ທ່ານນາຍົກລັດຖະມົນຕີ ຟ້າມມິງຈິງ ກ່າວຄຳເຫັນທີ່ກອງປະຊຸມ (ພາບ: TTXVN)

ທີ່ກອງປະຊຸມ, ລັດຖະບານໄດ້ຮັບຟັງ ແລະ ປຶກສາຫາລືກ່ຽວກັບວຽກງານປ້ອງກັນ, ສະກັດກັ້ນໂລກລະບາດໂຄວິດ - 19, ຕີລາຄາສະພາບການເສດຖະກິດ - ສັງຄົມ ງົບປະມານແຫ່ງລັດ ເດືອນພຶດສະພາ ແລະ 5 ເດືອນຕົ້ນປີ 2021, ຄາດຄະເນສະພາບການເສດຖະກິດ - ສັງຄົມ, ງົບປະມານແຫ່ງລັດ 6 ເດືອນຕົ້ນປີ 2021 ແລະ ບັນດາວິທີການແກ້ໄຂໃນ 6 ເດືອນທ້າຍປີ 2021, ຕີລາຄາໝາກຜົນຂອງການປະຕິບັດແຜນການລົງທຶນຂອງລັດໄລຍະກາງ ແຕ່ປີ 2016 – 2020 ແລະ ຄາດຄະເນ ແຜນການລົງທຶນໄລຍະກາງ 2021 – 2025.

ລັດຖະບານພິຈາລະນາບັນດາແຜນຮ່າງກ່ຽວກັບການປະຕິບັດໂຄງການກໍ່ສ້າງເສັ້ນທາງຄວາມໄວສູງ ໄລຍະ 2021 – 2025 ແລະ ການກຳນົດທິດຮອດປີ 2030, ໂຄງຮ່າງການຈັດຕັ້ງຂອງລັດຖະບານ ຊຸດທີ XV ແລະ ບາງບັນຫາສຳຄັນອື່ນໆອີກ.

ກ່າວຄຳເຫັນໄຂກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິ໊ງ ໄດ້ສະເໜີໃຫ້ບັນດາຜູ້ແທນເຂົ້າຮ່ວມກອງປະຊຸມປຶກສາຫາລື, ຕີລາຄາສະພາບການ, ຍົກອອກບັນດາວິທີການປະຕິບັດບັນດາໜ້າທີ່ຢ່າງມີປະສິດທິຜົນໃນໄລຍະຈະມາເຖິງ.

(ແຫຼ່ງຄັດຈາກ VOV)