ທ່ານເລຂາທິການໃຫຍ່ ຫງວຽນຟູ໋ຈ້ອງ ຢືນຢັນວ່າ: ຫວຽດນາມ ຍາມໃດກໍ່ຖືເປັນສຳຄັນການພົວພັນມິດຕະພາບທີ່ເປັນມູນເຊື້ອກັບ ຮຸງກາຣີ ກໍ່ຄືທີ່ຕັ້ງ, ບົດບາດໃນປະຈຸບັນຂອງ ຮຸງກາຣີ ຢູ່ເອີຣົບ. ທ່ານເລຂາທິການໃຫຍ່ ຫງວຽນຟູ໋ຈ້ອງ ຊົມເຊີຍໝາກຜົນແຫ່ງການເຈລະຈາ ແລະ ບັນດາຂໍ້ຕົກລົງທີ່ບັນລຸໄດ້ໃນການຢ້ຽມຢາມ, ເຫັນດີເປັນເອກະສັນ ສະໜັບສະໜູນການເພີ່ມທະວີສາຍພົວພັນລະຫວ່າງ 2 ລັດຖະບານ, 2 ພັກກຳອຳນາດໃຫ້ດີກ່ວາອີກ ແລະ ຍູ້ແຮງການຮ່ວມມືໃນທຸກຂົງເຂດໃຫ້ເໝາະສົມກັບທ່າແຮງ ແລະ ຄວາມຮຽກຮ້ອງຕ້ອງການຂອງ 2 ຝ່າຍ.

        ສ່ວນທ່ານນາຍົກລັດຖະມົນຕີ ຮຸງກາຣີ Orban Viktor ຢືນຢັນວ່າ: ຮຸງກາຣີ ຖືເປັນສຳຄັນການພົວພັນທີເປັນມູນເຊື້ອກັບ ຫວຽດນາມ, ກຳນົດ ຫວຽດນາມ ແມ່ນຄູ່ຮ່ວມມືສຳຄັນ ແລະ ມີຄວາມສາມາດບົ່ມຊ້ອນຍາວນານທີ່ສຸດຢູ່ພາກພື້ນ ອາຊີຕາເວັນອອກສ່ຽງໃຕ້. ທ່ານ Orban Viktor ຕີລາຄາສູງການລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມືລະຫວ່າງ 2 ພັກກຳອຳນາດຂອງ 2 ປະເທດ, ສະແດງຄວາມປາດຖະໜາຢາກເພີ່ມທະວີການພົວພັນກັບພັກກອມມູນິດ ຫວຽດນາມ ຫລາຍກ່ວາອີກ ກໍ່ຄືຍົກສູງການພົວພັນ 2 ປະເທດໃນໄລຍະຈະມາເຖິງກ່ວາອີກ.

ຕອນບ່າຍວັນດຽວກັນ, ຢູ່ຮ່າໂນ້ຍ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ໄດ້ໃຫ້ການຕ້ອນຮັບທ່ານນາຍົກລັດຖະມົນຕີ ຮຸງກາຣີ Orban Viktor. ທີ່ການຕ້ອນຮັບ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ເນັ້ນໜັກວ່າ ສະພາແຫ່ງຊາດຫວຽດນາມຈະຕິດຕາມກວດກາການປະຕິບັດຂໍ້ຕົກລົງລະຫວ່າງ 2 ລັດຖະບານ ແລະ ສ້າງລະບົບກົດໝາຍໃຫ້ສົມບູນແບບເພື່ອຊຸກຍູ້ບັນດາການເຄື່ອນໄຫວຮ່ວມມື 2 ຝ່າຍ. ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ຢືນຢັນວ່າ ຫວຽດນາມຍາມໃດກໍຖືເປັນສຳຄັນ ແລະ ພັດທະນາການພົວພັນກັບບັນດາປະເທດເພື່ອນມິດທີ່ເປັນມູນເຊື້ອໃນພາກພື້ນເອີລົບຕາເວັນອອກກາງ, ໃນນັ້ນມີຮຸງກາຣີ.

    ສ່ວນທ່ານນາຍົກລັດຖະມົນຕີ ຮຸງກາຣີ Orban Viktor ເນັ້ນໜັກວ່າ ຮຸງກາຮີ ແລະ ຫວຽດນາມມີສາຍພົວພັນມິດຕະພາບມາແຕ່ດົນນານ. ໃນໄລຍະທີ່ຈະມາເຖິງ, ຮຸງກາຣີ ຈະເພີ່ມທະວີການລົງທຶນຢູ່ຫວຽດນາມດ້ວຍຫຼາຍໂຄງການທີ່ມີມູນຄ່ານັບຮ້ອຍລ້ານ USD . ຮຸງກາຣີພ້ອມແລ້ວທີ່ແບ່ງປັນບົດຮຽນໃນບັນດາຂົງເຂດທີ່ຮຸງກາຣີມີທ່າແຮງ.