ໂດຍໄດ້ຮັບຄຳເຊື້ອເຊີນຂອງທ່ານປະທານສະພາແຫ່ງຊາດຫວຽດນາມ ເວືອງດິ່ງເຫວະ, ວັນທີ 13 ມິຖຸນາ, ທ່ານປະທານສະພາແຫ່ງຊາດ ກົດດີວົວ Adama Bictogo ໄດ້ນຳໜ້າຄະນະຜູ້ແທນຂັ້ນສູງ ສະພາແຫ່ງຊາດ ສ.ກົດດີວົວ ເລີ່ມຕົ້ນການຢ້ຽມຢາມ ຫວຽດນາມ ຢ່າງເປັນທາງການ. ນີ້ກໍ່ແມ່ນການຢ້ຽມຢາມຫວຽດນາມ ຄັ້ງທຳອິດຂອງປະທານສະພາແຫ່ງຊາດ ກົດດີວົວ ແລະ ກໍ່ແມ່ນການນຳຂັ້ນສູງຂອງປະເທດກົດດີວົວ ຢ້ຽມຢາມ ຫວຽດນາມ ພາຍຫຼັງ ເວລາ 48 ປີແຫ່ງວັນສອງປະເທດສ້າງຕັ້ງການພົວພັນທາງການທູດ (1975 - 2023).
ໃນຂອບເຂດການຢ້ຽມຢາມ, ໃນລະຫວ່າງວັນທີ 13 - 16 ມິຖຸນາ, ທ່ານປະທານສະພາແຫ່ງຊາດ ກົດດີວົວ Adama Bictogo ໄດ້ມີການພົບປະເຈລະຈາກັບບັນດາການນຳ ຫວຽດນາມ. ໃນນັ້ນສອງຝ່າຍຈະຕີລາຄາບັນດາມາດຕະການຊຸກຍູ້ວົງເງິນການຄ້າສອງຝ່າຍ, ຍູ້ແຮງບັນດາການເຄື່ອນໄຫວຖະແຫຼງຂ່າວ, ສົ່ງເສີມການຄ້າ, ການລົງທຶນ, ເພີ່ມທະວີການເຊື່ອມຕໍ່ບັນດາສະມາຄົມ, ວິສາຫະກິດ. ກ່ຽວກັບການຮ່ວມມືລັດຖະສະພາ, ສອງຝ່າຍຈະປຶກສາຫາລື ມາດຕະການສືບຕໍ່ເພີ່ມທະວີການຮ່ວມມືບົນຊ່ອງທາງທູດລັດຖະສະພາ, ເພີ່ມທະວີການແລກປ່ຽນຄະນະຜູ້ແທນຂັ້ນສູງ ແລະ ບັນດາກຳມາທິການວິຊາການຂອງສະພາແຫ່ງຊາດ, ເພີ່ມທະວີການແລກປ່ຽນສະມາຊິກລັດຖະສະພາ, ແລກປ່ຽນບົດຮຽນປະສົບການໃນການຈັດຕັ້ງບັນດາການເຄື່ອນໄຫວລັດຖະສະພາເພື່ອແນໃສ່ສືບຕໍ່ປ່ຽນແປງໃໝ່ ແລະ ຍົກສູງປະສິດທິຜົນການເຄື່ອນໄຫວຂອງສະພາແຫ່ງຊາດ ແລະ ບັນດາອົງການຊ່ວຍວຽກ, ຮ່ວມມືກັນຕິດຕາມການປະຕິບັດຂໍ້ຕົກລົງການຮ່ວມມືທີ່ໄດ້ຮັບການລົງນາມລະຫວ່າງລັດຖະບານສອງປະເທດຢ່າງມີປະສິດທິຜົນ, ສະໜັບສະໜູນ ແລະ ເພີ່ມທະວີການເຊື່ອມຕໍ່, ການຮ່ວມມືລະຫວ່າງວິສາຫະກິດສອງປະເທດ.
