ຂ່າວສານ

ນາງງາມ ຈາໄມກາ ໄດ້ຮັບນາມມະຍົດນາງງາມໂລກ ປີ 2019

16/12/2019

Toni – Ann Singh ນາງງາມ ຈາໄມກາ ໄດ້ຮັບນາມມະຍົດນາງງາມໂລກ ປີ 2019 ໃນຄ່ຳຄືນປະກວດນາງງາມຊີງຊະນະເລີດ ທີ່ໄດ້ດຳເນີນໃນຕອນຄ່ຳວັນທີ 14 ທັນວາ, ຢູ່ ລອນດອນ ພາຍຫຼັງທີ່ໄດ້ມີຄະແນນລື່ນກາຍນາງງາມກວ່າ 100 ຄົນ ຂອງປະເທດຕ່າງໆ ທີ່ເຂົ້າຮ່ວມງານປະກວດ.

Toni – Ann Singh ນາງງາມ ຈາໄມກາ ໄດ້ຮັບນາມມະຍົດນາງງາມໂລກ ປີ 2019 (ພາບ: upnewsinfo.com)

ຕາງໜ້າຫວຽດນາມ, ນາງງາມ ເລືອງຖຸ່ຍລິງ ກໍໄດ້ເຂົ້າຮອບປະກວດ top 12. ນີ້ແມ່ນໜຶ່ງໃນບັນດາຜົນງານສູງສຸດຂອງນາງສາວ ຫວຽດນາມ ທີ່ເຂົ້າຮ່ມງານປະກວດ Miss World - ເວທີປະກວດນາງງາມທີ່ມີຂອບຂະໜາດໃຫຍ່ ແລະ ມີອິດທິພົນຊື່ສຽງທີ່ສຸດໃນໂລກ.

ເປີດສາກໃຫ້ແກ່ຄ່ຳຄືນປະກວດຊີງ ນາງງາມ ຊະນະເລີດ ໂລກ ປີ 2019 ແມ່ນລາຍການສະແດງສິລະປະ “Dance of the World” ທີ່ເປັນເອກະລັກ. ບັນດານາງງາມໄດ້ນຸ່ງຊຸດອາພອນປະຈຳຊາດ ແລະ ສະແດງບັນດາວາດຟ້ອນທີ່ເປັນເອກະລັກຂອງບ້ານເກີດເມືອງນອນຂອງຕົນ. ນາງ Toni – Ann Singh, ອາຍຸ 23 ປີ, ເຊິ່ງເປັນນາງງານມາຈາກປະເທດ ຈາໄມກາ, ຊີງໄດ້ມຸງກຸດ Miss World 2019. ນາງເປັນນັກສຶກສາ ກຳລັງຮຽນຂະແໜງຈິດຕະສາດນີ້ ໄດ້ສ້າງຄວາມປະທັບໃຈຢ່າງແຮງ ດ້ວຍຄວາມໝັ້ນໃຈ, ຕະຫຼົກ ແລະ ພິເສດນາງໄດ້ມີນ້ຳສຽງທີ່ເຕັມໄປດ້ວຍພະລັງຊີວິດ ແລະ ເປັນແຫຼ່ງບັນດານໃຈ. ນາງກໍເປັນຜູ້ທີ່ຍາດໄດ້ໄຊຊະນະໃນການປະກວດຄວາມເກັ່ງກ້າສາມາດທີ່ງານປະກວດນາງງາມ Miss World 2019.

ນະທີ່ນີ້, ຄະນະຈັດຕັ້ງກໍໄດ້ມອບລາງວັນ ຮອງນາງງາມທີ 2 ໃຫ້ແກ່ Suman Rao ມາຈາກ ອິນເດຍ ແລະ ຮອງນາງງາມຜູ້ທີ 1 ໄດ້ແກ່ນາງ Ophely Mezino ມາຈາກ ຝລັ່ງ.

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.