຈານ, ແພດໝໍ, ພາລະກອນສາທາລະນະສຸກ, ພະນັກງານ, ລັດຖະກອນ, ຊາວຜູ້ອອກແຮງງານຂະແໜງສາທາລະນະສຸກເວົ້າລວມ ແລະ ໂຮງໝໍແບກມາຍເວົ້າສະເພາະ ຈົ່ງຍົກສູງຄຸນນະພາບການກວດ ແລະ ປິ່ນປົວພະຍາດ, ເບິ່ງແຍງສຸຂະພາບໃຫ້ແກ່ປະຊາຊົນ.  ທ່ານປະທານປະເທດຫວຽດນາມ ເຈີນດ້າຍກວາງ ກ່າວວ່າ : 

   “ ເພີ່ມທະວີການຮ່ວມມືສາກົນໃນການແລກປ່ຽນຂໍ້ມູນຂ່າວສານ, ແບ່ງປັນບົດຮຽນກ່ຽວກັບການກວດ, ປິ່ນປົວພະຍາດ, ບຳລຸງສ້າງທາງດ້ານວິຊາການກັບບັນດາໂຮງໝໍ, ອົງການສາທາລະນະສຸກຂອງບັນດາປະເທດທີີ່ມີພື້ນຖານການແພດທັນສະໄໝ, ຍາດແຍ່ງການສະໜັບສະໜູນຊ່ວຍເຫຼືອທາງດ້ານພາຫະນະອຸປະກອນ ແລະ ການລົງທຶນດ້ານແຫຼ່ງກຳລັງ. ເຊື່ອມຊຶມຢ່າງເລິກເຊິ່ງ ແລະ ປະຕິບັດຄຳສັ່ງສອນຂອງປະທານໂຮ່ຈິມິນ “ ທ່ານໝໍຕ້ອງປຽບເໝືອນຜູ້ເປັນແມ່ທີ່ດີ” . ເຊີດຊູຈິດໃຈຮັບຜິດຊອບ, ສຸດຈິດສຸດໃຈຕໍ່ຄົນເຈັບ.

    ແລະ ກໍເນື່ອງໃນໂອກາດສະເຫຼີມສະຫຼອງ 63 ປີແຫ່ງວັນແພດໝໍຫວຽດນາມ, ຕອນເຂົ້າວັນທີ 26 ກຸມພາ, ທ່ານຮອງປະທານຜູ້ປະຈຳການສະພາແຫ່ງຊາດຫວຽດນາມ ຕ່ອງທິຟ້ອງ ໄດ້ໄປຢ້ຽມຢາມ ແລະ ອວຍພອນບັນດາແພດໝໍໂຮງໝໍປະສູດສູນກາງ. ໃນຕອນເຊົ້າວັນດຽວກັນ,  ທ່ານຮອງນາຍົກລັດຖະມົນຕີຫວຽດນາມ ວູ້ດຶກດາມກໍໄດ້ລົງຢ້ຽມຢາມ ແລະ ມອບຂອງຂວັນໃຫ້ແກ່ພະນັກງານ, ພາລະກອນສາທາລະນະສຸກ ແລະ ຄົນເຈັບທີ່ພວມປິ່ນປົວຢູ່ສູນສາທາລະນະສຸກເມືອງເຮື້ອງຮ້ວາ ແລະ ສູນສາທາລະນະສຸກເມືອງດັກຣົງ.

     ແລະ ກໍເນື່ອງໃນໂອກາດ ສະເຫຼີມສະຫຼອງວັນແພດໝໍຫວຽດນາມ( ວັນທີ 27/2/1955 – 27/2/2018), ຕອນບ່າຍວັນ 26 ກຸພາ, ຢູ່ຮ່າໂນ້ຍ, ທ່ານ ວໍ້ວັນເຖື້ອງ ເລຂາສູນກາງພັກ, ຫົວໜ້າຄະນະໂຄສະນາສຶກສາສູນກາງພັກ ໄດ້ລົງຢ້ຽມຢາມ ແລະ ອວຍພອນບັນດາແພດໝໍທີ່ໂຮງໝໍແພດພື້ນເມືອງສູນກາງ.

(ແຫຼ່ງຄັດຈາກ VOV)