ຂ່າວສານ
ບັນການັກເຄື່ອນໄຫວ ຢູ່ ອາເມລິກາ ມີຄວາມເຊື່ອໝັ້ນຕໍ່ການພັດທະນາຂອງ ຫວຽດນາມ ພາຍຫຼັງ ກອງປະຊຸມໃຫຍ່ຄັ້ງທີ XIII ຂອງ ພັກ
ວັນທີ 3 ມັງກອນ, ທ່ານນາງ Merle Ratner - ນັກເຄື່ອນໄຫວຊາວ ອາເມລິກາ ແລະ ທ່ານນາງສາດສະດາຈານ ໂງແທັງຍ່ານ ປະສານງານຮ່ວມໃນການຈັດຕັ້ງບັ້ນປຸກລະດົມການຊ່ວຍເຫຼືອ ແລະ ຄວາມຮັບຜິດຊອບສຳລັບຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນ ຫວຽດນາມ ປະຈຳ ອາເມລິກາ ຖືວ່າ ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIII ຂອງ ພັກກອມມູນິດ ຫວຽດນາມ ທີ່ຫາກໍຈັດຕັ້ງສຳເລັດຜົນນັ້ນ ໄດ້ສ້າງຂີດໝາຍແກ່ບາດລ້ຽວຂອງ ຫວຽດນາມ ມຸ່ງໄປສູ່ໄລຍະໃໝ່ຂອງລັດທິສັງຄົມນິຍົມ.
ທ່ານນາງ ກໍສະແດງຄວາມປິຕິຊົມຊື່ນ ແລະ ອວຍພອນທ່ານເລຂາທິການໃຫຍ່ ຫງວຽນຝູຈ້ອງ ໄດ້ຮັບການເລືອກຕັ້ງຄືນໃໝ່. ທ່ານນາງ ກໍປາດຖະໜາວ່າ ຫວຽດນາມ ຈະສ້າງລະບົບສາທາລະນະສຸກໃໝ່ໂດຍໄວ ເພື່ອໃຫ້ປະຊາຊົນທຸກຄົນລ້ວນແຕ່ໄດ້ຊົມໃຊ້ຜົນປະໂຫຍດ, ພັດທະນາລະບົບສະຫວັດດີການສັງຄົມໃຫ້ແກ້ປະຊາຊົນຜູ້ທຸກຍາກ ໃຫ້ດີກວ່າອີກ, ພ້ອມທັງສືບຕໍ່ການຕ້ານການສໍ້ລາດບັງຫຼວງ. ທ່ານນາງ Merle Ratner - ນັກເຄື່ອນໄຫວ ອາເມລິກາ ແລະ ທ່ານນາງສາດສະດາຈານ ໂງແທັງຍ່ານ ຕ່າງກໍເຊື່ອໝັ້ນວ່າ ການປ້ອງກັນ, ສະກັດກັ້ນໂລກລະບາດໂຄວິດ - 19 ຂອງ ຫວຽດນາມ ຈະສືບຕໍ່ມີປະສິດທິຜົນ.
(ແຫຼ່ງຄັດຈາກ VOV)
