• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ທ່ານ Joe Biden ໄດ້​ຮັບ​ໄຊ​ຊະ​ນະ​ເປັນ​ປະ​ທາ​ນາ​ທິ​ບໍ​ດີ ອາ​ເມ​ລິ​ກາ ຢ່າງ​ເປັນ​ທາງ​ການ

ທ່ານ Joe Biden ຍາດໄດ້ທັງໝົດ 302 ບັດຈາກຄະນະຜູ້ຕາງໜ້າຜູ້ມີສິດເລືອກຕັ້ງ.

ຜູ້ສະໝັກເລືອກຕັ້ງປະທານາທິບໍດີ ອາເມລິກາ ສັງກັດພັກປະຊາທິປະໄຕ Joe Biden  (ພາບ: TTXVN)

ວັນທີ 14 ທັນວາ, ຜູ້ສະໝັກເລືອກຕັ້ງປະທານາທິບໍດີ ອາເມລິກາ ສັງກັດພັກປະຊາທິປະໄຕ Joe Biden  ຍາດໄດ້ບັດສະໜັບສະໜູນ 55 ບັດຈາກຄະນະຜູ້ຕາງໜ້າຜູ້ມີສິດເລືອກຕັ້ງ ຢູ່ ລັດ California, ເຊິ່ງເປັນລັດທີ່ມີພົນລະເມືອງຫຼາຍທີ່ສຸດຂອງປະເທດ ອາເມລິກາ, ລື່ນກາຍຈຳນວນບັດສະໜັບສະໜູນທີ່ຕ້ອງບັນລຸ 270 ບັດ ເພື່ອກາຍເປັນປະທານາທິບໍດີຜູ້ທີ 46 ຂອງ ອາເມລິກາ ຢ່າງເປັນທາງການ. ດ້ວຍໄຊຊະນະຢູ່ລັດ California, ທ່ານ Joe Biden ຍາດໄດ້ທັງໝົດ 302 ບັດຈາກຄະນະຜູ້ຕາງໜ້າຜູ້ມີສິດເລືອກຕັ້ງ.

        ກ່ອນໜ້ານັ້ນໃນວັນດຽວກັນ, ຜູ້ຕາງໜ້າຜູ້ມີສິດເລືອກຕັ້ງ 538 ຄະນະ ໄດ້ປ່ອນບັດເລືອກຕັ້ງປະທານາທິບໍດີ ອາເມລິກາ ຫັນໝາກຜົນການແຂ່ງຂັນເຂົ້າທຳນຽບຂາວ ປີ 2020 ເປັນໝາກຜົນທາງການ ພາຍຫຼັງ 50 ລັດ ແລະ ເຂດພິເສດ Columbia ຢັ້ງຢືນໝາກຜົນການເລືອກຕັ້ງ. ຜົນການປ່ອນບັດຂອງຄະນະຜູ້ມີສິດເລືອກຕັ້ງ ຈະໄດ້ຍື່ນສະເໜີຕໍ່ ສະພາແຫ່ງຊາດ, ເຊິ່ງສະພາສູງຈະໂຮມປະຊຸມໃນວັນທີ 6 ມັງກອນ ປີ 2021 ເພື່ອນັບບັດ ແລະ ປະກາດຢ່າງເປັນທາງການວ່າ ຜູ້ໃດຈະເປັນປະທານາທິບໍດີຜູ້ທີ 46 ຂອງປະເທດ ອາເມລິກາ. ຜູ້ໄດ້ຮັບໄຊຊະນະໃນການເລືອກຕັ້ງປະທານາທິບໍດີ ຈະເຂົ້າພິທີສາບານຕົວຮັບດຳລົງຕຳແໜ່ງໃນວັນທີ 20 ມັງກອນ 2021.

(ແຫຼ່ງຄັດຈາກ VOV)

ປຸກ​ລຸກ​ນ້ຳ​ໃຈ​ startup ໃນ​ໝູ່​ນັກ​ຮຽນ, ນັກ​ສຶກ​ສາ

ປຸກ​ລຸກ​ນ້ຳ​ໃຈ​ startup ໃນ​ໝູ່​ນັກ​ຮຽນ, ນັກ​ສຶກ​ສາ

ມີຫຼາຍຮູບແບບສະຕາດອັບ (start up), ປະດິດຄິດສ້າງທີ່ເປັນເອກະລັກ, ມີລັກສະນະໝູນໃຊ້ສູງ ໂດຍນັກຮຽນ, ນັກສຶກສາໃນທົ່ວປະເທດແນະນຳໃນວັນບຸນສະຕາດອັບແຫ່ງຊາດຂອງນັກຮຽນ, ນັກສຶກສາ ຄັ້ງທີ VI, ເຊິ່ງໄດ້ດຳເນີນຢູ່ນະຄອນ ເກີ່ນເທີ ໃນກາງເດືອນພຶດສະພາຜ່ານມາ. ວັນບຸນດັ່ງກ່າວໄດ້ກາຍເປັນເວທີແຫ່ງພູມປັນຍາ, ເຊີດຊູຄວາມສາມາດປະດິດຄິດສ້າງ, ຜົນງານຂອງນັກຮຽນ, ນັກສຶກສາ, ພ້ອມທັບປຸກລຸກນ້ຳໃຈສະຕາດອັບ, ຄວາມຄາດຫວັງກໍ່ຮ່າງສ້າງຕົວ, ສ້າງອາຊີບ, ປະກອບສ່ວນເຮັດໃຫ້ນັກຮຽນ, ນັກສຶກສາປ່ຽນແປງຈິນຕະນາການ, ຄວາມຮັບຮູ້, ກ້າຄິດ, ກ້າທຳ ແລະ ເສີມຂະຫຍາຍກຳລັງຄວາມສາມາດຂອງຕົນ.

Top