• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ທ່ານເລຂາທິການໃຫຍ່ ຫງວຽນຝູຈ້ອງ: ເຂດຕາເວັນອອກທາງພາກໃຕ້ຕ້ອງການເປັນແບບຢ່າງດີເດັນ, ບັນລຸປະສິດທິຜົນສູງໃນການຮ່ວມສຳພັນເຂດ

ເພື່ອສ້າງບາດກ້າວຫັນປ່ຽນຢ່າງບຸກທະລຸ ໃນເລື່ອງເສີມຂະຫຍາຍຄວາມສາມາດບົ່ມຊ້ອນ, ທ່າແຮງຂອງແຂວງໃຫ້ເປັນຢ່າງດີກວ່າອີກ, ຕ້ອງມີການປ່ຽນແປງໃໝ່ຢ່າງແຮງ, ມີຫົວຄິດປະດິດສ້າງກວ່າ
  ທ່ານເລຂາທິການໃຫຍ່ ຫງວຽນຝູຈ້ອງ ກ່າວຄຳເຫັນຊີ້ນຳກອງປະຊຸມ (ພາບ: TTXVN)  

ຕອນເຊົ້າວັນທີ 23 ຕຸລາ, ຢູ່ສຳນັກງານສູນກາງພັກ, ກົມການເມືອງ, ຄະນະເລຂາ ໄດ້ຈັດກອງປະຊຸມທົ່ວປະເທດແບບຊ່ິງໜ້າ ສົມທົບກັບທາງໄກ ເພື່ອຊາບຊຶມ ແລະ ຜັນຂະຫຍາຍມະຕິເລກທີ 24 ຂອງກົມການເມືອງຊຸດທີ 13 ກ່ຽວກັບການພັດທະນາເສດຖະກິດສັງຄົມ, ຮັບປະກັນການປ້ອງກັນຊາດປ້ອງກັນຄວາມສະຫງົບ ຢູ່ເຂດຕາເວັນອອກທາງພາກໃຕ້ ຫວຽດນາມ ຮອດປີ 2030, ວິໄສທັດຮອດປີ 2024.

ກ່າວຄຳເຫັນຊີ້ນຳກອງປະຊຸມ, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຝູຈ້ອງ ຢືນຢັນວ່າ ເຂດດັ່ງກ່າວມີທີ່ຕັ້ງ, ສວມບົດບາດສຳຄັນພິເສດໃນການພັດທະນາເສດຖະກິດ - ສັງຄົມ, ການປ້ອງກັນຊາດ - ປ້ອງກັນຄວາມສະຫງົບ ແລະ ການຕ່າງປະເທດຂອງ ຫວຽດນາມ. ທ່ານເລຂາທິການໃຫຍ່ ຫງວຽນຝູຈ້ອງ ເນັ້ນໜັກວ່າ, ເພື່ອສ້າງບາດກ້າວຫັນປ່ຽນຢ່າງບຸກທະລຸ ໃນເລື່ອງເສີມຂະຫຍາຍຄວາມສາມາດບົ່ມຊ້ອນ, ທ່າແຮງຂອງແຂວງໃຫ້ເປັນຢ່າງດີກວ່າອີກ, ຕ້ອງມີການປ່ຽນແປງໃໝ່ຢ່າງແຮງ, ມີຫົວຄິດປະດິດສ້າງກວ່າ, ສ້າງການຫັນປ່ຽນມີລັກສະນະບຸກທະລຸໃນການສືບຕໍ່ກໍ່ສ້າງ ແລະ ພັດທະນາເຂດພາກໃຕ້ຕາເວັນອອກ ໃຫ້ກາຍເປັນສູນເສດຖະກິດ, ການເງິນ, ການຄ້າ, ການສຶກສາ ແລະ ບຳລຸງສ້າງ, ພັດທະນາແຫຼ່ງຊັບພະຍາກອນມີຄຸນນະພາບສູງ, ວິທະຍາສາດເຕັກໂນໂລຊີ… ແຖວໜ້າຂອງທົ່ວປະເທດ ແລະ ເຂດອາຊີຕາເວັນອອກສ່ຽງໃຕ້.

ທ່ານເລຂາທິການໃຫຍ່ ກໍ່ໃສ່ໃຈກ່ຽວກັບວິໄສທັດ ແລະ ບັນດາໜ້າທີ່, ມາດຕະການແກ້ໄຂເພື່ອປະຕິບັດມະຕິຂອງກົມການເມືອງໃນຄັ້ງນີ້ໃຫ້ໄດ້ ແລະ ບັນລຸປະສິດທິຜົນ. ທ່ານເລຂາທິການໃຫຍ່ ຫງວຽນຝູຈ້ອງ ສະເໜີຕ້ອງເອົາໃຈໃສ່ເຖິງບັນຫາດັ່ງກ່າວເປັນພິເສດ ບົນພື້ນຖານການປ່ຽນແປງໃໝ່ດ້ານແນວຄິດ ແລະ ຄວາມຮັບຮູ້, ຕ້ອງຍູ້ແຮງການສ້າງ, ລະບອບລະບຽບການ, ນະໂຍບາຍກ່ຽວກັບການພັດທະນາເຂດໃຫ້ສົມບູນແບບ.

(ແຫຼ່ງຄັດຈາກ VOV)

ເພີ່ມ​ທະ​ວີ​ການ​ເຊື່ອມ​ຕໍ່​ພື້ນ​ຖານ​ເສດ​ຖະ​ກິດ ຫວຽດ​ນາມ ແລະ ສິງ​ກະ​ໂປ

ເພີ່ມ​ທະ​ວີ​ການ​ເຊື່ອມ​ຕໍ່​ພື້ນ​ຖານ​ເສດ​ຖະ​ກິດ ຫວຽດ​ນາມ ແລະ ສິງ​ກະ​ໂປ

ຢູ່ກອງປະຊຸມ, ສອງຝ່າຍໄດ້ແລກປ່ຽນກ່ຽວກັບໝາກຜົນທີ່ບັນລຸໄດ້ໃນ 7 ຂົງເຂດຮ່ວມມື, ນັບແຕ່ກອງປະຊຸມຄັ້ງທີ 15 ທີ່ໄດ້ຈັດຕັ້ງຢູ່ຮ່າໂນ້ຍ ໃນເດືອນ ພະຈິກ ປີ 2021 ມາຮອດປັດຈຸບັນ, ພ້ອມທັງປຶກສາຫາລືກ່ຽວກັບທິດທາງເປີດກວ້າງການຮ່ວມມືໃນຂົງເຂດພະລັງງານຜະລິດຄືນໃໝ່.

Top