ຂ່າວສານ

ນັບແຕ່ເວລາ 6 ໂມງຂອງວັນທີ 1 ມັງກອນປີ 2021 ຈະປະຕິບັດສັນຍາ UKVFTA ໂດຍຊົ່ວຄາວ

02/01/2021

ຫວຽດນາມ ແລະ ອັງກິດ ໄດ້ສຳເລັດລະບຽບການຢູ່ພາຍໃນປະເທດ ໂດຍອະນຸຍາດໃຫ້ປະຕິບັດສັນຍາ ນັບແຕ່ເວລາ 23 ໂມງ GMT ຂອງວັນທີ 31 ທັນວາປີ 2020.

ການປຸ້ງແຕ່ງສິນໃນນ້ຳສົ່ງອອກໄປຍັງ ອີຢູ

ພາບປະກອບ:vietnam+

ພາຍຫລັງ ສັນຍາການຄ້າເສລີ ລະຫວ່າງຫວຽດນາມ ແລະ ອັງກິດ, ໄອແລນເຫນືອ(UKVFTA) ໄດ້ຮັບການລົງນາມຢ່າງເປັນທາງການໃນວັນທີ 29 ທັນວາປີ 2020 ຢູ່ ລອນດອນ ອັງກິດ, ຫວຽດນາມ ແລະ ອັງກິດ ໄດ້ສຳເລັດລະບຽບການຢູ່ພາຍໃນປະເທດ ໂດຍອະນຸຍາດໃຫ້ປະຕິບັດສັນຍາ ນັບແຕ່ເວລາ 23 ໂມງ GMT ຂອງວັນທີ 31 ທັນວາປີ 2020( ກົງກັບ 6 ໂມງເຊົ້າ ວັນທີ 1 ມັງກອນປີ 2021 ຕາມເວລາຫວຽດນາມ). ຕາມກະຊວງອຸດສາຫະກຳ ການຄ້າຫວຽດນາມແລ້ວ, ເລື່ອງປະຕິບັດສັນຍາ UKVFTA ໂດຍຊົ່ວຄາວ ຈະຮັບປະກັນການຄ້າສອງຝ່າຍ ລະຫວ່າງຫວຽດນາມ ແລະ ອັງກິດ ບໍ່ຖືກຕັດຕອນ ພາຍຫລັງສິ້ນສຸດໄລຍະສົ່ງຜ່ານໃນຂະນະສອງຝ່າຍສືບຕໍ່ສຳເລັດບັນດາລະບຽບການຢູ່ພາຍໃນປະເທດໃຫ້ສອດຄ່ອງກັບຂໍ້ກຳນົດຂອງກົດໝາຍແຕ່ລະຝ່າຍ.

(ແຫຼ່ງຄັດຈາກ VOV)

ສະຫາຍອເລຂາທິການໃຫຍ່ ໂຕເລີມ: ສຳນັກຂ່າວສານ ຫວຽດນາມ ສືບຕໍ່ຢືນຢັນບົດບາດເປັນອົງການຂ່າວສານຍຸດທະສາດ ແລະ ຄວາມໄວ້ເນື້ອເຊື່ອໃຈຂອງ ພັກ ແລະ ລັດ

14/09/2025
ຂ່າວສານ

ຕອນເຊົ້າວັນທີ 14 ກັນຍາ, ຢູ່ສູນສຳນັກຂ່າວແຫ່ງຊາດ, ເລກທີ 5 ຫຼີເຖື່ອງກຽດ, ຮ່າໂນ້ຍ, ສຳນັກຂ່າວສານຫວຽດນາມ (VNA) ໄດ້ຈັດພິທີມອບຫຼຽນໄຊ ໂຮ່ຈີມິນ (ເປັນຄັ້ງທີ 3) ແລະ ສະເຫຼີມສະຫຼອງ 80 ປີແຫ່ງວັນມູນເຊື້ອຂອງສຳນັກຂ່າວສານ ຫວຽດນາມ (ວັນທີ 15 ກັນຍາ 1945 - ວັນທີ 15 ກັນຍາ 2025). ສະຫາຍເລຂາທິການໃຫຍ່ ໂຕເລີມ ໄດ້ເຂົ້າຮ່ວມ ແລະ ກ່າວຄຳເຫັນທີ່ພິທີ. ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິງຈິ໋ງ, ປະທານສະພາແຫ່ງຊາດ ເຈີ່ນແທງເໝີ໊ນ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໂດ໊ວັນຈ໋ຽນ ໄດ້ສົ່ງກະຕ່າດອກໄມ້ ແລະ ຈົດໝາຍອວຍພອນເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນມູນເຊື້ອຂອງສຳນັກຂ່າວສານ ຫວຽດນາມ.