ຂ່າວສານ

ນາຍົກລັດຖະມົນຕີ ຫງວຽນຊວນຟຸກ ໃຫ້ການຕ້ອນຮັບການນຳບາງກຸ່ມບໍລິສັດສາກົນ

28/02/2019

ວັນທີ 27 ກຸມພາ, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ໃຫ້ການຕ້ອນຮັບທ່ານ Kevin Mc Allister ຮອງປະທານຜູ້ບໍລິຫານ ກຸ່ມບໍລິສັດ Boeing , ປະທານທັງເປັນຜູ້ອຳນວຍການໃຫຍ່ບໍລິສັດເຮືອນບິນພົນລະເຮືອນ Boeing ຂອງອາເມລິກາ; ປະທານກຸ່ມບໍລິສັດ HSBC ຂອງອັງກິດ.

ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ
ແລະ ທ່ານ Kevin Mc Allister ຮອງປະທານຜູ້ບໍລິຫານ ກຸ່ມບໍລິສັດ Boeing

ທີ່ການຕ້ອນຮັບທ່ານ Kevin Mc Allister ຮອງປະທານຜູ້ບໍລິຫານ ກຸ່ມບໍລິສັດ Boeing, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ຕີລາຄາສູງບັນດາບໍລິສັດການບິນຫວຽດນາມ ຊຶ່ງຫາກໍເຊັນຂໍ້ຕົກລົງກັບ Boeing ແລະ ໃຫ້ຮູ້ວ່າ ກາລະໂອກາດທີ່ມີຕໍ່ຂະແໜງການບິນແມ່ນໃຫຍ່ຫຼວງທີ່ສຸດ. ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ຫວັງວ່າ Boeing ຈະເພີ່ມທະວີການຮ່ວມມືຊ່ວຍບັນດາບໍລິສັດການບິນຫວຽດນາມໃນວຽກງານບຳລຸງຮັກສາເຮືອບິນ, ຍົກສູງລະດັບຄວາມປອດໄພ.

ຕອນບ່າຍຂອງວັນດຽວກັນ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ກໍໄດ້ໃຫ້ການຕ້ອນຮັບ ທ່ານ Mark Tocker ປະທານກຸ່ມບໍລິສັດ HSBC ຂອງອັງກິດ. ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ຢືນຢັນວ່າ ລັດຖະບານຫວຽດນາມຈະມານະພະຍາຍາມ ບໍລິຫານນະໂຍບາຍເພື່ອສ້າງເສດຖະກິດມະຫາພາກເປັນປົກກະຕິ, ເປັນຕົ້ນແມ່ນການສ້າງນະໂຍບາຍສ້າງສະຖຽນລະພາບທາງດ້ານນະໂຍບາຍເງິນຕາ. ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ຫວັງວ່າ ກຸ່ມບໍລິສັດ HSBC ເປີດກ້ວາງການພັດທະນາສູ່ຫຼາຍຂົງເຂດດຳເນີນທຸລະກິດໃໝ່ຢູ່ຫວຽດນາມໃນສະພາບການໃໝ່.

(ແຫຼ່ງຄັດຈາກ VOV)

ໄຂກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15

20/10/2025
ຂ່າວສານ

ຕອນເຊົ້າວັນທີ 20 ຕຸລາ, ຢູ່ຫໍປະຊຸມ ຢຽນຮົ່ງ, ຮ່າໂນ້ຍ, ສະພາແຫ່ງຊາດ ຫວຽດນາມ ໄດ້ໄຂກອງປະຊຸມສະໄໝສາມັນເທື່ອທີ 10, ເຊິ່ງແມ່ນກອງປະຊຸມຄັ້ງສຸດທ້າຍຂອງສະພາແຫ່ງຊາດ ຫວຽດນາມ ຊຸດທີ 15. ກອງປະຊຸມວຽກງານຫຼາຍທີ່ສຸດຂອງ ອາຍຸການ, ຄາດວ່າ ດຳເນີນເປັນເວລາປະມານ 40 ວັນ. ເຂົ້າຮ່ວມວາລະໄຂກອງປະຊຸມ, ມີທ່ານເລຂາທິການໃຫຍ່ພັກກອມມູນິດ ຫວຽດນາມ ໂຕເລິມ, ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິນຈິງ ແລະ ທ່ານປະທານສະພາແຫ່ງຊາດ ເຈິ່ນແທັງເໝີ້ນ.