ນີ້ແມ່ນໜຶ່ງໃນບັນດາການເຄື່ອນໄຫວ “ຕ້ອນຮັບລະດູບານໃໝ່ປີຂານ” ໂດຍສະຖານທູດ ຫວຽດນາມ, ຄະນະຕິດຕໍ່ພົວພັນປະຊາຄົມຊາວ ຫວຽດນາມ ແລະ ສະມາຄົມນັກສຶກສາ ຫວຽດນາມ ຢູ່ ສິງກະໂປ ສົມທົບກັນຈັດຂຶ້ນ ໃນໂອກາດບຸນເຕັດ ແລະ ລະດູບານໃໝ່ ວຽນມາ.
ການແຂ່ງຂັນດັ່ງກ່າວ ໄດ້ດຶງດູດ 11 ທິມເຂົ້າຮ່ວມ, ແຕ່ລະທິມ ລວມມີ 2 ຄົນ, ເຊິ່ງຢູ່ໃນໄວອາຍຸທີ່ແຕກຕ່າງກັນ. ບັນຍາກາດເບີກບານມ່ວນຊື່ນ, ຄຶກຄື້ນ ບໍ່ຕ່າງຫຍັງກັບບັນຍາກາດຂອງວັນທີ 30 ບຸນເຕັດຢູ່ບ້ານເກີດເມືອງນອນ. ພາຍຫຼັງການແຂ່ງຂັນຫໍ່ເຂົ້າຕົ້ມ, 11 ທິມ, ພໍ່ແມ່ພີ່ນ້ອງຊາວ ຫວຽດນາມ ອາໄສຢູ່ ສິງກະໂປ, ພັນລະຍາພະນັກງານສະຖານທູດ ພ້ອມດ້ວຍບັນດາອົງການຜູ້ຕາງໜ້າ ແລະ ສະມາຊິກຄະນະຕິດຕໍ່ພົວພັນ ສືບຕໍ່ຫໍ່ເຂົ້າຕົ້ມ 100 ກ້ອນ ແລະ ກະກຽມຂອງຂວັນ 100 ພູດ ເພື່ອມອບໃຫ້ນັກຮຽນ, ນັກສຶກສາ ຫວຽດນາມ ທີ່ພວມຮ່ຳຮຽນຢູ່ ສິງກະໂປ ເນື່ອງໃນໂອກາດບຸນປີໃໝ່.
(ແຫຼ່ງຄັດຈາກ VOV)