ຂ່າວສານ

ນາຍົກລັດຖະມົນຕີ ລາວ ເປັນປະທານກອງປະຊຸມຂ່າວກ່ຽວກັບເຫດການເຂື່ອນກັ້ນນ້ຳ ເຊປ່ຽນ - ເຊນ້ຳນ້ອຍແຕກ

27/07/2018

ບ່າຍວັນທີ 25 ກໍລະກົດ, ທີ່ນະຄອນຫລວງ ວຽງຈັນ, ທ່ານນາຍົກລັດຖະມົນຕີ ລາວ ທອງລຸນ ສີສຸລິດ ເປັນປະທານກອງປະຊຸມຂ່າວເພື່ອແຈ້ງສະພາບການກ່ຽວກັບອຸບັດຕິເຫດເຂື່ອນກັ້ນນ້ຳແຕກ ຕໍ່ສື່ມວນຊົນພາຍໃນ ແລະ ຕ່າງປະເທດ.

ທ່ານນາຍົກລັດຖະມົນຕີ ລາວ ທອງລຸນ ສີ

ແລະກໍ່ໃນຕອນບ່າຍວັນທີ 25 ກໍລະກົດ, ລັດຖະບານ ລາວ ໄດ້ຈັດກອງປະຊຸມດ່ວນ ແລະ ຕົກລົງສ້າງຕັ້ງຄະນະປະຕິບັດງານສະເພາະກິດເພື່ອປະເມີນຜົນເສຍຫາຍ, ຊອກຫາສາຍເຫດຕົ້ນຕໍທີ່ກໍ່ໃຫ້ເກີດເຫດດັ່ງກ່າວ.

        ຕາມທ່ານນາຍົກລັດຖະມົນຕີ ລາວ ແລ້ວ, ຜົນສະທ້ອນຈາກເຫດເຂື່ອນກັ້ນນ້ຳແຕກແມ່ນເສຍຫາຍໜັກໜ່ວງທີ່ສຸດ ແລະ ເປັນຄັ້ງທຳອິດໃນຫລາຍທົດສະວັດຜ່ານມາ. ເຫດການດັ່ງກ່າວເກີດຂຶ້ນ ຍ້ອນຝົນຕົກໜັກທີ່ແກ່ຍາວເປັນເວລາຫລາຍມື້ ເຮັດໃຫ້ປະລິມານນ້ຳເພີ່ມຂຶ້ນສູງຢ່າງໄວ, ອ່າງເກັບນ້ຳສຳຮອງຂອງເຂື່ອນໄຟຟ້ານ້ຳຕົກ ເຊປ່ຽນ - ເຊນ້ຳນ້ອຍ ບໍ່ສາມາດຮັບປະລິມານນ້ຳໄດ້ ຈຶ່ງເຮັດໃຫ້ເຂື່ອນແຕກ. ນ້ຳໄຫລສຸລົງມາຢ່າງແຮງ ປະຊາຊົນຍົກຍ້າຍອອກບໍ່ທັນ.
        ຕາງໜ້າລັດຖະບານ ແລະ ປະຊາຊົນ ລາວ, ທ່ານນາຍົກລັດຖະມົນຕີ ລາວ ໄດ້ຂອບອົກຂອບໃຈຕໍ່ຄວາມແບ່ງປັນຢ່າງເລິກເຊິ່ງ, ການຊ່ວຍເຫຼືອຂອງລັດຖະບານ, ປະຊາຊົນບັນດາປະເທດເພື່ອນມິດ ແລະ ບັນດາອົງການຈັດຕັ້ງສາກົນ.
        ຕໍ່ໜ້າຜົນເສຍຫາຍຂອງເຫດດັ່ງກ່າວ, ວັນທີ 25 ກໍລະກົດ, ລັດຖະບານ ໄທ ໄດ້ຊ່ວຍເຫຼືອ ລາວ ດ້ວຍເງິນສົດທີ່ມີມູນຄ່າ 147.000 USD ໃຫ້ບັນດາຜູ້ປະສົບເຄາະຮ້າຍ.

(ແຫຼ່ງຄັດຈາກ VOV)

ເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອແບບພິເສດ ລະຫວ່າງ ຫວຽດນາມ - ກຸຍບາຢ່າງບໍ່ຢຸດຢັ້ງ

28/09/2023
ຂ່າວສານ

ທ່ານປະທານສະພາແຫ່ງຊາດ ກຸຍບາ Esteban Lazo Hermandez ໄດ້ມາຢ້ຽມຢາມ ຫວຽດນາມ ໃນລະຫວ່າງວັນທີ 24 - 28 ກັນຍາ ແລະ ເຂົ້າຮ່ວມພິທີສະເຫຼີມສະຫຼອງ 50 ປີແຫ່ງວັນທ່ານປະທານ Fidel Castro ມາຢ້ຽມຢາມເຂດປົດປ່ອຍ ພາກໃຕ້ ຫວຽດນາມ (9/1973-9/2023). ນີ້ແມ່ນໂອກາດເພື່ອໃຫ້ປະຊາຊົນສອງປະເທດ, ພິເສດແມ່ນໄວໜຸ່ມ, ເພີ່ມທະວີຄວາມຮູ້ຄວາມເຂົ້າໃຈກ່ຽວກັບປະຫວັດສາດ ແລະ ຄວາມໝາຍຂອງການພົວພັນແບບພິເສດ ລະຫວ່າງ ຫວຽດນາມ - ກຸຍບາ ໂດຍທ່ານປະທານ ໂຮ່ຈີມິນ ແລະ ທ່ານປະທານ Fidel Castro ໄດ້ເພີ່ມພູນຄູນສ້າງຂຶ້ນ. ພ້ອມທັງ, ສະແດງໃຫ້ເຫັນຄວາມຕັດສິນໃຈຂອງສອງຝ່າຍໃນການສືບທອດ ແລະ ເສີມຂະຫຍາຍກຳລັງແຮງມູນເຊື້ອອັນດີງາມ, ປະກອບສ່ວນເຂົ້າໃນການຮັດແໜ້ນການພົວພັນສາມັກຄີລະຫວ່າງ ຫວຽດນາມ - ກຸຍບາ.