ຂ່າວສານ

ທ່ານຮອງນາຍົກລັດຖະມົນຕີຜູ້ປະຈຳການລັດຖະບານ ຫວຽດນາມ ຫງວຽນຮວ່າບິ່ງ ກວດກາໂຄງການສ້າງເສັ້ນທາງດ່ວນເໜືອ - ໃຕ້ທາງທິດຕາເວັນອອກ

08/06/2025

ທ່ານຮອງນາຍົກລັດຖະມົນຕີຜູ້ປະຈຳການລັດຖະບານ ຫວຽດນາມ ຫງວຽນຮວ່າບິ່ງ ໄດ້ລົງຢື້ຢາມຖາມຂ່າວ, ລະດົມກຳລັງໃຈກຳມະກອນທີ່ພວມເຮັດວຽກໂດຍກົງຢູ່ກິດຈະກຳ ພ້ອມທັງສະເໜີບັນດາຜູ້ຮັບເໝົາຕ້ອງຄວບຄຸມຄຸນນະພາບຂອງກິດຈະກຳຢ່າງເຂັ້ມງວດ, ແກ້ໄຂບັນດາຄວາມຫຍຸ້ງຍາກ, ຍູ້ໄວຄວາມຄືບໜ້າຂອງບັນດາກິດຈະກຳ, ເຮັດໄວແຕ່ຕ້ອງຄົບທຸກຂັ້ນຕອນ ແລະ ຮັບປະກັນຄຸນນະພາບ.

ທ່ານຮອງນາຍົກລັດຖະມົນຕີຜູ້ປະຈຳການລັດຖະບານ ຫວຽດນາມ ຫງວຽນຮວ່າບິ່ງ ລົງກວດກາຄວາມຄືບໜ້າຜັນຂະຫຍາຍໂຄງການກໍ່ສ້າງເສັ້ນທາງດ່ວນ (ພາບ: VOV)

ຕອນບ່າຍວັນທີ 06 ມິຖຸນາ, ຢູ່ແຂວງ ບິ່ງດິ້ງ, ທ່ານຮອງນາຍົກລັດຖະມົນຕີຜູ້ປະຈຳການລັດຖະບານ ຫວຽດນາມ ຫງວຽນຮວ່າບິ່ງ ໄດ້ລົງກວດກາຄວາມຄືບໜ້າຜັນຂະຫຍາຍໂຄງການກໍ່ສ້າງເສັ້ນທາງດ່ວນ ຕອນ ກຸຍເຍິນ - ຈິແທັ້ງ ແລະ ຮັບຟັງການລາຍງານຄວາມຄືບໜ້າຂອງບັນດາໂຄງການເສັ້ນທາງດ່ວນ ຮວ່າລຽນ - ຕຸຍລວານ, ກວາງງາຍ - ຮວ່າຍເຍີນ, ຮວ່າຍເຍີນ - ກຸຍເຍິນ ຂຶ້ນກັບໂຄງການກໍ່ສ້າງເສັ້ນທາງດ່ວນເໜືອ - ໃຕ້ທາງທິດຕາເວັນອອກໄລຍະ 2021 – 2025. ໃນການກວດກາ, ທ່ານຮອງນາຍົກລັດຖະມົນຕີຜູ້ປະຈຳການລັດຖະບານ ຫວຽດນາມ ຫງວຽນຮວ່າບິ່ງ ໄດ້ລົງຢື້ຢາມຖາມຂ່າວ, ລະດົມກຳລັງໃຈກຳມະກອນທີ່ພວມເຮັດວຽກໂດຍກົງຢູ່ກິດຈະກຳເສັ້ນທາງດ່ວນ ກຸຍເຍິນ - ຈີແທັ້ງ; ສະເໜີບັນດາຜູ້ຮັບເໝົາຕ້ອງຄວບຄຸມຄຸນນະພາບຂອງກິດຈະກຳຢ່າງເຂັ້ມງວດ, ແກ້ໄຂບັນດາຄວາມຫຍຸ້ງຍາກ, ຍູ້ໄວຄວາມຄືບໜ້າຂອງບັນດາກິດຈະກຳ, ເຮັດໄວແຕ່ຕ້ອງຄົບທຸກຂັ້ນຕອນ ແລະ ຮັບປະກັນຄຸນນະພາບ.

(ແຫຼ່ງຄັດຈາກ VOV)

ຖະແຫຼງຂ່າວໃຫ້ຕ່າງປະເທດແມ່ນໜຶ່ງໃນບັນດາປັດໄຈຍຸດທະສາດໃນພະລັງງານແຮງອ່ອນສັງລວມແຫ່ງຊາດ

14/12/2025
ຂ່າວສານ

ພິທີມອບລາງວັນແຫ່ງຊາດກ່ຽວກັບການຖະແຫຼງຂ່າວໃຫ້ຕ່າງປະເທດຄັ້ງທີ XI ປີ 2025 ໄດ້ດຳເນີນໃນຕອນຄ່ຳວັນທີ 12 ທັນວາ, ຢູ່ຮ່າໂນ້ຍ. ເມື່ອກ່າວຄຳເຫັນໃນເຫດການນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກວ່າ ວຽກງານຖະແຫຼງຂ່າວໃຫ້ຕ່າງປະເທດແມ່ນປັດໄຈຍຸດທະສາດໃນກຳລັງແຮງອ່ອນແຫ່ງຊາດ. ທ່ານກໍສະເໜີໃຫ້ສ້າງຖັນແຖວພະນັກງານເຮັດວຽກງານຖະແຫຼງຂ່າວຕ່າງປະເທດ ທີ່ມີຈັນຍາບັນ, ມີພູມປັນຍາຢ່າງຫຼັກແຫຼມ, ມີຫົວຄິດປະດິດສ້າງ, ມີຄວາມຮັບຜິດຊອບ, ມີຄວາມສຸດຈິດສຸດໃຈ, ມີວິໄສທັດ.