ຂ່າວສານ

ທ່ານນາຍົກລັດຖົມນຕີ ຫງວຽນຊວັນຟຸກ ໄດ້ເປັນປະທານກອງປະຊຸມຄະນະປະຈຳການລັດຖະບານກ່ຽວກັບໂຄງການຄົມມະນາຄົມຈຳນວນໜຶ່ງ

14/03/2020

ໃນຕອນບ່າຍວັນທີ 12 ມີນາ, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ເປັນປະທານກອງປະຊຸມຄະນະປະຈຳການລັດຖະບານກ່ຽວກັບບັນດາວິທີການຍູ້ໄວຄວາມຄືບໜ້າບັນດາໂຄງການລົງທຶນກໍ່ສ້າງບາງຕອນຢູ່ເສັ້ນທາງດ່ວນເໜືອ - ໃຕ້ ແລະ ໂຄງການເສັ້ນທາງດ່ວນ ມີຖ້ວນ - ເກິ່ນເທີ.

ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ກ່າວຄຳເຫັນທີ່ກອງປະຊຸມ (ພາບ: VGP)

ທີ່ກອງປະຊຸມ, ທ່ານນາຍົກລັດຖະມົນຕີຖືວ່າ ການຍູ້ໄວຄວາມຄືບໜ້າໃນການປ່ອຍເງິນໃຫ້ແກ່ບັນດາໂຄງການ, ກິດຈະກຳພື້ນຖານໂຄງລ່າງ ຄົມມະນາຄົມ - ຂົນສົ່ງໃຫຍ່ແມ່ນມີຄວາມສຳຄັນພິເສດໃນສະພາບການພື້ນຖານເສດຖະກິດພວມໄດ້ຮັບຜົນກະທົບອັນໃຫຍ່ຫຼວງຈາກ ໂລກລະບາດ Covid -19. ໃນນັ້ນ, ບັນດາໂຄງການສ່ວນໜຶ່ງຂອງ ເສັ້ນທາງດ່ວນ ເໜືອ - ໃຕ້ ແລະ ເສັ້ນທາງດ່ວນ ຈູງເລືອງ - ມີຖ້ວນ - ເກິ່ນເທີ ຕ້ອງໄດ້ຮັບການແກ້ໄຂຄວາມຫຍຸ້ງຍາກຢ່າງຮີບດ່ວນ, ຍູ້ໄວຄວາມຄືບໜ້າໃນການຜັນຂະຫຍາຍການປະຕິບັດ.

ສຳລັບໂຄງການຂົວມີຖ້ວນ 2, ທ່ານນາຍົກລັດຖະມົນຕີໄດ້ຮຽກຮ້ອງໃຫ້ກະຊວງຄົມມະນາຄົມ ແລະ ຂົນສົ່ງຊຸກຍູ້ການຜັນຂະຫຍາຍເພື່ອນຳເຂົ້າໃຊ້ການໂດຍໄວ.

(ແຫຼ່ງຄັດຈາກ VOV)

ຊຸກຍູ້ກຳລັງແຮງພາຍໃນ, ນຳຂະແໜງເກມ ຫວຽດນາມ ບືນຕົວອອກສູ່ໂລກ

09/05/2026
ຂ່າວສານ

ຕອນເຊົ້າວັນທີ 08 ພຶດສະພາ, ວັນບຸນເກມ ຫວຽດນາມ - Vietnam GameVerse 2026 ດ້ວຍຫົວຂໍ້ “ພ້ອມກັນບືນຕົວອອກສູ່ທະເລທີ່ກວ້າງໃຫຍ່ - Do local, go global" ໄດ້ໄຂຂຶ້ນຢູ່ນະຄອນ ໂຮ່ຈີມິນ. ເຫດການດັ່ງກ່າວມີການເຂົ້າຮ່ວມຂອງບັນດາຄູ່ຮ່ວມມືມາຈາກ ສ.ເກົາຫຼີ, ຈີນ, ອາເມລິກາ, ຍີ່ປຸ່ນ… ພ້ອມດ້ວຍບັນດາກຸ່ມບໍລິສັດເຕັກໂນໂລຢີແຖວໜ້າ, ຄື: Google, Meta, Bytedance, Roblox, Riot… ແລະ ບັນດາທິມງານ Esports ທີ່ມາຈາກ 11 ປະເທດ ອາຊຽນ.